Jobo 7:1-21
7 Na motho o etselitsoe hore a sebetse ka thata bophelo bohle ba hae,Hape na matsatsi a hae a joaloka a mosebeletsi ea hiriloeng?+
2 O batla moriti joaloka lekhoba,’Me o emela moputso oa hae joaloka mosebeletsi ea hiriloeng.+
3 Ke ka lebaka leo ke filoeng likhoeli tse se nang thuso,Le masiu a tletseng matšoenyeho.+
4 Ha ke robala kea ipotsa ke re, ‘Ebe ke tla tsoha neng?’+
Ha bosiu bo lieha ho sa, ha ke khone ho robala ho fihlela hoseng.*
5 ’Mele oa ka o tletse liboko le mobu,+Letlalo la ka le tletse likhoo* le bolalu.+
6 Matsatsi a ka a feta kapele joaloka nalete ea motho ea rokang,+Aa feta ’me a ntšiea ke se na tšepo.+
7 Hopola hore bophelo ba ka bo bokhutšoanyane,*+Le hore le ka mohla mahlo a ka a ke ke a hlola a bona se molemo.
8 Ea mponang hona joale ha a sa tla hlola a mpona,O tla mpatla empa ke tla be ke le sieo.+
9 Joaloka leru le felang le le nyamelang,Motho ea eang Lebitleng* ha a khutle.+
10 Ha a sa tla hlola a khutlela ka tlung ea hae,Batho ba sebakeng seo a neng a lula ho sona ba tla mo lebala.+
11 Ka lebaka leo, nke ke ka thiba molomo oa ka.
Ke tla bua ka lebaka la bohloko boo ke bo utloang pelong ea ka,Ke tla tletleba matšoenyehong a ka.+
12 Na ’na ke leoatle kapa ke phoofolo e kholohali ea leoatle,Hoo u lokelang ho beha motho ea nkatileng?
13 Ha ke re, ‘Setulo sa ka se tla ntšelisa,Bethe ea ka e tla nthusa ho kokobetsa mathata a ka,’
14 Ke ha u ntšosa ka litoroLe ka lipono,
15 E le hore ke khethe ho bipetsana,Ke khethe lefu ho e-na le ho phela ka tsela ena.*+
16 Ke hloile bophelo ba ka,+ ha ke sa batla ho phela.
Ntlohele hobane matsatsi a ka a feta kapele joaloka moea oo re o hemang.+
17 Motho e ne e boetse e le eng hore u tšoenyehe ka eena,Le hore u amehe ka eena?+
18 Ke hobane’ng ha u mo hlahloba hoseng ho hong le ho hong,Le ho mo leka motsotso o mong le o mong?+
19 Ke hobane’ng ha u sa khaotse ho ncheba,U ke u mphe nako ea hore nke ke koenye mathe?+
20 Haeba ke entse sebe, ke u utloisitse bohloko ka’ng uena Ea Bonang lintho tsohle tseo batho ba li etsang?+
Ke hobane’ng ha u shebane le ’na?
Na ke se ke le moroalo ho uena?
21 Ke hobane’ng ha u sa ntšoarele’Me u hlakole phoso ea ka?
Kaha haufinyane ke tla robala leroleng,+U tla mpatla empa ke tla be ke le sieo.”
