Numera 33:1-56
33 Teie te mau vahi i puhapa ˈi te nunaa o Iseraela i to ratou haereraa i rapae i te fenua o Aiphiti+ ia au i to ratou pǔpǔ+ i raro aˈe i te aratairaa a Mose raua Aarona.+
2 Ua tapaopao noa Mose i te mau vahi i faareva ˈi ratou mai tera e tera vahi i puhapa ˈi ratou na nia i te faaueraa a Iehova, e teie te mau vahi i faareva ˈi ratou i te tahi atu vahi:+
3 Faareva aˈera ratou mai Ramese+ i te 15 o te mahana o te avaˈe matamua.+ Ananahi aˈe o te Pasa,+ haere aˈera te ati Iseraela i rapae ma te tiaturi* na mua i te mata o to Aiphiti atoa.
4 Te huna ra ïa to Aiphiti i te mau tamarii matahiapo e te mau fanauˈa matamua atoa ta Iehova i tairi i rotopu ia ratou,+ ua faautua hoi Iehova i to ratou mau atua.+
5 Faareva aˈera ïa te ati Iseraela mai Ramese e puhapa ihora i Sukota.+
6 Faareva ˈtura ratou mai Sukota e puhapa ihora i Êtama,+ i te hiti o te medebara.
7 Faareva ˈtura ratou mai Êtama e faahoˈi maira i Pihahirota, to mua noa ˈtu ia Baala-zephona,+ e puhapa ihora i mua ia Migadola.+
8 I muri iho, faareva aˈera ratou mai Pihahirota, na ropu atura i te miti+ i te haereraa i te medebara.+ Haere noa ˈtura ratou i to ratou tere e toru mahana na te medebara o Êtama+ e puhapa ihora i Mara.+
9 Faareva ˈtura ratou mai Mara e tae aˈera i Elima. Te vai ra hoi i Elima 12 pape pihaa e 70 tumu tamara, puhapa ihora ïa ratou i reira.+
