Job 32:1-22
32 Onghee ovalumenhu ava vatatu ova li va efa okunyamukula Job, molwaashi okwa li a tomhwa kutya ye omuyuki.*+
2 Ashike Elihu, omonamati waBarakel, Omubusi,+ womovaneumbo vaRam, okwa li a handuka neenghono. Okwa li a handukila neenghono Job, eshi a li ta kendabala okuulika kutya ye* oku li mondjila e dule Kalunga.+
3 Okwa li yo a handukila neenghono ookaume vatatu vaJob, molwaashi kava li va dula okumona enyamukulo, ndele ova popya kutya Kalunga omukolokoshi.+
4 Elihu okwa kala a teelela okunyamukula Job, molwaashi ova li ovakulunhu kuye.+
5 Eshi Elihu a mona kutya ovalumenhu ovo vatatu kave na sha shokunyamukula, okwa li a fula onya neenghono.
6 Onghee Elihu, omonamati waBarakel, Omubusi, okwa hovela okupopya ta ti:
“Ame omunyasha,*Novalumenhu nye ovakulunhu.+
Onghee onda kala nda teelela nefimaneko,+Noinandi kendabala okupopya osho ndi shii.
7 Onde lipopila nda ti, ‘Omido* nadi popye,Needula dihapu nadi holole ounongo.’
8 Ashike omhepo oyo i li movanhu,Omufudo wOmunaenghono adishe, oyo hai va pe eudeko.+
9 Omido adike itadi dulu* okuninga umwe omunaendunge,Novakulunhu havo aveke tava dulu okuuda ko osho shi li mondjila.+
10 Onghee onda ti, ‘Pwilikina kwaame,Nohandi ke ku lombwela yo osho ndi shii.’
11 Taleni! Onda kala nda teelela eendjovo deni;Onda kala nokupwilikina komatomhafano eni,+Eshi tamu kongo oinima oyo mu na okupopya.+
12 Onda yandja elitulemo kunye,Ashike kape na umwe womunye a dula okumona Job epuko,*Ile a nyamukule omatomhafano aye.
13 Onghee inamu tya, ‘Otwa mona ounongo;Kalunga oye e mu mona epuko, ndele havanhu.’
14 Eendjovo odo a li ta popi ka li e di yukifa kwaame,Onghee itandi mu nyamukula she likolelela komatomhafano eni.
15 Ova kumwa, kave na vali omanyamukulo;Kave na sha vali osho tava dulu okutya.
16 Onda kala nda teelela, ashike inava twikila okupopya;Ova fikama ashike opo, vehe na vali enyamukulo lasha.
17 Onghee naame ohandi nyamukula;Naame ohandi popi osho ndi shii,
18 Molwaashi ondi na shihapu okupopya;Omhepo oyo i li mwaame otai fininike nge.
19 Meni lange omu li ngaashi omaviinyu inaa tuulwa,Ngaashi omakutu mape omaviinyu e li pokutopa.+
20 Nandi popye, opo ndi mone epepelelo.
Ohandi makula omilungu dange nokuyandja enyamukulo.
21 Itandi ka ungaunga nande onaumwe nonhondo;+Noitandi ka mbweenga* nande omunhu,
22 Molwaashi nghi shii okumbweenga;Ngeenge onde shi ningi, Omushiti wange ota ka hanauna nge po diva.
