Job 35:1-16
35 Elihu okwa twikila okunyamukula ta ti:
2 “Mbela owa tomhwa kutya ou li mondjila, opo u tye kutya,‘Ondimuyuki unene ndi dule Kalunga’?+
3 Osheshi owa ti, ‘Osho oshi na shike naave?*
Mbela ngeno ondi li xwepo, ngeno onda nyonene?’+
4 Ohandi ku nyamukulaNosho yo ookaume koye,+ ovo ve li naave.
5 Lyaamena keulu, ndele to tale,Konakona oilemo,+ oyo i li pombada yoye.
6 Ngeenge owa nyono, oto mu ehameke ngahelipi?+
Ngeenge omatauluko oye okwa hapupala, oto mu ningi shike?+
7 Ngeenge ove omuyuki, oto mu pe shike;Oha mono shike kwoove?+
8 Oukolokoshi woye ohau kumu ashike omunhu ngaashi ove,Nouyuki woye omona womunhu.
9 Ovanhu ohava kongo ekwafo, ngeenge va taalela omafininiko mahapu;Ohava kongo epepelelo, opo va dje koshi yepangelo* lomunaenghono.+
10 Ashike kape na umwe a ti, ‘Kalunga oku li peni, Omumi wange Munenenene,+Oo ta ningifa omaimbilo a imbwe oufiku?’+
11 Ohe tu hongo+ unene tu dule oinamwenyo yokombada yedu,+Nohe tu ningi ovanaendunge tu dule eedila dokeulu.
12 Ovanhu ohava pula ekwafo, ashike iha nyamukula,+Omolwounhwa wovakolokoshi.+
13 Oshoshili kutya Kalunga iha udu elilaano longaho;*+Omunaenghono adishe iha yandje elitulemo kulo.
14 Ongahelipi ngeenge oto ngongota kutya iho mu mono?+
Etokolo loye oli li koshipala shaye, onghee kala ashike we mu teelela.*+
15 Osheshi ine ku handukila e ku hokololife;Noina yandja elitulemo keendjovo doye inadi yuka.+
16 Job okwa ekameka okanya kaye ka pwa ko oshimha;Okwa hapupalifa eendjovo ehe na eshiivo.”+
