Job 28:1-28
28 “Ope na onhele omo hamu di oshisilveriNonhele yoshingoli osho va hemuna;+
2 Oshivela shilaula ohashi fewa medu,Nongopolo ohai hemunwa* okudja momamanya.+
3 Omunhu oha findi omulaulu;Oha i ponhele opo pa laula fokofoko,Ta kongo omamanya.
4 Oha hoko moule nolema kokule naapo hapa kala ovanhu,Peenhele dihe shiivike vali, kokule naapo hapa endwa kovanhu;Ovanhu vamwe ohava kulukile mo, nohava kala va endjelela kongodi.
5 Oikulya ohai mene kombada yedu;Ashike koshi yalo, oinima ota i iluka ya fa tai pi komundilo.*
6 Koshi yedu otaku hangika omamanya osafire,Nomondwi omu na oshingoli.
7 Kape na onhwa i shii ondjila oyo ya finda oko;Eisho lakaimbi mulaula inali i mona.
8 Oilyani ya kula inai lyataula mo;Onghoshi yonyasha inai enda mo.
9 Omunhu ota denge emanya likukutu neke laye;Ota wifa ko eemhunda komakanghameno ado.
10 Ota fitike omikangha domeva,+ odo di li momamanya;Omesho aye ohaa mono oinima aishe, oyo i na ongushu.
11 Oha fitike eedjo domilonga,Noha eta poluhaela osho sha li sha holekwa.
12 Ndele openi tapa hangwa ounongo,+Nodjo yeshiivo oi li peni?+
13 Omunhu iha mono ongushu yao,+Noihau hangwa medu lovanamwenyo.
14 Omeva omoule ohaa ti, ‘Kau mo mwaame!’
Nefuta ohali ti, ‘Kau po pwaame!’+
15 Ihau dulu okulandwa noshingoli elela;Noshisilveri itashi dulu okuyelekwa shi kumaanwe nao.+
16 Ihau dulu okulandwa noshingoli shokuOfir,+Ile noumanya va pumba voniks nosho yo omamanya osafire.
17 Oshingoli nekende itai dulu okuyelekanifwa nao;Ile oshikwatelwa shoshingoli elela* itashi dulu okukumaanwa nao.+
18 Okorali nemanya liyela* itai dulu okuyelekwa nao,+Osheshi ekutu li yadi ounongo oli na ongushu li dule olo li yadi omamona ondilo.
19 Okamanya kotopas+ kokuKus itaka dulu okuyelekwa nao,Itau dulu okulandwa nokuli noshingoli elela.
20 Ndele mbela ounongo ohau di peni,Nodjo yeshiivo oi li peni?+
21 Owa holekwa omesho oshinima keshe shi na omwenyo,+Nowa holekwa eedila dokeulu.
22 Ehanauno nefyo oya ti,‘Omatwi etu okwa uda ashike ehokololo lao.’
23 Kalunga oku shii ondjila yoku u mona;Oye aeke e shii opo hau kala,+
24 Osheshi oha tale fiyo okominghulo dedu,Noha mono keshe shimwe shi li koshi yeulu.+
25 Eshi a tula po eenghono* domhepo+Nokwa yeleka omeva,+
26 Eshi a tulila po odula omaufomhango+Nelila loshikungulu shi na oilemo nomingungumo,+
27 Okwa mona ounongo, nokwe u yelifa;Okwe u tula po, nokwe u konakona.
28 Nokwa lombwela omunhu ta ti:
‘Tala! Okutila Jehova oko ounongo,+Nokweefa po osho shii osho eshiivo.’”+
