Jonas 4:1-11

  • Makapungtot ni Jonas ket kayatnan ti matay (1-3)

  • Isuro ni Jehova ken Jonas ti asi (4-11)

    • “Rumbeng kadi nga agpungtotka?” (4)

    • Nausar a pangisuro ti mula a tabungaw (6-10)

4  Saan a naragsakan ni Jonas iti napasamak ket nakapungtot.  Nagkararag ken Jehova: “O Jehova, saan kadi a daytoy ti ibagbagak idi addaak iti bukodko a pagilian? Isu a naglibasak idi a napan idiay Tarsis,+ ta ammok a mannakipagrikna* ken naasika a Dios, nabannayatka nga agpungtot, dakkel ti napudno nga ayatmo,+ ken pagladingitam ti didigra.  Ita, O Jehova, pagpatinggaemon ti biagko,* ta nasaysayaat laengen a matayak ngem ti sibibiagak.”+  Insaludsod ni Jehova: “Rumbeng kadi nga agpungtotka?”  Rimmuar ni Jonas iti siudad ket nagtugaw iti daya ti siudad. Nangaramid iti paglinonganna sa nagtugaw tapno kitaenna ti mapasamak iti siudad.+  Pinagtubo ni Jehova a Dios ti mula a tabungaw* a manglinong ken Jonas ken tapno maksayan ti ladingitna. Naragsakan unay ni Jonas iti nagtubo a tabungaw.  Ngem idi aglawagen iti kabigatanna, nangibaon ti pudno a Dios iti igges a nangdadael iti tabungaw isu a nalaylay.  Idi sumingising ti init, nangyeg met ti Dios iti nabara nga angin manipud iti daya, ket gistay natalimudaw ni Jonas gapu iti makasinit a pudot ti init. Indawdawatna a matay koman,* nga ibagbagana: “Nasaysayaat laengen a matayak ngem ti sibibiagak.”+  Insaludsod ti Dios ken Jonas: “Rumbeng kadi nga agpungtotka gapu iti napasamak iti tabungaw?”+ Insungbatna: “Adda karbengak nga agpungtot. Makapungtotak unay nga uray la kayatkon ti matay.” 10  Ngem kinuna ni Jehova: “Naasianka iti mula a tabungaw, a saanmo nga immula ken pinadakkel; nagtubo iti maysa a rabii ken natay iti maysa a rabii. 11  Saan kadi a rumbeng a maasianak met iti dakkel a siudad ti Nineve,+ a nasurok a 120,000 ti umilina, a di makaammo iti nagdumaan ti naimbag ken dakes,* agraman ti adu a tarakenda nga animal?”+

Footnotes

Wenno “nakonsiderar.”
Wenno “kararuak.”
Wenno mabalin a, “castor-oil plant.”
Wenno “a matay koman ti kararuana.”
Wenno “nagdumaan ti makannawan nga imada iti makannigid nga imada.”