Jonas 2:1-10
2 Bayat nga adda ni Jonas iti tian ti ikan, nagkararag ken Jehova a Diosna+
2 ket kinunana:
“Gapu iti rigatko nagpakaasiak ken Jehova, ket sinungbatannak.+
Manipud iti kaunegan* a paset ti Tanem* immasugak.+
Nangngegmo ti timekko.
3 Idi intapuaknak iti kaadalman, iti kaunggan ti baybay,Limnedak iti lansad ti taaw.+
Sinabsabuagandak dagiti dadakkel a dalluyonmo.+
4 Ket kinunak, ‘Pinapanawnak iti sanguanam!
Kasanonto ngata a makitak manen ti nasantuan a templom?’
5 Linapunosnak ti danum ket nagpeggad ti biagko;*+Linemmesnak ti adalem a taaw.
Naputipotan ti ulok kadagiti ruot ti baybay.
6 Limnedak agingga iti kababaan a paset dagiti bantay.
Dagiti ruangan ti daga nagrikepda iti agnanayon.
Ngem manipud iti abut inaonmo ti biagko, O Jehova a Diosko.+
7 Idi agngangabiten ti biagko,* O Jehova, sika ti nalagipko.+
Iti nasantuan a templom dimmanon ti kararagko.+
8 Dagidiay agdaydayaw iti awan serserbina a didiosen tinallikudanda ti ubbog ti napudno nga ayatda.*
9 Ngem no siak, iyebkaskonto ti panagyaman ken agdatonakto kenka.
Ti inkarik, tungpalekto.+
Ni Jehova ti mangisalakan.”+
10 Kalpasanna, binilin ni Jehova ti ikan a mangisarua ken Jonas iti igid ti baybay.
