Jobo 39:1-30
39 “Na u tseba nako e behiloeng ea hore lipōli tsa thaba tsa lefika li tsoale?+Na u hlokomela hore likhama tse tšehali li tsoala+ neng ka bohloko ba pelehi?
2 Na u bala likhoeli tseo li li phethang,Kapa u tseba nako e behiloeng eo li tsoalang ka eona?
3 Lia inama ha li tsoala manamane a tsona,Ha li itokolla bohlokong ba tsona.
4 Manamane a tsona a matona a ba matla, a ba maholo naheng e sabaletseng;Aa tsoa ’me ha a khutlele ho tsona.
5 Ke mang ea lokolotseng qoaha,+Ke mang ea lokolotseng marapo a esele e hlaha,
6 Eo ntlo ea eona ke e entseng thota ea lehoatataLe eo libaka tsa eona tsa bolulo ke li entseng naha ea letsoai?+
7 E tšeha morusu oa motse;Ha e utloe marata a ea nanarelang.+
8 E hlahloba lithaba bakeng sa makhulo+ a eonaE batla semela se setala sa mofuta o mong le o mong.+
9 Na poho e hlaha e batla ho u sebeletsa,+Kapa na e tla hlola bosiu sejelong sa hao?
10 Na u tla tlama poho e hlaha ka thata ka liropo tsa eona tseleng ea mohoma,Kapa na e tla ekha+ likhohlo ka mor’a hao?
11 Na u tla e tšepa kahobane e e-na le matla a maholo,Na u tla e tlohella seo u se sehletseng ka thata?
12 Na u tla itšetleha ka eona hore e khutlise peō ea haoLe hore e bokelle seotlong sa hao?
13 Na lepheo la mpshe e tšehali le phuphusetse ka thabo,Kapa e na le masiba a mokotatsie+ le masiba ’ohle?
14 Etsoe e tlohela mahe a eona mobungE a boloka a futhumetse lerōleng,
15 Ea lebala hore leoto le ka ’na la a silakanyaKapa esita le hore sebata sa naha se ka a hatakela.
16 E tšoara malinyane a eona a matona ka thata, joalokaha eka hase a eona+—Ho sehla ha eona ke ha lefeela kahobane ha e na tšabo.
17 Etsoe Molimo o e lebalitse bohlale,Ha aa e abela kutloisiso.+
18 Nakong eo e phuphuletsang mapheo a eona holimo,E tšeha pere le mopalami oa eona.
19 Na u ka fa pere matla?+Na u ka apesa molala oa eona ka moetse o phophomang?
20 Na u ka e etsa hore e qothome joaloka tsie?Ho hlompheha ha ho kurutla ha eona hoa tšosa.+
21 E tila+ khohlong ’me e thabisoa ke matla;E khahlanyetsa lihlomo.+
22 E tšeha matšabeho, ’me ha e harohe letsoalo;+Leha e le hore e khutlisoa ke sabole.
23 Khohlopo e kotomana khahlanong le eona,Lehare la lerumo le lerumo le betsoang.
24 E metsa lefatše ka ho tila ka tlhako le ka khalefo,Ha e lumele hore ke molumo oa lenaka.
25 Hang ha lenaka le lla e re Eke!E fofonela ntoa e le hōle,Moferefere oa balaoli le mohoo oa ntoa.+
26 Na ke ka lebaka la kutloisiso ea hao phakoe e fofelang holimo,E otlollelang mapheo a eona moeeng oa boroa?
27 Kapa na ke ka taelo ea hao ntsu+ e fofelang holimoE hahang sehlaha sa eona holimo,+
28 E lulang lefikeng ’me e hlolang bosiuHolim ’a motsu oa lefika le sebakeng seo ho leng thata ho fihla ho sona?
29 Ho tloha moo e lokela ho batla lijo;+Mahlo a eona a talima hōle.
30 Malinyane a eona a ntse a noa mali;Moo ho nang le ba bolailoeng, e hona teng.”+
