Job 37:1-24
37 “Osho ohashi dengifa omutima wange,Nokunhuka po ponhele yao.
2 Pwilikineni noukeka kendundumo londaka yayeNokomungungumo oo hau di mokanya kaye.
3 Ohe u lihanifile koshi yeulu,Noha tumu okashelu kaye+ kominghulo dedu.
4 Konima yaasho, ondaka yendundumo;Oha ngunguma newi linene,+Noihe ka kelele, ngeenge ewi laye la udika.
5 Kalunga oha ngunguma nondaka yaye+ monghedi ikumwifi;Oha ningi oinima inene, oyo itatu dulu okuuda ko.+
6 Osheshi oha lombwele olumi* ta ti, ‘Wila kombada yedu,’+
Nokomata odula, ‘Loka unene.’+
7 Kalunga oha kangheke oilonga aishe yovanhu,*Opo omunhu oo ehe kwete okufya a shiive oilonga yaYe.
8 Oinamwenyo yomoixwa ohai i komikwena dayo,Ndele tai kala komitutu dayo.
9 Oshikungulu shomhepo ohashi pepe tashi di konhele yasho,+Noutalala ohau etwa komhepo yokolundume.+
10 Oikangwameva ohai etifwa po komufudo waKalunga,+Nomeva mahapu ohaa kukutikwa a ninge ekuma.+
11 Oshoshili, oilemo ohe i djuupaleke noshimuke;Ohe lihanifile okashelu kaye+ moilemo;
12 Ohai lundumuka ya yuka oko te i yukifa;Ohai wanifa po keshe osho te i lombwele i ninge+ kombada yedu alishe.*
13 Kutya nee oshi na sha nehandukilo,*+ ile oshi na sha nedu,Ile onohole i na oudiinini, ohe shi ningifa shi ningwe.+
14 Job, pwilikina kwaashi;Kanghama, ndele to diladila noukeka koilonga yaKalunga ikumwifi.+
15 Mbela ou shii nghee Kalunga ha wilike* oilemo,Nanghee ha ningifa okashelu ka shele okudja moilemo yaye?
16 Mbela ou shii nghee oilemo hai kaama?+
Ei oyo oilonga ikumwifi yaKalunga, oo a wanenena meshiivo.+
17 Omolwashike oikutu yoye hai pupyala,Ofimbo edu la mwena omolwomhepo yokolukadi?+
18 Mbela oto dulu okuyala* pamwe naye ewangadjo+Li kale likukutu ngaashi esipili loshitenda?
19 Tu lombwela osho tu na oku mu lombwela;Itatu dulu okunyamukula, molwaashi otu li momilaulu.
20 Mbela na lombwelwe kutya onda hala okupopya?
Ile ope na oo a popya sha osho e na okulombwelwa?+
21 Kave wete nokuli nouyelele,*Nonande owa twa,Fiyo osheshi omhepo ya pita po, ndele tai pepe ko oilemo.
22 Kolundume ohaku di ewapalo la fa oshingoli tashi vema;Eenghono daKalunga+ odikumwifi filufilu.
23 Itatu dulu naanaa okuuda ko Omunaenghono adishe;+Ye oku na eenghono dinene,+Noiha pengifa ouyuki waye+ nosho yo osho sha yuka.+
24 Onghee hano ovanhu nava kale have mu tila.+
Osheshi ina hokwa keshe oo ta diladila kutya oku na eendunge.”*+
