Sinsɛnzɔ́ Jezu tɔn sín tan
Kplɔ́n nǔ dó Jezu Klísu e nyí Vǐ Mawu tɔn bo lɛ́ nyí Hwlɛngántɔ́ gbɛtɔ́ lɛ́ tɔn é wú d’é jí ɖo video ɖěbɔdóɖěwú élɔ́ lɛ́ e sɔ́ akpakpa mɛ é mɛ.
Mǐmámɛ 1tɔn: Wěziza gbɛ ɔ tɔn adodwé ɔ
Nɛ̌ è ka ná hwlɛ́n gbɛtɔ́ lɛ́ sín hwɛhuhu e Adámu dɔn wá é sí gbɔn? Mɛsíya ɔ wɛ nyí nukúnɖíɖó ɖokpó e ɖe nú gbɛtɔ́ lɛ́ é.
Mǐmámɛ 2gɔ́: “Vǐ súnnu ce . . . ɖíe”
Jaan Batɛ́mublónúmɛtɔ́ ɔ bló ali ɖó nú Mɛsíya ɔ. Kpɔ́n nǔ jí wǔ ɖěɖěe jɛ bo xlɛ́ ɖɔ Jezu bɛ́ sinsɛnzɔ́ tɔn ayǐkúngban jí tɔn ɔ lɛ́ é!
Mǐmámɛ 3gɔ́: “Nyi . . . wɛ nyí mɛ énɛ́”
Jezu ɖe xlɛ́ Nikodɛ́mu, nyɔ̌nu Samalíinu ɖé kpó Nazalɛ́tinu, to tɔn mɛ nu lɛ́ kpó ɖɔ émí wɛ nyí Mɛsíya ɔ, amɔ̌, mɛ kpɛɖé jɛ́n yí i. Ée é bló nǔjíwǔ ɖaxó ɖé gúdo é ɔ, é byɔ́ hwehutɔ́ mɛɖéesɔ́hwetɔ́ lɛ́ ɖɔ yě ní xwedó émí.
