Taeka N Rabakau 10:1-32
10 Ana taeka n rabakau Toromon.+
E kakimwareireia tamana te nati ae wanawana,+Ma boni karawawataan tinana te nati ae nanobaba.
2 Bon akea manenani baika kakawaki aika reke n te buakaka,Ma e kamaiua te aba man te mate te raoiroi.+
3 E na aki kariaia Iehova bwa e na baki te aomata ae raoiroi,+Ma e na rawa n angania akana buakaka te bwai ae a tangiria.
4 A na karekea te maiu ni kainnano baai aika taningaroti ni mwakuri,+Ma a uota te kaubwai baai aika mwakuri korakora.+
5 Te nati ae bwabwaina te wanawana e ikotii uaa n tain te mwakuri n tai,Ma te nati ae kamaamaea te aba e matunako n tain te mwakuri n tai.+
6 A mena kakabwaia i aon atun te aomata ae raoiroi,+Ma e karabaa te iowawa wia akana buakaka.
7 Uringan* te aomata ae raoiroi, e na boni karekea nakoina te kakabwaia,+Ma e na mka araia aomata aika buakaka.+
8 E na butimwaei kaetieti* te aomata ae wanawana nanona,+Ma e na toutouaki ane e taetae n te aro ae nanobaba.+
9 Ane e nakonako ma etin arona ao e na nakonako ma te mweraoi,+Ma e na bon ataaki te aomata ae babakanikawai arona.+
10 E karekea te rawawatannano ane e kakeea matana ni kamwamwane,+Ao e na toutouaki ane e taetae n te aro ae nanobaba.+
11 Bon nibwan te maiu win ane e raoiroi,+Ma e karabaa te iowawa win ane e buakaka.+
12 E kauekei taian itabarara te riribai,Ma e rabuni buure ni kabane te tangira.+
13 E reke te wanawana i aon rian te aomata ae ataibwai,+Ma te kai boni kain nukan ane e aki ataa ae riai.*+
14 A kaikoa te atatai akana wanawana,+Ma a wewetea te kabuanibwai wia akana nanobaba.+
15 Kaubwain* te aomata ae kaubwai bon ana kaawa ae nonoaki.
Ma karakon aia bwai aomata aika maiu ni kainnano e kona ni karekea nakoia te kabuanibwai.+
16 Ana mwakuri te aomata ae raoiroi e kairiri nakon te maiu,Ma uaan ana mwakuri te aomata ae buakaka, e kairiri nakon te bure.+
17 Ane e mutiakina te reirei ni kaetieti ao boni ngaia te kawai nakon te maiu,*Ma ane e kakeaa bongan te boaaki ao e katiotionakoia aomata.
18 E taekini keewe te aomata ae karabaa ana riribai,+Ao bon te nanobaba ane e kabutaanako te uarao.*
19 E aki kona n tukaki te bure ngkana a rangi ni bati taeka,+Ma ane e taui aron riana ao e bwaina te wanawana.+
20 Newen ane e raoiroi kaanga ai aron te tirewa ae te kabanea n raoiroi,+Ma tii teutana manenan nanon ane e buakaka.
21 Rian ane e raoiroi e kanuaiia* te koraki aika bati,+Ma e mate ane e nanobaba ibukin aki ataakin ae riai.+
22 Bon ana kakabwaia Iehova ae karika te aomata bwa e na kaubwai,+Ao E aki raonna n te maraki* teuana.
23 Kakaraoan te aroaro ae kanuka kaanga te bwai n takaakaro iroun te aomata ae nanobaba,Ma te wanawana bon ana bwai te aomata ae ataibwai.+
24 Te bwai ae e maakua te aomata ae buakaka e na bon roko i aona,Ma ane e raoiroi e na bon anganaki te bwai ae e tangiria.+
25 Ngkana e kamaunai bwaai te angibuaka, ao e na maunanako naba te aomata ae buakaka,+Ma te aomata ae raoiroi kaanga ai aron aan te kateitei ae teimatoa n aki toki.+
26 N aron rotakin te wi n te beneka,* ao maata n te bubu,Ao ai aron naba rotakin te tia kammwakuri iroun ana aomata ae taningaroti ae e kamwanangaa.
27 E kaabwabwaka te maiu maakakin Iehova,+Ma a na kakimototoaki aia ririki akana buakaka.+
28 E karekea te kimwareirei te bwai ae a kariariaa* akana raoiroi,+Ma e na mauna aia kantaninga akana buakaka.+
29 Aron Iehova bon te nono iroun te aomata ae akea kabuakakaana,+Ma irouia taani kakaraoa ae buakaka bon te kabuanibwai.+
30 E na bon aki kona ni kabwakaaki ane e raoiroi,+Ma e na aki manga maeka n te aonnaba ane e buakaka.+
31 E karika* te wanawana win ane e raoiroi,Ma e na koreakinako te newe ae taekina ae aki riai.
32 E ataa ae kakukurei rian ane e raoiroi,Ma e tataekina te bwai ae aki riai win ane e buakaka.
Taiani Kabwarabwara Mai Nano
^ Ke, “Taekan.”
^ Ebera, “taian tua.”
^ Ebera, “aki tau nanona.”
^ Ke, “Ana bwai ae kakawaki.”
^ Ke tao, “e mena ni kawain te maiu.”
^ Ke, “rongorongo aika tuai n ataaki bwa a koaua ke a aki.”
^ Ke, “kaiririia.”
^ Ke, “te nanokawaki; te rawawata.”
^ Te moi ae kamangingi. Taetae n Ingiriti, “vinegar.”
^ Ke, “kantaningaia.”
^ Ke, “karika uaana ae.”