Job 10:1-22
10 “Onda nyanyala* onghalamwenyo yange.+
Ohandi ka holola omakemo ange.
Ohandi popi nda nyika oluhodi neenghono.*
2 Ohandi lombwele Kalunga kutya: ‘Ino ungaunga naame nda fa ndi na etimba.
Lombwele nge kutya omolwashike to kondjifa nge.
3 Mbela ohashi ku etele ouwa, eshi to fininike nge,Opo u tonde oilonga yomake oye,+Ofimbo wa hokwa omayele ovakolokoshi?
4 Mbela ou na omesho a fa omunhu,Ile oho tale ngaashi omunhu oo ehe kwete okufya ha tale?
5 Mbela omafiku oye okukalamwenyo oku li ngaashi oo ovanhu vongaho,Ile mbela eedula doye odi li ngaashi odo domunhu,+
6 Opo u konenene omapuko ange,Nokukala to tale omatimba ange?+
7 Ou shii kutya kandi na ondjo;+Nokape na oo ta dulu okuxupifa nge meke loye.+
8 Omake oye mwene okwa ma nge nokwa shita nge,+Ashike paife owa hala okuhanauna nge po filufilu.
9 Alikana, dimbuluka kutya, owa ma nge okudja melova,+Ndele paife oto shuna nge mondwi yedu.+
10 Mbela ino tila nge shi ngaashi omashini,Nokupameka nge ngaashi eshini?*
11 Owa dika nge oshipa nombelela,Nowa tungila nge kumwe nomakipa nosho yo omifipa.+
12 Owa pa nge omwenyo, nowa ulikila nge ohole i na oudiinini;Owa amena omhepo* yange, eshi wa fila nge oshisho.+
13 Ashike owa hala okuninga oinima oyo meholeko.*
Ondi shii kutya oinima oyo oya dja kwoove.
14 Ngeenge onda nyono, oto mono nge,+Noito ka efa nge omolwomanyono ange.
15 Ngeenge ondi na etimba, oshii unene kwaame.
Ndele nonande kandi na etimba, itandi dulu okuyelula omutwe wange,+Molwaashi onda fya ohoni neenghono, nonda fininikwa.+
16 Ngeenge onda yelula omutwe wange, oto kongo nge ngaashi onghoshi;+Natango, oto longifa eenghono doye u monife nge oshiponga.
17 Owa etela nge eembangi dipe di pataneke nge,Nowa handukila nge neenghono,Eshi oudjuu tau hange nge wa shikulafana.
18 Hano omolwashike wa kufila nge moshidalelo?+
Ngeno onda file, ofimbo inandi monika nande okeisho limwe.
19 Ngeno onda kala nda fa ndaha li po nande onale;Ngeno onda kufilwe moshidalelo nda yuka mombila.’
20 Omafiku ange kamanini hamba?+ Na efe nge;Omesho aye naa aluke ko kwaame, opo ndi mone epepelelo,*+
21 Ofimbo inandi ya, noitandi ka aluka+Kedu lomilaulu fokofoko,*+
22 Edu lomilaulu fokofoko,Edu lomudidimbe noledundakano,Oko nokuli nouyelele u li ngaashi omulaulu.”
