Jobo 40:1-24
40 Jehova a boela a re ho Jobo:
2 “Na motho a ka loantša Ea Matla ’Ohle hobane a nahana hore o fositse?+
Haeba ho na le motho ea batlang ho khalemela Molimo a bue.”+
3 Jobo a araba Jehova a re:
4 “Ha ke motho oa bohlokoa.+
Nka u araba ke re’ng?
Ke tla thola.+
5 Ke buile ho lekaneHa ke sa tla hlola ke bua hape.”
6 Jehova a araba Jobo a le ka har’a sefefo a re:+
7 “Ke kopa u itokise ’me u etse lintho joaloka monna.
Ke tla u botsa lipotso ’me uena u nkarabe.+
8 Na u tla re* ha ke na toka?
Na u tla nkahlola e le hore e be uena ea nepileng?+
9 Na u na le matla a lekanang le a Molimo oa ’nete+Kapa na lentsoe la hao le ka luma joaloka la hae?+
10 Ke kopa u bontše khanya ea hao le hore na u matla hakae.
U bontše kamoo u hlomphehang le kamoo u leng moholo kateng.
11 Ntša khalefo eohle e ka ho uena.
Theolela motho e mong le e mong ea ikhohomosang tlase.
12 Kokobetsa motho e mong le e mong ea ikhohomosang,U be u felise batho ba khopo hohle moo ba leng teng.
13 Kaofela ha bona u ba pate leroleng.
U ba tlamelle ka lebitleng.
14 Haeba u ka etsa lintho tsena,Ke tla lumela* hore u ka khona ho ipholosa ka matla a hao.
15 Behemothe* ke ena le eona ke e bopile joalokaha ke u bopile.
E ja joang joaloka poho.
16 Bona matla a lethekeng la eonaLe matla a eona a mesifeng ea mpa.
17 E tiisa mohatla oa eona joaloka sefate sa kedare.
Mesifa ea lirope tsa eona ekare e loheletsoe hammoho.
18 Masapo a eona ekare a entsoe ka koporoLe maoto a eona ekare a entsoe ka tšepe.
19 Mofuteng oa eona oa liphoofolo, ke eona ea pele le e matla eo Molimo a e bopileng.
Ke ’Mopi oa eona feela ea ka e hlaselang le ho e bolaea ka sabole.
20 Lithaba li e melisetsa lijo,Moo liphoofolo tsohle tsa naha li bapallang teng.
21 E robala tlas’a lifate tse hlabang,*Sebakeng se sireletsehileng se nang le lehlaka le seretse.
22 Lifate tse hlabang li e etsetsa moritiHape e potiloe ke lifate tsa popoliri tsa khohlo.*
23 Ha e tšohe leha noka e phalla ka matla.
E sebete le hoja metsi a noka ea Jordane+ a e otla ka matla.
24 Na ho na le motho ea ka e tšoarang e ntse e shebile?
Kapa ea ka phunyang nko ea eona ka hakisi?*
