Job 6:1-30
6 Opo nee Job okwa nyamukula a ti:
2 “Ngeno oudjuu wange+ owa li tau dulu okuyelekwaNokutulwa koiyelekifo pamwe noupyakadi wange.
3 Molwaashi paife oudjuu ou dule ehekedu lopomunghulofuta.
Nomolwaasho nda kala handi popi eendjovo dongaho.*+
4 Osheshi oikuti yOmunaenghono adishe oya tyuula nge,Nomhepo yange otai nu oudiyo wayo;+Kalunga okwa ponokela nge, nonda tila neenghono.
5 Mbela ondongi yomoixwa*+ otai ka kwena ngoo, ngeenge oi na omwiidi,Ile mbela omhedi otai ka koma tuu, ngeenge oi na oikulya?
6 Mbela oikulya ihe na omulyo ohai liwa ihe na omongwa,Ile oshi na ouwa washike okunwa omeva oshimeno, oo ehe na omulyo?
7 Onda* anya okukuma oinima ya tya ngaho.
Oya fa oudiyo moikulya yange.
8 Akutu, ngeno eindilo lange oli nyamukulwe,Na Kalunga ngeno oku wanifile nge po omhumbwe yange.
9 Ngeno Kalunga na kale a hala okunyanyaula nge po,Ye a nane eke laye a hanaune nge po.+
10 Osheshi naasho otashi etele nge nokuli epepelelo;Ohandi ka nhuka kehafo, nonande ondi li mouyehame munene,Molwaashi inandi anya eendjovo dOmuyapuki.+
11 Mbela ondi na tuu eenghono dokukala nda teelela?+
Nexulilo lilipi la teelela nge, opo ndi twikile okukala nomwenyo?*
12 Mbela eenghono dange oda fa demanya?
Ile mbela ombelela yange oya mewa mongopolo?
13 Ope na tuu onghedi omo handi dulu okulikwafela,Ofimbo oiniwe yange aishe, oyo handi liyambidida nayo, nde i kufwa?
14 Keshe oo ita ulikile mukwao ohole i na oudiinini+Ota efa po okutila Omunaenghono adishe.+
15 Ovamwamememati ova kala ve na oineya,+ ngaashi omakungulukilo opokufu,Ngaashi omeva omomakungulukilo opokufu taa pwiinine po.
16 Okwa laulikwa koikangwameva,Nomuo omwa hondama olumi* tali hengumuka.
17 Ashike mokweendela ko kwefimbo, ihaa kala vali e na omeva, noihaa kala po vali;Ngeenge kwa pupyala, ohaa pwiinine po.
18 Ondjila yao oya ngolyauka;Ohaa kungulukile mombuwa, nohaa kana po.
19 Oyeendo yOvatema+ ohai a kongo;Novaendi va dja kuSheba*+ ohave a teelele.
20 Ova li va fya ohoni, molwaashi ova li ve shii otava hange ko omeva;Ova ya ko ashike ve ke lihepeke.
21 Nanye osho mu li ngaho kwaame;+Omwa haluka koupyakadi wange, nomwa tila.+
22 Mbela onda ti, ‘Pei nge sha,’
Ile onde mu pula mu pe nge oshali okudja momamona eni?
23 Mbela onda pula ndi amenwe meke lomutondi,Ile ndi xupifwe* kovapataneki?
24 Honge nge, nohandi ka kala nda mwena;+Kwafele nge ndi mone epuko lange.
25 Eendjovo di li paushili ihadi ehama.+
Ndele mepukululo leni omu na ouwa washike?+
26 Mbela otamu pangele omhangela mu pukulule eendjovo dange,Eendjovo domunhu a wililwa po,+ odo tadi pepwa po komhepo?
27 Otamu ka umbila yo eefiye oihoololifo,+Notamu ka landifa po* kaume keni.+
28 Onghee pilukeni, ndele tamu tale nge,Osheshi ame itandi mu fufya.
29 Alikana, diladileni nawa; inamu tokola nge.Diladileni nawa, osheshi natango ondimuyuki.
30 Mbela elaka lange otali popi oinima inai yuka?
Mbela oshihokohoko shange itashi dulu okuyoolola kutya oshinima osha puka?
