Maikadua Kadagiti Taga-Corinto 2:1-17
2 Ta inkeddengko a saankayo a pagladingiten manen iti ibibisitak kadakayo.
2 Ta no pagladingitenkayo, asino ti mangparagsak kaniak no saan a dagiti pinagladingitko?
3 Insuratko ti inaramidko tapno inton umayak, saanakto nga agladingit gapu kadakayo no di ket maragsakanak, ta ammok a ti pakaragsakak ket makaparagsak met kadakayo amin.
4 Ta gapu iti kasta unay a rigat ken saem ti puso a nagsuratak kadakayo buyogen ti adu a lulua, saan a tapno pagladingitenkayo,+ no di ket tapno maammuanyo ti kadakkel ti ayatko kadakayo.
5 Ita, asinoman a mangpaladingit, saan a siak ti pinagladingitna,+ no di ket dakayo amin. Saanko a panggep ti agsao iti nasakit.
6 Umdasen kenkuana ti pannubngar ti kaaduan;
7 ket siaasi a pakawanen ken liwliwaenyo koma,+ tapno saan a lapunosen* ti nakaro a ladingit.+
8 Paregtaenkayo ngarud nga ipasiguradoyo kenkuana ti ayatyo.+
9 Ta daytoy met ti makagapu a sinuratankayo: tapno maammuak no natulnogkayo met laeng iti amin a banag.
10 No pakawanenyo ti asinoman a nakaaramid iti dakes, pakawanek met. Kinapudnona, aniaman a pinakawanko (no adda aniaman a pinakawanko) ket para iti pagimbaganyo iti imatang ni Kristo,
11 tapno saannatayo a magundawayan* ni Satanas,+ ta saantayo nga ignorante kadagiti dakes a planona.*+
12 Idi nakadanonak idiay Troas+ tapno ipakaammok ti naimbag a damag maipapan iti Kristo ken nailukat kaniak ti oportunidad para iti trabaho ti Apo,
13 saan a nabang-aran ti espirituk ta diak nasarakan ni Tito+ a kabsatko. Isu a nagpakadaak kadakuada ket napanak idiay Macedonia.+
14 Ngem pagyamanan iti Dios a kanayon a mangiturturong kadatayo iti martsa ti panagballigi a kadua ti Kristo, ken babaen kadatayo, iwarwarasna* iti amin a lugar ti banglo ti pannakaammo maipapan kenkuana!
15 Ta datayo ken ti mensahe maipapan iti Kristo ket nabanglo iti Dios. Maangot met dayta dagidiay maisalakan ken dagidiay madadael;
16 kadagiti madadael, angot* dayta ni patay a mangiturong iti ipapatay,+ ngem kadagiti maisalakan, banglo ti biag a mangiturong iti biag. Ket asino ti kualipikado kadagitoy a banag?
17 Kualipikadotayo ta saantayo nga aglaklako* iti sao ti Dios+ a kas iti adu a tattao, no di ket napudnotayo nga agsasao kas imbaon ti Dios, wen, iti imatang ti Dios ken kadua ni Kristo.
