Numeros 7:1-89
7 Ita naaramid nga iti aldaw a nalpas nga impasdek ni Moises ti tabernakulo+ a sinapsapuanna+ dayta ken sinantipikarna dayta ken amin dagiti alikamenna ken ti altar ken amin dagiti aruatenna. Gapuna sinapsapuanna ida ken sinantipikarna ida.+
2 Kalpasanna dagiti panguluen ti Israel,+ dagiti pannakaulo ti balay dagiti ammada, nangidiayada,+ isuda kas papanguluen dagiti tribu ken agtaktakder kas turayen dagidiay naipasalista,
3 ket inyegda ti datonda iti sanguanan ni Jehova, innem a siaabbong a kareson ken sangapulo ket dua a baka, maysa a kareson iti dua a panguluen ken maysa a toro iti tunggal maysa; ket indatagda ida iti sanguanan ti tabernakulo.
4 Iti daytoy kinuna ni Jehova ken Moises:
5 “Awatem ida manipud kadakuada, yantangay agserbidanto a pangaramid iti panagserbi iti tolda ti gimong, ket masapul nga itedmo ida kadagiti Levita, tunggal maysa kas mairukod iti bukodna a panagserbi.”
6 Gapuna inawat ni Moises dagiti kareson ken dagiti baka ket intedna ida kadagiti Levita.
7 Dua a kareson ken uppat a baka ti intedna iti annak ni Gerson kas mairukod iti panagserbida,+
8 ket uppat a kareson ken walo a baka ti intedna iti annak ni Merari kas mairukod iti panagserbida,+ iti sidong ti ima ni Itamar nga anak ni Aaron a padi.+
9 Ngem awan intedna iti annak ni Cohat, agsipud ta ti panagserbi iti nasantuan a disso naipabaklay kadakuada.+ Nagawitda iti abagada.+
10 Ita nagidiaya dagiti panguluen iti inagurasion+ ti altar iti aldaw a pannakasapsapona, ket dagiti panguluen indatagda ti datonda iti sanguanan ti altar.
11 Gapuna ni Jehova kinunana ken Moises: “Maysa a panguluen iti maysa nga aldaw ket sabali a panguluen iti sabali nga aldaw ti wagas a panangidatagdanto iti datonda maipaay iti inagurasion ti altar.”+
12 Ita daydiay nangidatag iti datonna iti umuna nga aldaw isu ni Naason+ nga anak ni Aminadab iti tribu ni Juda.
13 Ket ti datonna maysa a pirak a pinggan, a sangagasut ket tallopulo a siklo ti dagsenna, maysa a pirak a malukong a pitopulo a siklo iti siklo ti nasantuan a disso,+ agpadpada a napnoda iti nasayaat nga arina a nababasa iti lana maipaay a daton a bukbukel;+
14 maysa a balitok a kopa a sangapulo a siklo, napno iti insienso;+
15 maysa nga urbon a toro, maysa a kalakian a karnero, maysa a kalakian a kordero a tumawenen, maipaay a daton a mapuoran;+
16 maysa nga urbon dagiti kalding a maipaay a daton gapu iti basol;+
17 ket maipaay a pakikaykaysa+ a sakripisio dua a baka, lima a kalakian a karnero, lima a kalakian a kalding, lima a kalakian a kordero a saggaysa ti tawenda. Daytoy idi ti daton ni Naason nga anak ni Aminadab.+
18 Iti maikadua nga aldaw nangidatag ni Netanel+ nga anak ni Zuar, ti panguluen ti Isacar.
19 Indatagna kas datonna ti maysa a pirak a pinggan, a sangagasut ket tallopulo a siklo ti dagsenna, maysa a pirak a malukong a pitopulo a siklo iti siklo ti nasantuan a disso, agpadpada a napnoda iti nasayaat nga arina a nababasa iti lana maipaay a daton a bukbukel;+
20 maysa a balitok a kopa a sangapulo a siklo, napno iti insienso;
21 maysa nga urbon a toro, maysa a kalakian a karnero, maysa a kalakian a kordero a tumawenen, maipaay a daton a mapuoran;+
22 maysa nga urbon dagiti kalding maipaay a daton gapu iti basol;+
23 ket maipaay a pakikaykaysa+ a sakripisio dua a baka, lima a kalakian a karnero, lima a kalakian a kalding, lima a kalakian a kordero a saggaysa ti tawenda. Daytoy idi ti daton ni Netanel nga anak ni Zuar.
