Job 39:1-30
39 “Mbela ou shii efimbo, olo oikombo yokeemhunda hai dala?+
Mbela owa mona eemenye* tadi dala ounimwena vado?+
2 Mbela oho valula eemwedi doufimba wayo?
Mbela ou shii kutya ohai dala naini?
3 Ohai tu eengolo, ngeenge tai dala ounimwena vayo,Nouyehame woshifeta shayo ohau xulu.
4 Ounimwena vayo ohava nghonopala, nohava kulile moixwa;Ohava i, ndele ihava alukile vali kooina.
5 Olyelye a pa ondongi yomoixwa* emanguluko,+Nolyelye a mangulula eengodi dondongi yomoixwa?
6 Onda ninga oluhaela lomombuwa eumbo layo,Noshitukulwa shomongwa onhele yayo yokukala.
7 Ohai henuka omaweelelo omoshilando;Ihai udu eingido lomushingi.
8 Ohai endaenda koikulundudu, tai kongo apa tai li,Tai kongo oimeno oyo ya hapa nawa.
9 Mbela omhedi yomoixwa otai ka hala ngoo oku ku longela?+
Mbela otai ka kala oufiku ponhele yoye yokuhavalekela?*
10 Mbela oto ka manga omhedi yomoixwa nongodi, opo i pulule eefola,Ile mbela otai ke ku shikula i pulule* mefilu?
11 Mbela oto ke lineekela meenghono dayo dinene,Nokweefa i ku longele oilonga yoye idjuu?
12 Mbela oto ke i lineekela i ku etele eteyo* loye,Mbela otai ke i ongela noku i twala koshipale shoye?
13 Omavava omho ohaa papama monghedi tai fuula,Ndele mbela omavava nomalwenya ayo otaa dulu ngoo okuyelekanifwa naao exuwashi?+
14 Osheshi ohai fiye omai ayo pedu,Nohai a kaleke a pupyala pedu.
15 Ohai dimbwa kutya otaa dulu okulyatwa, ndele taa tatauka,Ile kutya oifitukuti otai dulu oku a lyataula.
16 Ohai ungaunga noudilona vayo nai, va fa vehe fi vayo;+Ihai kala ya tila kutya pamwe ouyehame wayo woshifeta otau kala wongaho.
17 Osheshi Kalunga ine i pa* ounongo,Noine i pa eshiivo.
18 Ashike ngeenge tai fikama nokuyelula omavava ayo,Ohai yolo onghambe nomulondi wayo.
19 Mbela oove ho yandje eenghono konghambe?+
Mbela oove ho dike ofingo yayo nomulenge muwa?
20 Mbela oto dulu oku i ningifa i nhuke ngaashi oshipaxu?
Okupemba kwayo kunene okutilifa.+
21 Ohai kodola edu mefilu, nohai hafe neenghono;+Ohai tondoka ya finda molwoodi.*+
22 Ihai kwatwa koumbada noihai tila sha.+
Ihai shuna monima omolweongamukonda.
23 Ombalukutu ohai kala tai linyenge moluputa layo,Eonga lixupi neonga lile otaa taima.
24 Ohai pula komesho,* tai kakama ya tunhukwa,Ihai dulu okukala ya fikama* omolwewi lenghuma.
25 Ngeenge enghuma tali shikwa, ohai ti, ‘Aha!’
Ohai udu omadimba olwoodi okudja kokule,Nohai udu eingido leendjai nosho yo euyaano lomolwoodi.+
26 Mbela kakodi oha telaana keshiivo loye,Eshi ta xwaananeke omavava aye e a yukifa kolukadi?
27 Ile mbela okelombwelo loye, eshi onhwa hai tuka ya finda pombada,+Nokutungila oshihadi shayo pombadambada;+
28 Oufiku ohai kala koxulo yemanya,Hai kala mohotengulu yayo, mekololo lemanya.*
29 Oko oko hai kongele oikulya;+Omesho ayo ohaa tale kokulekule.
30 Oudilona vayo ohava fipi ohonde;Naapo pe na oshinima sha fya, opo hai kala.”+
Omashangelo opedu
^ Ile “eenyapi.”
^ Ondongi yoludi olo ihai munwa nohai kala moixwa.
^ Ile “metemba lokulila.”
^ Eln., “kune.”
^ Eln., “ombuto.”
^ Eln., “okwe i shita hai dimbwa.”
^ Eln., “Ohai i i ka shakeneke oshilwifo.”
^ Eln., “tai pona edu.”
^ Ile tashi dulika, “Ihai itavele.”
^ Eln., “komungenge weyoo lemanya.”
