Numera 23:1-30
23 Parau atura Balaama ia Balaka: “A hamani e hitu fata+ i teie vahi, e a faaineine e hitu puaatoro oni e e hitu mamoe oni no ˈu.”
2 Rave ihora Balaka i ta Balaama atoa i parau. Pûpû atura Balaka raua Balaama i te hoê puaatoro oni e te hoê mamoe oni i nia i na fata tataitahi.+
3 Parau atura Balaama ia Balaka: “A faaea mai i ǒ nei i pihai iho i ta oe tusia taauahi, e haere au. Peneiaˈe e haere mai Iehova e farerei ia ˈu. Pauroa ta ˈna e faaite ia ˈu, e parau vau ia oe.” Haere atura ïa oia i nia i te tahi aivi ano.
4 Haere maira te Atua e farerei ia Balaama,+ o tei parau atu ia ˈna: “Ua anai au e hitu fata, e ua pûpû vau i te hoê puaatoro oni e te hoê mamoe oni i nia i na fata tataitahi.”
5 Tuu maira Iehova i te hoê parau i roto i te vaha o Balaama+ e na ô maira: “A hoˈi ia Balaka, e teie ta oe e parau.”
6 Hoˈi atura ïa oia e ite atura e te tia ra Balaka e te huiarii taatoa o Moabi i pihai iho i ta ˈna tusia taauahi.
7 Parau atura oia i teie parau paari:+
“Ua hopoi mai Balaka te arii o Moabi ia ˈu na Arama+ mai,Na te mau mouˈa o hitia o te râ:
‘A haere mai e faatae i te ino i nia ia Iakoba no ˈu.
Oia mau, a haere mai e faahapa ia Iseraela.’+
8 E nafea vau e nehenehe ai e faatae i te ino i nia i te feia ta te Atua i ore i faatae i te ino?
E nafea vau e nehenehe ai e faahapa i te feia ta Iehova i ore i faahapa?+
9 E ite atu vau ia ratou mai nia mai i te mau mato,E e ite atu vau ia ratou mai nia mai i te mau aivi.
Te parahi nei ratou ei nunaa o ratou anaˈe,+Eita ratou e taiohia i rotopu i te mau nunaa.+
10 O vai te nehenehe e taio i te nahoa o Iakoba+ mai te huˈahuˈa repo ra te rahiAore ra e taio noa ˈtu hoê tuhaa i nia e maha o Iseraela?
Ia pohe au i te pohe o te taata parau-tia,E ia au te hopea o to ˈu ora i to ratou.”
11 Parau maira ïa Balaka ia Balaama: “Eaha ta oe i rave ia ˈu? Ua hopoi mai au ia oe i ǒ nei no te faatae i te ino i nia i to ˈu mau enemi, aita râ, ua haamaitai oe ia ratou.”+
12 Pahono atura oia: “Eiaha anei au ia parau i ta Iehova atoa i tuu i roto i to ˈu vaha?”+
13 Parau atura Balaka ia ˈna: “A haere mai na na muri ia ˈu i te tahi atu vahi e nehenehe ai oe e ite atu ia ratou. Hoê tuhaa noa o ratou ta oe e ite atu, eita oe e ite pauroa ia ratou. A faatae i te ino i nia ia ratou no ˈu mai reira mai.”+
14 Afai atura ïa oia ia ˈna i te tuhaa fenua o Zophima, i nia roa i Pisega,+ hamani atura oia e hitu fata, e pûpû atura i te hoê puaatoro oni e te hoê mamoe oni i nia i na fata tataitahi.+
15 Parau atura ïa Balaama ia Balaka: “A faaea mai i ǒ nei i pihai iho i ta oe tusia taauahi a haere ai au e farerei i te Atua i ǒ.”
16 Haere maira Iehova e farerei ia Balaama, tuu maira i te hoê parau i roto i to ˈna vaha+ e na ô maira: “A hoˈi ia Balaka, e teie ta oe e parau.”
17 Haere atura ïa oia ia ˈna e ite atura e te tiai ra oia i pihai iho i ta ˈna tusia taauahi, e tei ia ˈna ra te huiarii o Moabi. Ui maira Balaka ia ˈna: “Eaha ta Iehova i parau?”
18 Parau atura oia i teie parau paari:+
“A tia i nia, Balaka, e a faaroo mai.
A faaroo mai ia ˈu, e te tamaiti a Tipora.
19 E ere te Atua i te taata e haavare ai oia,+E ere atoa i te tamaiti a te taata e taui ai to ˈna manaˈo.*+
Ia parau oia i te tahi mea, eita anei oia e rave i te reira?
Ia paraparau oia, eita anei oia e faatupu?+
20 Inaha, tei ǒ nei au no te haamaitai atu.Ua haamaitai Oia,+ e eita ta ˈu e nehenehe e faaore i te reira.+
21 Eita oia e vaiiho i te tahi peu tahutahu e hamani ino ia Iakoba,E eita oia e vaiiho ia Iseraela ia roohia i te tahi fifi.
Tei ia ratou to ˈna Atua o Iehova,+E te arue-rahi-hia nei oia ei Arii i nia ia ratou.
22 Te aratai nei te Atua ia ratou i rapae i Aiphiti.+
Mai na tara o te tahi puaatoro oni oviri oia no ratou.+
23 Aita hoi e tapao ino i nia ia Iakoba,+Aita atoa e peu hiˈohiˈo e hamani ino ia Iseraela.+
I teie taime, e nehenehe e parauhia no Iakoba e Iseraela:
‘A hiˈo na i ta te Atua i rave!’
24 Teie te hoê nunaa o te tia mai mai te tahi liona,E mai te liona, e tia mai oia i nia.+
Eita oia e taoto e ia roaa roa mai ia ˈna ta ˈna i aˈuaˈuE ia inu roa oia i te toto o tei haapohehia.”
25 Parau maira Balaka ia Balaama: “Ore noa ˈtu â oe e nehenehe e faatae i te ino i nia ia ˈna, eiaha atoa ïa oe e haamaitai ia ˈna.”
26 Pahono atura Balaama ia Balaka: “Aita anei au i parau ia oe: ‘E rave au i ta Iehova atoa e parau ra’?”+
27 Parau maira Balaka ia Balaama: “A haere mai na ia aratai au ia oe i te tahi atu vahi. Peneiaˈe e tia i te aro o te Atua mau ia faatae oe i te ino i nia ia ˈna no ˈu mai reira mai.”+
28 Aratai atura Balaka ia Balaama i nia roa i Peora, o te fariu ra ia Iesimona.*+
29 Parau atura Balaama ia Balaka: “A hamani e hitu fata i teie vahi, e a faaineine e hitu puaatoro oni e e hitu mamoe oni no ˈu.”+
30 Rave ihora ïa Balaka mai ta Balaama iho â i parau, e pûpû atura i te hoê puaatoro oni e te hoê mamoe oni i nia i na fata tataitahi.