24 Iti maikatlo nga aldaw adda idi ti panguluen maipaay iti annak ni Zabulon, ni Eliab+ nga anak ni Helon.
25 Ti datonna ket maysa a pirak a pinggan, a sangagasut ket tallopulo a siklo ti dagsenna, maysa a pirak a malukong a pitopulo a siklo iti siklo ti nasantuan a disso, agpadpada a napnoda iti nasayaat nga arina a nababasa iti lana maipaay a daton a bukbukel;
26 maysa a balitok a kopa a sangapulo a siklo, napno iti insienso;
27 maysa nga urbon a toro, maysa a kalakian a karnero, maysa a kalakian a kordero a tumawenen, maipaay a daton a mapuoran;+
28 maysa nga urbon dagiti kalding maipaay a daton gapu iti basol;+
29 ket maipaay a pakikaykaysa+ a sakripisio dua a baka, lima a kalakian a karnero, lima a kalakian a kalding, lima a kalakian a kordero a saggaysa ti tawenda. Daytoy idi ti daton ni Eliab nga anak ni Helon.+
30 Iti maikapat nga aldaw adda idi ti panguluen maipaay iti annak ni Ruben, ni Elizur+ nga anak ni Sedeur.
31 Ti datonna ket maysa a pirak a pinggan, a sangagasut ket tallopulo a siklo ti dagsenna, maysa a pirak a malukong a pitopulo a siklo iti siklo ti nasantuan a disso, agpadpada a napnoda iti nasayaat nga arina a nababasa iti lana maipaay a daton a bukbukel;+
32 maysa a balitok a kopa a sangapulo a siklo, napno iti insienso;
33 maysa nga urbon a toro, maysa a kalakian a karnero, maysa a kalakian a kordero a tumawenen, maipaay a daton a mapuoran;+
34 maysa nga urbon dagiti kalding maipaay a daton gapu iti basol;+
35 ket maipaay a pakikaykaysa+ a sakripisio dua a baka, lima a kalakian a karnero, lima a kalakian a kalding, lima a kalakian a kordero a saggaysa ti tawenda. Daytoy idi ti daton ni Elizur nga anak ni Sedeur.+
36 Iti maikalima nga aldaw adda idi ti panguluen maipaay iti annak ni Simeon, ni Selumiel+ nga anak ni Zurisadai.
37 Ti datonna ket maysa a pirak a pinggan, a sangagasut ket tallopulo a siklo ti dagsenna, maysa a pirak a malukong a pitopulo a siklo iti siklo ti nasantuan a disso, agpadpada a napnoda iti nasayaat nga arina a nababasa iti lana maipaay a daton a bukbukel;+
38 maysa a balitok a kopa a sangapulo a siklo, napno iti insienso;
39 maysa nga urbon a toro, maysa a kalakian a karnero, maysa a kalakian a kordero a tumawenen, maipaay a daton a mapuoran;+
40 maysa nga urbon dagiti kalding maipaay a daton gapu iti basol;+
41 ket maipaay a pakikaykaysa+ a sakripisio dua a baka, lima a kalakian a karnero, lima a kalakian a kalding, lima a kalakian a kordero a saggaysa ti tawenda. Daytoy idi ti daton ni Selumiel nga anak ni Zurisadai.+
42 Iti maikanem nga aldaw adda idi ti panguluen maipaay iti annak ni Gad, ni Eliasaf+ nga anak ni Deuel.
43 Ti datonna ket maysa a pirak a pinggan, a sangagasut ket tallopulo a siklo ti dagsenna, maysa a pirak a malukong a pitopulo a siklo iti siklo ti nasantuan a disso, agpadpada a napnoda iti nasayaat nga arina a nababasa iti lana maipaay a daton a bukbukel;+
44 maysa a balitok a kopa a sangapulo a siklo, napno iti insienso;+
45 maysa nga urbon a toro, maysa a kalakian a karnero, maysa a kalakian a kordero a tumawenen, maipaay a daton a mapuoran;+
46 maysa nga urbon dagiti kalding maipaay a daton gapu iti basol;+
47 ket maipaay a pakikaykaysa+ a sakripisio dua a baka, lima a kalakian a karnero, lima a kalakian a kalding, lima a kalakian a kordero a saggaysa ti tawenda. Daytoy idi ti daton ni Eliasaf nga anak ni Deuel.+
