Jonas 3:1-10

  • Agtulnog ni Jonas iti Dios ket mapan idiay Nineve (1-4)

  • Agbabawi dagiti taga-Nineve gapu iti mensahe ni Jonas (5-9)

  • Ikeddeng ti Dios a dinan dadaelen ti Nineve (10)

3  Imbaga ni Jehova ken Jonas iti maikadua a gundaway:+  “Mapanka idiay Nineve+ a dakkel a siudad, ket iwaragawagmo ti mensahe nga ibagak kenka.”  Nagtulnog ni Jonas ken Jehova+ ket napan idiay Nineve.+ Nagdakkel a siudad* ti Nineve a mapagna iti tallo nga aldaw.  Simrek ni Jonas iti siudad ket nagmalmalem a nagnagna, nga iwarwaragawagna: “Iti 40 laengen nga aldaw, madadaelton ti Nineve.”  Impakita dagiti taga-Nineve ti pammatida iti Dios,+ ket inwaragawagda nga agayunar* ken agbadoda iti nakersang a lupot, nanumo man wenno natan-ok.  Idi nadamag daytoy ti ari ti Nineve, timmakder iti tronona, inuksobna ti naarian a badona, ket nagisuot iti nakersang a lupot sa nagtugaw iti dapdapo.  Kanayonanna, impaiwaragawagna daytoy a bilin iti intero a Nineve,“Kastoy ti bilin ti ari ken dagiti opisialna: Awan ti mangan iti uray ania. Maiparit a mangan wenno uminum ti amin a tao, animal, pangen, wenno arban.  Masapul nga agisuot ti amin a tattao ken animal iti nakersang a lupot. Umawagda koma a sipapasnek iti Dios ken tallikudanda dagiti dakes ken naranggas nga aramidda.  Siasino ti makaammo amangan no panunoten manen* ti pudno a Dios ti panggepna nga aramiden ket bumaaw ti pungtotna tapno saantayo a matay?” 10  Idi nakita ti pudno a Dios ti inaramidda, no kasano a tinallikudanda dagiti dakes nga aramidda,+ pinanunotna manen* ti didigra nga imbagana nga ipagtengna kadakuada.+

Footnotes

Lit., “siudad a dakkel iti Dios.”
Kitaem ti Glosario.
Wenno “pagladingitan.”
Wenno “nagladingitanna.”