Numera 29:1-40
29 “‘I te mahana matamua o te hitu o te avaˈe, e faatupu outou i te tahi tairururaa moˈa. Eiaha outou e rave i te tahi ohipa rohirohi.+ E mahana tera e faaoto ai outou i te pu.+
2 E pûpû outou ei tusia taauahi e te mea hauˈa noˈanoˈa au maitai* ia Iehova hoê puaatoro oni apî, hoê mamoe oni, e e hitu fanauˈa mamoe oni hoê matahiti, mea oraora maitai anaˈe
3 e te tusia huero maa no te reira hamanihia i te faraoa ota oro-maitai-hia anoihia i te hinu, e toru tuhaa i nia ahuru o te epha no te puaatoro oni, e piti tuhaa i nia ahuru no te mamoe oni,
4 hoê tuhaa i nia ahuru no na fanauˈa mamoe oni tataitahi e hitu,
5 e hoê puaaniho oni apî ei tusia no te hara ia fanaˈo outou i te faahauraa,
6 hau atu i te tusia taauahi taavaˈe e te tusia huero maa+ no te reira, e te tusia taauahi tamau e te tusia huero maa+ no te reira, e te mau tusia uaina+ no te reira ia au i te raveraa titauhia no te reira, ei mea hauˈa noˈanoˈa au maitai,* ei tusia pûpûhia ia Iehova na roto i te auahi.
7 “‘E i te ahuru o te mahana o te hitu o te avaˈe, e faatupu outou i te tahi tairururaa moˈa+ e e faaite outou i to outou oto.* Eiaha outou e rave i te tahi ohipa.+
8 E pûpû outou ei tusia taauahi ia Iehova, ei mea hauˈa noˈanoˈa au maitai,* hoê puaatoro oni apî, hoê mamoe oni, e e hitu fanauˈa mamoe oni hoê matahiti, mea oraora maitai anaˈe.+
9 E ei tusia huero maa no te reira hamanihia i te faraoa ota oro-maitai-hia anoihia i te hinu, e toru tuhaa i nia ahuru no te puaatoro oni, e piti tuhaa i nia ahuru no te mamoe oni,
10 hoê tuhaa i nia ahuru no na hitu fanauˈa mamoe oni tataitahi,
11 e hoê puaaniho apî ei tusia no te hara, hau atu i te tusia no te hara i te Mahana faahauraa,+ te tusia taauahi tamau, te tusia huero maa no te reira e te mau tusia uaina no te reira.
12 “‘E i te 15 o te mahana o te hitu o te avaˈe, e faatupu outou i te tahi tairururaa moˈa. Eiaha roa outou e rave i te tahi ohipa rohirohi. E faatupu outou i te tahi oroa no Iehova e hitu mahana.+
13 E pûpû outou ei tusia taauahi,+ ei mea hauˈa noˈanoˈa au maitai* pûpûhia ia Iehova na roto i te auahi, 13 puaatoro oni apî, 2 mamoe oni, e 14 fanauˈa mamoe oni hoê matahiti, mea oraora maitai anaˈe.+
14 E ei tusia huero maa hamanihia i te faraoa ota oro-maitai-hia anoihia i te hinu, e toru tuhaa i nia ahuru no na 13 puaatoro oni tataitahi, e piti tuhaa i nia ahuru no na 2 mamoe oni tataitahi,
15 hoê tuhaa i nia ahuru no na 14 fanauˈa mamoe oni tataitahi,
16 e hoê puaaniho apî ei tusia no te hara, hau atu i te tusia taauahi tamau, te tusia huero maa no te reira e te tusia uaina+ no te reira.
17 “‘E i te piti o te mahana, 12 puaatoro oni apî, 2 mamoe oni e 14 fanauˈa mamoe oni hoê matahiti, mea oraora maitai anaˈe,+
18 e te tusia huero maa no te reira e te mau tusia uaina no te reira no te mau puaatoro oni, mamoe oni, e fanauˈa mamoe oni ia au i to ratou rahiraa e ia au i te raveraa titauhia,
19 e hoê puaaniho apî ei tusia no te hara, hau atu i te tusia taauahi tamau, te tusia huero maa no te reira e te mau tusia uaina+ no te reira.