48 Iti maikapito nga aldaw adda idi ti panguluen maipaay iti annak ni Efraim, ni Elisama+ nga anak ni Amihud.
49 Ti datonna ket maysa a pirak a pinggan, a sangagasut ket tallopulo a siklo ti dagsenna, maysa a pirak a malukong a pitopulo a siklo iti siklo ti nasantuan a disso, agpadpada a napnoda iti nasayaat nga arina a nababasa iti lana maipaay a daton a bukbukel;+
50 maysa a balitok a kopa a sangapulo a siklo, napno iti insienso;
51 maysa nga urbon a toro, maysa a kalakian a karnero, maysa a kalakian a kordero a tumawenen, maipaay a daton a mapuoran;+
52 maysa nga urbon dagiti kalding maipaay a daton gapu iti basol;+
53 ket maipaay a pakikaykaysa+ a sakripisio dua a baka, lima a kalakian a karnero, lima a kalakian a kalding, lima a kalakian a kordero a saggaysa ti tawenda. Daytoy idi ti daton ni Elisama nga anak ni Amihud.+
54 Iti maikawalo nga aldaw adda idi ti panguluen maipaay iti annak ni Manases, ni Gamaliel+ nga anak ni Pedazur.
55 Ti datonna ket maysa a pirak a pinggan, a sangagasut ket tallopulo a siklo ti dagsenna, maysa a pirak a malukong a pitopulo a siklo iti siklo ti nasantuan a disso, agpadpada a napnoda iti nasayaat nga arina a nababasa iti lana maipaay a daton a bukbukel;+
56 maysa a balitok a kopa a sangapulo a siklo, napno iti insienso;+
57 maysa nga urbon a toro, maysa a kalakian a karnero, maysa a kalakian a kordero a tumawenen, maipaay a daton a mapuoran;+
58 maysa nga urbon dagiti kalding maipaay a daton gapu iti basol;+
59 ket maipaay a pakikaykaysa+ a sakripisio dua a baka, lima a kalakian a karnero, lima a kalakian a kalding, lima a kalakian a kordero a saggaysa ti tawenda. Daytoy idi ti daton ni Gamaliel nga anak ni Pedazur.+
60 Iti maikasiam nga aldaw adda idi ti panguluen+ maipaay iti annak ni Benjamin, ni Abidan+ nga anak ni Gideoni.
61 Ti datonna ket maysa a pirak a pinggan, a sangagasut ket tallopulo a siklo ti dagsenna, maysa a pirak a malukong a pitopulo a siklo iti siklo ti nasantuan a disso, agpadpada a napnoda iti nasayaat nga arina a nababasa iti lana maipaay a daton a bukbukel;+
62 maysa a balitok a kopa a sangapulo a siklo, napno iti insienso;
63 maysa nga urbon a toro, maysa a kalakian a karnero, maysa a kalakian a kordero a tumawenen, maipaay a daton a mapuoran;+
64 maysa nga urbon dagiti kalding maipaay a daton gapu iti basol;+
65 ket maipaay a pakikaykaysa+ a sakripisio dua a baka, lima a kalakian a karnero, lima a kalakian a kalding, lima a kalakian a kordero a saggaysa ti tawenda. Daytoy idi ti daton ni Abidan nga anak ni Gideoni.+
66 Iti maikasangapulo nga aldaw adda idi ti panguluen maipaay iti annak ni Dan, ni Ahiezer+ nga anak ni Amisadai.
67 Ti datonna ket maysa a pirak a pinggan, a sangagasut ket tallopulo a siklo ti dagsenna, maysa a pirak a malukong a pitopulo a siklo iti siklo ti nasantuan a disso, agpadpada a napnoda iti nasayaat nga arina a nababasa iti lana maipaay a daton a bukbukel.+
68 maysa a balitok a kopa a sangapulo a siklo, napno iti insienso;
69 maysa nga urbon a toro, maysa a kalakian a karnero, maysa a kalakian a kordero a tumawenen, maipaay a daton a mapuoran;+
70 maysa nga urbon dagiti kalding maipaay a daton gapu iti basol;+
71 ket maipaay a pakikaykaysa+ a sakripisio dua a baka, lima a kalakian a karnero, lima a kalakian a kalding, lima a kalakian a kordero a saggaysa ti tawenda. Daytoy idi ti daton ni Ahiezer nga anak ni Amisadai.+
