Job 34:1-37
34 Onghee Elihu okwa twikila okunyamukula ta ti:
2 “Pwilikineni eendjovo dange, nye ovanaendunge;Udei nge, nye ovo mu shii shihapu.
3 Osheshi okutwi ohaku konakona eendjovo,Ngaashi ashike elaka* hali makele oikulya?
4 Natu konakoneni fye vene osho shi li mondjila;Natu tokoleni mokati ketu osho shiwa.
5 Osheshi Job okwa ti, ‘Ame ondi li mondjila,+Ndele Kalunga ina ungaunga naame pauyuki.+
6 Mbela ohandi popi oipupulu, eshi handi ti onda pumbwa okupewa etokolo la yuka?
Oshipute shange itashi veluka, nonande kape na etimba.’+
7 Omunhu vali elipi e li ngaashi Job,Oo ha nu esheko ngaashi ta nu omeva?
8 Oha kala pamwe novalongi vowiiNoha endafana novakolokoshi.+
9 Osheshi okwa ti, ‘Omunhu ita mono ouwaMokukendabala okuhafifa Kalunga.’+
10 Onghee pwilikineni kwaame, nye ovalumenhu ovo mu na eudeko:*
Itashi shiiva Kalunga kashili a katuke shihe li pauyuki,+Omunaenghono adishe a longe osho shii.+
11 Osheshi ota ka pa omunhu ondjabi she likolelela kwaasho a longa,+Noku mu pa oilanduliko yeendjila daye.
12 Oshoshili, Kalunga iha katuka shihe li pauyuki;+Omunaenghono adishe iha pengifa ouyuki.+
13 Olyelye e mu tula po a pashukile edu,Na olyelye e mu nangeka po a pangele ounyuni aushe?*
14 Ngeenge okwa yandje elitulemo laye* kuvo,Ngeenge okwa ongele omhepo nomufudo wavo puye,+
15 Ovanhu* aveshe otava ka xula po oshita,Novanhu otava ka shuna mondwi yedu.+
16 Onghee ngeenge ou na eudeko, yandja elitulemo kwaashi;Pwilikina noukeka kwaasho handi popi.
17 Mbela omunhu, oo e tonde ouyuki, ota dulu ngoo okupangela,Ile oto ka tokola omunaenghono, oo e li omuyuki?
18 Mbela oto ka tya kohamba, ‘Ove omunhu wongaho,’
Ile kovawiliki, ‘Nye ovakolokoshi’?+
19 Ope na Oo iha ningi omalenga okatongo,Noiha hokwa oshipuna komesho yohepele,*+Osheshi aveshe ove li oilonga yomake aye.+
20 Otashi dulika va fye ombadilila+ mokati koufiku;+Ohava kakama neenghono, ndele tava fi;Nokuli novanaenghono ohava kufwa po, ashike hakomake ovanhu.+
21 Osheshi omesho aKalunga otaa tale eendjila domunhu,+Noha mono eenghatu daye adishe.
22 Kape na omilaulu, ile omididimbe,Omo ovalongi vowii tava dulu okuhondama.+
23 Osheshi Kalunga ina tulila po omunhu efimbo lokondadalunde,A holoke komhangu koshipala shaye.
24 Oha teyaula po ovanaenghono nopehe na oku va konakona,Noponhele yavo oha tula po vamwe.+
25 Molwaashi oku shi shii osho tava ningi;+Ohe va findi oufiku, nohava hanaunwa po.+
26 Ohe va denge omolwoukolokoshi wavo,Monhele omo aveshe tava dulu oku va mona,+
27 Molwaashi ova efa po oku mu shikula+Nokave na ko nasha neendjila daye;+
28 Ohava ningifa ohepele i pule ekwafo kuye,Onghee oha udu onghuwo yaavo vehe na ekwafo lasha.+
29 Ngeenge Kalunga okwa kala a mwena, olyelye ta dulu okutokola omukolokoshi?
Ngeenge okwa holeke oshipala shaye, olyelye ta dulu oku mu mona?
Oidjemo otai ka kala ya faafana kutya nee okoshiwana, ile okomunhu,
30 Opo omuhenakalunga* aha pangele,+Ile aha tele ovanhu eemwiyo.
31 Ngeenge umwe okwa ti kuKalunga,‘Onda handukilwa, nonande inandi nyona sha;+
32 Lombwele nge osho inandi mona;Ngeenge onda ninga sha sha puka, itandi shi ningi vali’?
33 Mbela ne ku pe ondjabi, she likolelela ketaleko loye, ngeenge owa anye etokolo laye?
Oove u na okutokola, ndele haame.
Onghee lombwele nge osho u shii nawanawa.
34 Ovanhu, ovo ve na eudeko,* otava ka tya kwaame,Keshe omunhu omunaendunge, oo ta pwilikine kwaame,
35 ‘Job ota popi ehe na eshiivo,+Neendjovo daye kadi li pandunge.’
36 Job na yelekwe,* fiyo osheshi ita dulu vali okulididimika,Molwaashi omanyamukulo aye okwa fa ovakolokoshi.
37 Ota weda ko ounashibofa kenyono laye;+Ota pandula omake ta sheke moipafi yetu,Nota popi eendjovo dihapu, odo di li omhinge naKalunga kashili.”+
