Jobo 19:1-29
19 Jobo a re:
2 “Le tla nkutloisa bohloko+Le ho nkhoba ka mantsoe ho fihlela neng?+
3 Le nkhalemetse* ka makhetlo ana a leshome,Ha le hlajoe ke lihlong hore ebe le ntšoara hampe.+
4 Haeba kannete ke entse phoso,Phoso ea ka ha e le ame ka letho.
5 Haeba le tsoela pele ho iphahamisetsa ’na,Ka hore ebe le re ho lokile ha ke hlaheloa ke lintho tsena tse bohloko,
6 Tsebang hore ke Molimo ea nkhelositseng,O ntšoasitse ka sefi seo a tsomang ka sona.
7 Ke ntse ke hoeletsa ke re, ‘Ke tšoeroe hampe!’ empa ha ho na motho ea arabang.+
Ke ntse ke kopa thuso empa ha ho na toka.+
8 O koetse tsela ea ka ka lerako le entsoeng ka majoe ’me ha ke khone ho feta,O koahetse litsela tsa ka ka lefifi.+
9 O entse hore ke se ke ka hlompheha’Me a tlosa korone hloohong ea ka.
10 O ntlhasela ka mahlakore ’ohle ho fihlela ke shoa,Tšepo ea ka o e fothola joaloka sefate.
11 O nkhalefela ka matla,O nka hore ke sera sa hae.+
12 Masole a hae aa ikopanya ebe aa nthibella,A hloma litente ho potoloha tente ea ka.
13 O leleketse bana beso hole le ’na,’Me batho ba ntsebang ba mphetohetse.+
14 Metsoalle* ea ka e ntahlile,’Me batho bao ke ba tsebang ha ba sa nkhopola.+
15 Makhoba a ka a basali le baeti ba ka tlung ea ka+ ba nkuka ke le motho eo ba sa mo tsebeng,Ke molichaba mahlong a bona.
16 Ke bitsa mohlanka oa ka empa ha a arabe,Ke mo kopa hore a nqenehele.
17 Ha ke hema mosali oa ka oa nkheloa,+Ke se ke nkhela le bana beso hampe.*
18 Le bana ba banyenyane ba ntlhoile,Ha ba mpona* feela baa ntšoma.
19 Metsoalle ea ka kaofela e ntlhoile,+Batho bao ke neng ke ba rata ba mphetohetse.+
20 Letlalo la ka le khomaretse masapo a ka,+Ke phonyohile lefu ka lesoba la nale.*
21 Nkhauheleng metsoalle ea ka, nkhauhelengKaha Molimo o nkotlile.*+
22 Ke hobane’ng ha le ntlhorisa joalokaha Molimo a ntlhorisa,+Le ntlhasela le sa tele?*+
23 Haeba feela mantsoe a ka a ne a ka ngoloa fatše,Haeba feela a ne a ka ngoloa bukeng!
24 Hoja a ne a ka ngoloa ka ho sa feleng lefikeng,Ka pene ea tšepe le ka loto!
25 Kaha ke tseba hantle hore molopolli oa ka+ oa phela,O tla tla hamorao ’me a phahamele lefatše.*
26 Ka mor’a hore letlalo la ka le senyehe,Ha ke sa ntse ke phela, ke tla bona Molimo,
27 Ke tla iponela eena,Mahlo a ka a tla mo bona, eseng a motho e mong.+
Empa ka hare ho ’na ke imetsoe.*
28 Kaha le re, ‘Re mo hlorisa ka tsela efe?’+
Joalokaha eka bothata ke ’na.
29 Le lokela ho tšaba sabole,+Kaha ba etsang liphoso ba tla ahloloa ka eona,E le hore le ka tseba hore ho na le moahloli.”+
Linaletsana
^ Kapa: “nthohakile.”
^ Kapa: “Ba leloko.”
^ Ka Seheberu: “bara ba popelo ea ka” e leng popelo e ntsoetseng (popelo ea ’mè oa ka).
^ Ka Seheberu: “Ha ke tsoha.”
^ Ka Seheberu: “Ke phonyohile ka letlalo la meno a ka.”
^ Ka Seheberu: “Kaha letsoho la Molimo le nthetsitse.”
^ Ka Seheberu: “Le sa khotsofalle nama ea ka?”
^ Ka Seheberu: “holim’a lerole.”
^ Kapa: “Liphio tsa ka li feletsoe ke matla ka hare ho ’na.”
