Jobo 28:1-28
28 Ho na le sebaka seo silevera e chekoang ho sonaLe sebaka seo ho hloekisoang khauta ho sona.+
2 Tšepe e fumanoa mobungKoporo eona e fumanoa majoeng.+
3 Motho o etsa hore ho be le khanya sebakeng se lefifi.
O kenella sebakeng se lefifiE le hore a fumane majoe a bohlokoa.
4 O cheka sekoti hole le moo batho ba lulang teng,Libakeng tse lebetsoeng tse hole le moo batho ba tsamaeang.
Batho ba bang ba theohela sekoting seo ba sebelisa lithapo.
5 Lijo li mela ka holim’a lefatše.
Empa ka tlase le senyeha joalokaha eka le senngoa ke mollo.*
6 Ka tlas’a lona ho na le majoe a safireLe mobu o na le khauta.
7 Linonyana tse jang nama ha li tsebe tsela e eang moo.
Le ’mankholi e motšo ha a e-s’o e bone.
8 Libata tse kholo ha li e-s’o hate ho eonaLe tau ha e e-s’o ka e tsamaea ho eona.
9 Motho o pshatla lefika le thataEbile o heletsa lithaba.
10 O bula liforo tsa metsi+ lefikeng.
Mahlo a hae a bona lintho tsohle tsa bohlokoa.
11 O koala mehloli ea linokaHape ntho e neng e patiloe o e tlisa khanyeng.
12 Empa bohlale le kutloisiso li ka fumanoa hokae?+
13 Ha ho na motho ea ka utloisisang bohlokoa ba bona+Le ea ka bo fumanang lefatšeng.
14 Metsi a tebileng a re, ‘Ha bo eo ho ’na.’
Le leoatle le re, ‘Le ’na ha bo eo ho ’na.’+
15 Ha ho na khauta kapa silevera e ka bo rekang.+
16 Ha ho na khauta ea Ofire e ka bo rekang+Kapa majoe a bohlokoa a onikse le a safire a ka bo rekang.
17 Ha ho na khauta le khalase e ka bapisoang le bonaKapa sejana sa khauta* se ka bo rekang.+
18 Likorale le mahakoe ha re sa bua ka tsona+Hobane bohlale ke ba bohlokoa ho feta mokotla o tletseng liperela.
19 Lejoe la topaze+ la Kushe le ke ke la bapisoa le bonaEbile ha ho na khauta e ka bo rekang.
20 Empa bohlale le kutloisiso li ka fumanoa hokae?+
21 Bo patetsoe lintho tsohle tse phelang+’Me bo patetsoe le linonyana.
22 Lebitla* le lefu li re,‘Re utloetse feela ka bona.’
23 Ke Molimo ea tsebang tsela ea ho bo fumana.
Ke eena feela ea tsebang moo bo lulang+
24 Kaha o bona moo lefatše le fellangHape o bona lintho tsohle tse lefatšeng.+
25 Ha a ne a fa moea matla,*+A behela metsi moeli,+
26 Ha a ne a behela pula molao oa hore na e ne neng+Le hore na maru a lehalima le sefefo li tsamaee hokae,+
27 O ile a bona bohlale ’me a bo hlalosa.
A etsa hore bo be teng a ba a bo leka.
28 Eaba o re ho motho:
‘Batho ba bohlale ke ba tšabang Jehova+Le ba qobang ho etsa lintho tse mpe.’”+
