Bon Notisia Segun Marko 16:1-8
-
Hesus ta ser resusitá (1-8)
16 Despues di sabat,+ Maria Magdalena i Maria,+ mama di Santiago, i Salomé a bai kumpra yerba ku tabata hole dushi pa nan usa riba Hesus su kurpa.+
2 Riba e promé dia di siman,* nan a sali mainta trempan trempan pa bai na e graf. Nan a yega einan ora solo a sali.+
3 Nan tabata puntra otro: “Ken ta bai lora e piedra kita for di boka di e graf pa nos?”
4 Ora nan a hisa kara wak, nan a mira ku e piedra, ku tabata un piedra masha grandi mes, a ser kitá kaba.+
5 Ora nan a drenta den e graf, nan a mira un yònkuman, bistí na paña largu koló blanku, sintá na man drechi. Nan a keda masha sorprendí.
6 E yònkuman a bisa nan: “No keda sorprendí.+ Ta Hesus di Názarèt, kende nan a klaba na staka, boso ta buska? E no ta akinan. El a ser lantá for di morto.+ Wak e lugá kaminda nan a pon’é.+
7 Bai serka su disipelnan i serka Pedro i bisa nan: ‘Hesus ta bayendo Galilea.+ Aya, boso lo mir’é, manera el a bisa boso.’”+
8 E señoranan a sali for di e graf i kore bai, temblando i tur asombrá. Nan no a bisa niun hende nada, pasobra nan tabatin miedu.*+
