Numera 17:1-13
-
E tapao ia oteo te raau a Aarona (1-13)
17 Na ô maira Iehova ia Mose:
2 “A paraparau i te ati Iseraela e a rave ia ratou ra hoê raau no te opu tataitahi, i te mau raatira o te mau opu tataitahi,+ 12 ïa raau. A papai i to ratou iˈoa tataitahi i nia i ta ratou mau raau.
3 E papai oe i te iˈoa o Aarona i nia iho i te raau a Levi, no te mea hoê noa raau no te raatira o te opu tataitahi.
4 A vaiiho i te mau raau i roto i te tiahapa o te amuiraa i mua i te Haamanaˈoraa,+ i reira vau e tia pinepine ai i mua ia outou.+
5 E oteo mai te raau a te taata ta ˈu e maiti,+ e e faaore au i te amuamuraa a te ati Iseraela ia ˈu,+ ta ratou hoi e amuamu atoa ra ia orua.”+
6 Paraparau atura ïa Mose i te ati Iseraela, e horoa maira pauroa to ratou raatira i te raau ia ˈna ra, hoê raau no hoê raatira opu, 12 ïa raau, to roto atoa te raau a Aarona.
7 Vaiiho atura Mose i te mau raau i mua ia Iehova i roto i te tiahapa o te Haamanaˈoraa.
8 Ananahi aˈe, i to Mose tomoraa ˈtu i roto i te tiahapa o te Haamanaˈoraa, inaha, ua oteo te raau a Aarona no te opu o Levi, ua oteo e ua horoa mai i te tiare e te aramona paari.
9 Hopoi maira Mose pauroa te raau i te nunaa ra o Iseraela mai mua ia Iehova. Hiˈo atura ratou i te reira, e rave maira te taata tataitahi i ta ˈna raau.
10 Na ô maira ïa Iehova ia Mose: “A faahoˈi i te raau a Aarona+ i mua i te Haamanaˈoraa ei taoˈa te faahereherehia ei tapao+ no te mau tamarii a te orureraa hau,+ ia ore ta ratou amuamuraa ia ˈu e ia ore ratou ia pohe.”
11 I reira iho, rave ihora Mose mai ta Iehova i faaue ia ˈna. Ua na reira iho â oia.
12 Na ô atura te ati Iseraela ia Mose: “E pohe matou, papu e mou matou, e mou pauroa matou!
13 E pohe te taata o te faafatata i te sekene a Iehova!+ Mai tera anei ia pohe matou?”+