10 Faareva ˈtura ratou mai Elima e puhapa ihora i pihai iho i te miti Uteute.
11 I muri iho, faareva aˈera ratou mai te miti Uteute e puhapa ihora i te medebara o Sini.+
12 Faareva ˈtura ratou mai te medebara o Sini e puhapa ihora i Dopheka.
13 I muri iho, faareva aˈera ratou mai Dopheka e puhapa ihora i Alusa.
14 Faareva aˈera ratou i muri iho mai Alusa e puhapa ihora i Rephidima,+ aita e pape i reira ia inu te nunaa.
15 I muri iho, faareva aˈera ratou mai Rephidima e puhapa ihora i te medebara o Sinai.+
16 Faareva aˈera ratou mai te medebara o Sinai e puhapa ihora i Kiberota-hataava.+
17 Faareva ˈtura ratou mai Kiberota-hataava e puhapa ihora i Hazerota.+
18 I muri iho, faareva aˈera ratou mai Hazerota e puhapa ihora i Ritema.
19 Faareva ˈtura ratou mai Ritema e puhapa ihora i Rimona-pereza.
20 Faareva ˈtura ratou mai Rimona-pereza e puhapa ihora i Libena.
21 Faareva aˈera ratou mai Libena e puhapa ihora i Risa.
22 Faareva ˈtura ratou mai Risa e puhapa ihora i Kehelata.
23 Faareva ˈtura ratou mai Kehelata e puhapa ihora i te mouˈa Sephera.
24 I muri iho, faareva aˈera ratou mai te mouˈa Sephera e puhapa ihora i Harada.
25 Faareva ˈtura ratou mai Harada e puhapa ihora i Makelota.
26 Faareva ˈtura+ ratou mai Makelota e puhapa ihora i Tahata.
27 I muri iho, faareva aˈera ratou mai Tahata e puhapa ihora i Tera.
28 Faareva ˈtura ratou mai Tera e puhapa ihora i Miteka.
29 I muri iho, faareva aˈera ratou mai Miteka e puhapa ihora i Hasemona.
30 Faareva ˈtura ratou mai Hasemona e puhapa ihora i Mosera.
31 Faareva ˈtura ratou mai Mosera e puhapa ihora i Bene-iaakana.+
32 Faareva aˈera ratou mai Bene-iaakana e puhapa ihora i Hora-hagidagada.
33 Faareva ˈtura ratou mai Hora-hagidagada e puhapa ihora i Iotabata.+
34 I muri iho, faareva aˈera ratou mai Iotabata e puhapa ihora i Aberona.
35 Faareva aˈera ratou mai Aberona e puhapa ihora i Eziona-gebera.+
36 I muri iho, faareva aˈera ratou mai Eziona-gebera e puhapa ihora i te medebara o Zîna,+ oia hoi Kadesa.
37 I muri iho, faareva aˈera ratou mai Kadesa e puhapa ihora i te mouˈa Hora,+ i te otia o te fenua o Edoma.
38 Pauma aˈera Aarona te tahuˈa i nia i te mouˈa Hora na nia i te faaueraa a Iehova e pohe ihora i reira i te 40raa o te matahiti i faarue ai te ati Iseraela i te fenua o Aiphiti, i te mahana matamua o te pae o te avaˈe.+
39 I to Aarona poheraa i nia i te mouˈa Hora, 123 matahiti to ˈna.
40 Ua faaroo te arii no Arada,+ te ati Kanaana e faaea ra i te Negeba i te fenua o Kanaana, e te haere mai ra te ati Iseraela.
41 I muri aˈe, faareva aˈera ratou mai te mouˈa Hora+ e puhapa ihora i Zalemona.
42 I muri iho, faareva aˈera ratou mai Zalemona e puhapa ihora i Punona.
43 Faareva ˈtura ratou mai Punona e puhapa ihora i Obota.+
44 Faareva ˈtura ratou mai Obota e puhapa ihora i Iie-abarima, i te otia o Moabi.+
45 I muri iho, faareva aˈera ratou mai Îima e puhapa ihora i Dibona-gada.+
46 I muri iho, faareva aˈera ratou mai Dibona-gada e puhapa ihora i Alamona-dibilataima.
47 Faareva ˈtura ratou mai Alamona-dibilataima e puhapa ihora i te mau mouˈa o Abarima+ i mua ia Nebo.+
48 I te pae hopea, faareva aˈera ratou mai te mau mouˈa o Abarima e puhapa ihora i te mau vahi papu pâpâmǎrô o Moabi na te hiti Ioridana i Ieriko.+
49 Puhapa noa ihora ratou na te hiti Ioridana, mai Bete-iesimota tae roa i Abela-sitima,+ i te mau vahi papu pâpâmǎrô o Moabi.
50 Parau maira Iehova ia Mose i te mau vahi papu pâpâmǎrô o Moabi na te hiti Ioridana i Ieriko:
51 “A paraparau i te ati Iseraela e a na ô atu: ‘Na roto atu outou i te Ioridana e haere ai i te fenua o Kanaana.+
52 E tiahi outou pauroa te taata o taua fenua ra mai mua ia outou, e faaore outou pauroa ta ratou ofai taraihia+ e pauroa ta ratou tii faatôhia*+ e e vavahi outou pauroa ta ratou vahi teitei.+
53 E fatu outou i taua fenua ra e e parahi outou i reira, no te mea e horoa ˈtu iho â vau i taua fenua ra ia fatu outou.+
54 E tufa kelero+ outou i taua fenua ra i rotopu i to outou mau fetii ia fatu ratou. I te pǔpǔ rahi, ei tuhaa rahi ïa ta outou e horoa, e i te pǔpǔ iti ei tuhaa iti ïa ta outou e horoa.+ Te tuhaa a te taata tataitahi, o te vahi ïa i mairi ai ta ˈna kelero. E fanaˈo outou i to outou tâpû fenua ei tuhaa ia au i te opu o to outou mau metua.+
55 “‘Ia ore râ outou e tiahi i te mau taata o taua fenua ra mai mua ia outou,+ e riro te feia ta outou e vaiiho ia faaea mai ei putaputa i roto i to outou mata e ei patiatia i to outou aoao, e e hamani ino ratou ia outou i te fenua e parahi ai outou.+
56 E rave au i nia ia outou i ta ˈu i opua e rave i nia ia ratou.’”+
