Exodus 15:1-27
15 Pefimbo olo, Moses nOvaisrael ova imbila Jehova eimbilo eli:+
“Ohandi imbile Jehova, osheshi okwa tumbala neenghono.+
Okwa undulila mefuta onghambe nomulondi wayo.+
2 Jah* oye omafa ange neenghono dange, osheshi okwa ninga exupifo lange.+
Ou oye Kalunga kange, nohandi mu tange;+ Kalunga katate,+ nohandi mu tumbaleke.+
3 Jehova omukwaita omunaenghono.+ Jehova olo edina laye.+
4 Okwa undulila mefuta omatemba aFarao nosho yo etangakwaita laye,+Ovakwaita vaFarao ovanaenghono ova ningina mEfuta Litilyana.+
5 Omakufikufi omeva okwe va tuvikila; ova ningina koshi elela ngaashi emanya.+
6 Akutu! Jehova, eke loye lokolulyo oli na eenghono dinene;+Akutu! Jehova, eke loye lokolulyo otali dulu okuhanauna po omutondi.
7 Omolweenghono doye da shiya ko, oto dulu okuhanauna po ovo ve li omhinge naave;+Oto tumu ehandu loye la xwama, notali va xwike po ngaashi oshipandi shoihati.
8 Omufudo woye womomayulu otau tukula kumwe omeva;Omeva okwa fikama, a kangheka efundja;Omakufikufi otaa ningi ekuma mokati kefuta.
9 Omutondi okwa ti: ‘Ohandi va shikula, nohandi ke va hanga!
Ohandi ka tukula osho twe va kufa, fiyo osheshi nda* wanenwa.
Ohandi ka pweya mo eongamukonda lange. Eke lange otali ke va hanauna po.’+
10 Owa fuda omufudo woye, efuta ole va tuvikila;+Ova ningina ngaashi emanya momeva e na eenghono.
11 Akutu! Jehova, olyelye e ku fa mokati kookalunga?+
Olyelye e ku fa, eshi wa ulika ouyapuki woye wa shiya ko?+
Oove wa wana okutilika nokutangwa nomaimbilo, ove ou to longo oinenelonga.+
12 Owa yelula eke loye lokolulyo, nedu ole va pona po.+
13 Omolwohole yoye i na oudiinini, owa xupifa ovanhu ovo wa kulila;+Omolweenghono doye, owe va wilika va ye konhele yoye iyapuki.
14 Ovanhu otave ke shi uda,+ notava ka haluka;Ouyehame* otau ka hanga ovakalimo vomuFilistia.
15 Pefimbo opo, omalenga* aEdom otaa ka kwatwa koumbada,Novapangeli ovanaenghono vaMoab otava ka dekweta.+
Ovakalimo aveshe vomuKaanan otava ka tyololoka.+
16 Etilo nehaluko otali ke va hanga.+
Omolweenghono dinene dokwooko kwoye, otava ka kala ngaashi emanya, vehe na omaliudoAkutu! Jehova, fiyo osheshi ovanhu voye va pita po,Fiyo osheshi ovanhu ovo wa shita+ va pita po.+
17 Oto ke va eta noku va twala komhunda yoye yefyuululo,+Jehova, onhele oyo we likongela, nowe i longekida u kale mo,Akutu! Jehova, onhele yoye iyapuki oyo wa tunga po nomake oye.
18 Jehova ota ka pangela e li ohamba alushe fiyo alushe.+
19 Eshi eenghambe daFarao, omatemba aye novalondinghambe vaye va ya mefuta,+Jehova okwa alulila omeva efuta kumwe kombada yavo,+Ashike Ovaisrael ova enda poukukutu mokati kefuta.”+
20 Omuprofeti Miriam, omumwainakadona waAron, okwa kufa okangoma, novakainhu aveshe ove mu shikula tava dana ve na oungoma.
21 Miriam okwa imba ta yambidida ovalumenhu ovo ta ti:
“Ohandi imbile Jehova, osheshi okwa tumbala neenghono.+
Okwa undulila mefuta onghambe nomulondi wayo.”+
22 Lwanima, Moses okwa dja po nOvaisrael pEfuta Litilyana, ndele tava i mombuwa yaSur. Ova enda omafiku atatu mombuwa, ashike inava mona omeva.
23 Ova li ve uya puMara,*+ ashike kava li tava dulu okunwa omeva omuMara, molwaashi okwa li malula. Nomolwaasho onhele oyo ya lukwa Mara.
24 Opo nee ovanhu ova hovela okungongotela Moses+ tava ti: “Ohatu nu shike?”
25 Moses okwa kuwa kuJehova,+ na Jehova okwe mu ulikila omuti. Eshi e u ekela momeva, omeva okwa ninga mawa.
Ponhele opo Kalunga okwe va pela po onghedimhango nosho yo eufomhango olo tali va tokolifa, nokwe va yeleka.+
26 Okwa ti: “Ngeenge omwa pwilikine kondaka yaJehova, Kalunga keni, nokuninga osho sha yuka momesho aye, ndele tamu dulika koipango yaye nokudiinina omaufomhango aye aeshe,+ itandi ke mu etela omikifi odo nda li nda etela Ovaegipiti,+ osheshi aame Jehova, ou handi mu velula.”+
27 Okudja opo, ove uya kuElim, oko kwa li ku na eefifiya domeva 12 nomilunga 70. Opo nee ova onga onhanda pomeva.