20 “‘E i te toru o te mahana, 11 puaatoro oni, 2 mamoe oni e 14 fanauˈa mamoe oni hoê matahiti, mea oraora maitai anaˈe,+
21 e te tusia huero maa no te reira e te mau tusia uaina no te reira no te mau puaatoro oni, mamoe oni, e fanauˈa mamoe oni ia au i to ratou rahiraa e ia au i te raveraa titauhia,
22 e hoê puaaniho ei tusia no te hara, hau atu i te tusia taauahi tamau, te tusia huero maa no te reira e te tusia uaina+ no te reira.
23 “‘E i te maha o te mahana, 10 puaatoro oni, 2 mamoe oni e 14 fanauˈa mamoe oni hoê matahiti, mea oraora maitai anaˈe,+
24 e te tusia huero maa no te reira e te mau tusia uaina no te reira no te mau puaatoro oni, mamoe oni, e fanauˈa mamoe oni ia au i to ratou rahiraa e ia au i te raveraa titauhia,
25 e hoê puaaniho apî ei tusia no te hara, hau atu i te tusia taauahi tamau, te tusia huero maa no te reira e te tusia uaina+ no te reira.
26 “‘E i te pae o te mahana, 9 puaatoro oni, 2 mamoe oni e 14 fanauˈa mamoe oni hoê matahiti, mea oraora maitai anaˈe,+
27 e te tusia huero maa no te reira e te mau tusia uaina no te reira no te mau puaatoro oni, mamoe oni, e fanauˈa mamoe oni ia au i to ratou rahiraa e ia au i te raveraa titauhia,
28 e hoê puaaniho ei tusia no te hara, hau atu i te tusia taauahi tamau, te tusia huero maa no te reira e te tusia uaina+ no te reira.
29 “‘E i te ono o te mahana, 8 puaatoro oni, 2 mamoe oni e 14 fanauˈa mamoe oni hoê matahiti, mea oraora maitai anaˈe,+
30 e te tusia huero maa no te reira e te mau tusia uaina no te reira no te mau puaatoro oni, mamoe oni, e fanauˈa mamoe oni ia au i to ratou rahiraa e ia au i te raveraa titauhia,
31 e hoê puaaniho ei tusia no te hara, hau atu i te tusia taauahi tamau, te tusia huero maa no te reira e te mau tusia uaina+ no te reira.
32 “‘E i te hitu o te mahana, 7 puaatoro oni, 2 mamoe oni e 14 fanauˈa mamoe oni hoê matahiti, mea oraora maitai anaˈe,+
33 e te tusia huero maa no te reira e te mau tusia uaina no te reira no te mau puaatoro oni, mamoe oni, e fanauˈa mamoe oni ia au i to ratou rahiraa e ia au i te raveraa titauhia no te reira,
34 e hoê puaaniho ei tusia no te hara, hau atu i te tusia taauahi tamau, te tusia huero maa no te reira e te tusia uaina+ no te reira.
35 “‘I te vaˈu o te mahana, e faatupu outou i te tahi tairururaa taa ê. Eiaha roa outou e rave i te tahi ohipa rohirohi.+
36 E pûpû outou ei tusia taauahi, e tusia ia Iehova na roto i te auahi ei mea hauˈa noˈanoˈa au maitai,* hoê puaatoro oni, hoê mamoe oni, e e hitu fanauˈa mamoe oni hoê matahiti, mea oraora maitai anaˈe,+
37 e te tusia huero maa no te reira e te mau tusia uaina no te reira no te puaatoro oni, te mamoe oni, e na fanauˈa mamoe oni ia au i to ratou rahiraa e ia au i te raveraa titauhia,
38 e hoê puaaniho ei tusia no te hara, hau atu i te tusia taauahi tamau, te tusia huero maa no te reira e te tusia uaina+ no te reira.
39 “‘Tera ta outou e pûpû ia Iehova i ta outou mau oroa,+ hau atu i ta outou mau tusia euhe+ e ta outou mau tusia horoa noa,+ ei tusia taauahi+ e te tusia huero maa,+ te tusia uaina+ e te tusia no te hau+ na outou.’”
40 Parau atura Mose i te ati Iseraela i te mau mea atoa ta Iehova i faaue ia ˈna.
