Дали сте знаеле?
Дали Исус со право ги нарекол разбојници трговците што продавале животни во храмот во Ерусалим?
ВО БИБЛИСКАТА книга Матеј пишува: „Исус влезе во храмот и ги истера сите што продаваа и купуваа во храмот, и им ги испреврте масите на менувачите на пари и клупите на продавачите на гулаби. И им рече: ’Напишано е: „Мојот дом ќе се вика дом на молитвата“, а вие од него правите разбојничка пештера!‘“ (Мат. 21:12, 13).
Еврејските историски записи покажуваат дека храмските трговци ги искористувале муштериите така што поставувале неразумно високи цени. На пример, Мишната (Керитот 1:7) открива дека во првиот век од н.е. два гулаба чинеле и до еден златен денар. Еден работник требало да работи 25 дена за еден златен денар. Сиромашните можеле да принесуваат како жртва гулаби или грлици. Но, дури и овие птици станале прескапи (3. Мој. 1:14; 5:7; 12:6-8). Згрозен од тоа, рабинот Симеон бен Гамалиел го намалил бројот на задолжителни жртви. Веднаш потоа, цената на два гулаба станала стопати пониска.
Очигледно, храмските трговци биле алчни и ги искористувале купувачите. Значи, Исус со право ги нарекол разбојници.