Numera 2:1-34
-
Vahi faataahia i roto i te puhaparaa e toru opu (1-34)
2 Paraparau maira Iehova ia Mose e ia Aarona, a na ô ai:
2 “E puhapa te ati Iseraela i te vahi i faataahia no to ratou puhaparaa e toru opu,+ te taata tataitahi i pihai iho i te reva* o te utuafare o to ˈna metua. E puhapa ratou i mua i te tiahapa o te amuiraa, ati aˈe.
3 “I te pae hitia o te râ, te pae hitiraa o te mahana, o te puhaparaa e toru opu o to Iuda puhapa ia au i to ratou pǔpǔ. Te raatira o te mau tamaiti a Iuda, o Nahasona+ te tamaiti a Aminadaba.
4 Tei tapaohia te iˈoa i roto i ta ˈna nuu, e 74 600.+
5 I pihai iho mai ia ˈna, o te opu ïa o Isakara te patia i to ratou mau fare ie. Te raatira o te mau tamaiti a Isakara, o Netanela+ te tamaiti a Zuara.
6 Tei tapaohia te iˈoa i roto i ta ˈna nuu, e 54 400.+
7 I pihai iho mai, o te opu o Zebuluna. Te raatira o te mau tamaiti a Zebuluna, o Eliaba+ te tamaiti a Helona.
8 Tei tapaohia te iˈoa i roto i ta ˈna nuu, e 57 400.+
9 “Pauroa te taata tei tapaohia te iˈoa i roto i te mau nuu o te puhapa o Iuda, 186 400. O ratou na mua te tatara i to ratou mau fare ie.+
10 “I te pae apatoa, o te puhaparaa e toru opu o to Reubena+ puhapa ia au i to ratou pǔpǔ. Te raatira o te mau tamaiti a Reubena, o Elizura+ te tamaiti a Sedeura.
11 Tei tapaohia te iˈoa i roto i ta ˈna nuu, e 46 500.+
12 I pihai iho mai ia ˈna, o te opu ïa o Simeona te patia i to ratou mau fare ie. Te raatira o te mau tamaiti a Simeona, o Selumiela+ te tamaiti a Zurisadai.
13 Tei tapaohia te iˈoa i roto i ta ˈna nuu, e 59 300.+
14 I pihai iho mai, o te opu o Gada. Te raatira o te mau tamaiti a Gada, o Eliasapha+ te tamaiti a Reuela.
15 Tei tapaohia te iˈoa i roto i ta ˈna nuu, e 45 650.+
16 “Pauroa te taata tei tapaohia te iˈoa i roto i te mau nuu o te puhapa o Reubena, 151 450. O ratou te piti te tatara i to ratou mau fare ie.+
17 “I te taime e faarevahia ˈi te tiahapa o te amuiraa,+ to ropu te puhapa o te ati Levi i te tahi atu mau puhapa.
“Ia ratere ratou na roto i te hoê â anairaa o to ratou puhaparaa,+ te opu tataitahi i to ratou iho vahi, ia au i to ratou mau puhaparaa e toru opu.
18 “I te pae tooa o te râ, o te puhaparaa e toru opu o to Epheraima puhapa ia au i to ratou pǔpǔ. Te raatira o te mau tamaiti a Epheraima, o Elisama+ te tamaiti a Amihuda.
19 Tei tapaohia te iˈoa i roto i ta ˈna nuu, e 40 500.+
20 I pihai iho mai ia ˈna, o te opu o Manase.+ Te raatira o te mau tamaiti a Manase, o Gamaliela+ te tamaiti a Pedazura.
21 Tei tapaohia te iˈoa i roto i ta ˈna nuu, e 32 200.+
22 I pihai iho mai, o te opu o Beniamina. Te raatira o te mau tamaiti a Beniamina, o Abidana+ te tamaiti a Gideoni.
23 Tei tapaohia te iˈoa i roto i ta ˈna nuu, e 35 400.+
24 “Pauroa te taata tei tapaohia te iˈoa i roto i te mau nuu o te puhapa o Epheraima, 108 100. O ratou te toru te tatara i to ratou mau fare ie.+
25 “I te pae apatoerau, o te puhaparaa e toru opu o to Dana puhapa ia au i to ratou pǔpǔ. Te raatira o te mau tamaiti a Dana, o Ahiezera+ te tamaiti a Amisadai.
26 Tei tapaohia te iˈoa i roto i ta ˈna nuu, e 62 700.+
27 I pihai iho mai ia ˈna, o te opu o Asera te patia i to ratou mau fare ie. Te raatira o te mau tamaiti a Asera, o Pagiela+ te tamaiti a Okarana.
28 Tei tapaohia te iˈoa i roto i ta ˈna nuu, e 41 500.+
29 I pihai iho mai, o te opu o Naphatali. Te raatira o te mau tamaiti a Naphatali, o Ahira+ te tamaiti a Enana.
30 Tei tapaohia te iˈoa i roto i ta ˈna nuu, e 53 400.+
31 “Pauroa te taata tei tapaohia te iˈoa o te puhapa o Dana, 157 600. O ratou te hopea te tatara i to ratou mau fare ie,+ ia au i to ratou mau puhaparaa e toru opu.”
32 O ratou te ati Iseraela tei tapaohia te iˈoa ia au i te mau utuafare o to ratou mau metua. Te taatoaraa o te feia o te mau puhapa tei tapaohia te iˈoa no te nuu, e 603 550.+
33 Aita râ i tapaohia te iˈoa o te ati Levi+ e to te tahi atu ati Iseraela,+ mai ta Iehova iho â i faaue ia Mose.
34 Ua rave pauroa te ati Iseraela i ta Iehova i faaue ia Mose. Mai tera ratou i te puhaparaa e toru opu tataitahi,+ e i te tatararaa i to ratou mau fare ie,+ tera e tera fetii e ia au i te mau utuafare o to ratou mau metua.
Nota i raro i te api
^ Aore ra “tapao.”
