Job 7:1-21
7 “Mbela omunhu oo ehe kwete okufya iha fininikwa a longe noudjuu okukalamwenyo kwaye akushe,Nomafiku aye kae li ngaashi oo omunailonga?+
2 Oha djuulukwa omudile, ngaashi omupika,Noha teelele ondjabi yaye, ngaashi omunailonga, oo a kutwa.+
3 Onghee hano onda pewa eemwedi dongaho,Nomaufiku oudjuu okwa valulilwa nge.+
4 Ngeenge handi nangala, ohandi pula kutya, ‘Ohandi penduka naini?’+
Ashike eshi oufiku tau ende tau i mokati, ihandi kofa, fiyo eluwa la tenda.*
5 Ombelela yange oya papata omainyo nosho yo ekako;+Oshipa shange oshi yadi oivadi nomafina taa di otwila.+
6 Omafiku ange otaa vilola po meendelelo e dule ongwiya yomuhondji,+Notae uya pexulilo nopehe na eteelelo.+
7 Dimbuluka kutya onghalamwenyo yange oyo omhepo;+Omesho ange itaa ka mona vali ehafo.*
8 Eisho, olo tali tale nge paife, itali ka mona nge vali;Omesho eni otaa ka konga nge, ashike itandi ka kala po.+
9 Ngaashi oshilemo hashi kana po noihashi kala po vali,Ou ha i mOmbila* iha aluka mo.+
10 Ita alukile vali keumbo laye,Noponhele yaye ita monika po vali.+
11 Onghee hano itandi mwena.
Ohandi popi moudjuu womwenyo wange;Ohandi popi, molwaashi onda nyika unene oluhodi.+
12 Mbela ame efuta, ile oshinamwenyo shinene shomefuta,Opo u tulile nge po ekondekela?
13 Ngeenge handi ti, ‘Oshipundi shange otashi hekeleke nge;Ombete yange otai kwafele nge moudjuu wange,’
14 Opo nee oho halukifa nge neendjodi,Noho tilifa nge nomamoniko,
15 Opo ndi* hoolole okufya oshuungungu,Heeno, efyo ponhele yolutu lange eli.*+
16 Onda nyanyala onghalamwenyo yange;+ inandi hala vali okukala nomwenyo.
Efei nge, osheshi omafiku ange oku li ngaashi omufudo.+
17 Omunhu oo ehe kwete okufya oshike, eshi u na ko nasha naye,Noho yandje elitulemo loye* kuye?+
18 Omolwashike ho mu konakona ongula keshe,Noku mu yeleka efimbo keshe?+
19 Mbela ito ka pungulula ko oshipala shoye kwaame,Nokweefa nge efimbo lile, opo ndi kale handi pona omate ange?+
20 Omukonakoni wovanhu, ngeenge onda nyona, ongahelipi handi dulu oku ku ehameka?+
Omolwashike wa ninga nge oshishonekwa shoye?
Mbela onda ninga omutengi kwoove?
21 Omolwashike iho dimi po omatauluko ange,Noiho dimbwa omapuko ange?
Molwaashi mafiku ohandi ka nangala mondwi,+Noto ka konga nge, ashike itandi ka kala po.”