72 Iti maikasangapulo ket maysa nga aldaw adda idi ti panguluen maipaay iti annak ni Aser, ni Pagiel+ nga anak ni Ocran.
73 Ti datonna ket maysa a pirak a pinggan, a sangagasut ket tallopulo a siklo ti dagsenna, maysa a pirak a malukong a pitopulo a siklo iti siklo ti nasantuan a disso, agpadpada a napnoda iti nasayaat nga arina a nababasa iti lana maipaay a daton a bukbukel;+
74 maysa a balitok a kopa a sangapulo a siklo, napno iti insienso;+
75 maysa nga urbon a toro, maysa a kalakian a karnero, maysa a kalakian a kordero a tumawenen, maipaay a daton a mapuoran;+
76 maysa nga urbon dagiti kalding maipaay a daton gapu iti basol;+
77 ket maipaay a pakikaykaysa+ a sakripisio dua a baka, lima a kalakian a karnero, lima a kalakian a kalding, lima a kalakian a kordero a saggaysa ti tawenda. Daytoy idi ti daton ni Pagiel nga anak ni Ocran.+
78 Iti maikasangapulo ket dua nga aldaw adda idi ti panguluen maipaay iti annak ni Neftali, ni Ahira+ nga anak ni Enan.
79 Ti datonna ket maysa a pirak a pinggan, a sangagasut ket tallopulo a siklo ti dagsenna, maysa a pirak a malukong a pitopulo a siklo iti siklo ti nasantuan a disso, agpadpada a napnoda iti nasayaat nga arina a nababasa iti lana maipaay a daton a bukbukel;+
80 maysa a balitok a kopa a sangapulo a siklo, napno iti insienso;+
81 maysa nga urbon a toro, maysa a kalakian a karnero, maysa a kalakian a kordero a tumawenen, maipaay a daton a mapuoran;+
82 maysa nga urbon dagiti kalding maipaay a daton gapu iti basol;+
83 ket maipaay a pakikaykaysa+ a sakripisio dua a baka, lima a kalakian a karnero, lima a kalakian a kalding, lima a kalakian a kordero a saggaysa ti tawenda. Daytoy idi ti daton ni Ahira nga anak ni Enan.+
84 Daytoy idi ti daton iti inagurasion+ ti altar iti aldaw a pannakasapsapona, iti biang dagiti panguluen+ ti Israel: sangapulo ket dua a pirak a pinggan, sangapulo ket dua a pirak a malukong,+ sangapulo ket dua a balitok a kopa;
85 sangagasut ket tallopulo a siklo iti tunggal pirak a pinggan, ket pitopulo iti tunggal malukong, isuamin a pirak dagiti basehas dua ribu uppat a gasutda a siklo iti siklo ti nasantuan a disso;+
86 ti sangapulo ket dua a balitok a kopa+ a napno iti insienso sangapulo a siklo iti tumunggal maysa a kopa iti siklo ti nasantuan a disso, isuamin a balitok dagiti kopa sangagasut ket duapuloda a siklo;
87 amin a baka a maipaay iti daton a mapuoran+ sangapulo ket duada a toro, sangapulo ket dua a kalakian a karnero, sangapulo ket dua a kalakian a kordero a saggaysa ti tawenda ken dagiti datonda a bukbukel,+ ken sangapulo ket dua nga urbon dagiti kalding maipaay a daton gapu iti basol;+
88 ket amin a baka ti pakikaykaysa+ a sakripisio duapulo ket uppatda a toro, innem a pulo a kalakian a karnero, innem a pulo a kalakian a kalding, innem a pulo a kalakian a kordero a saggaysa ti tawenda. Daytoy idi ti daton iti inagurasion+ ti altar kalpasan ti pannakasapsapona.+
89 Ita kaanoman a sumrek ni Moises iti tolda ti gimong tapno makisao kenkuana,+ iti kasta mangngegna ti timek a makipatpatang kenkuana manipud ngatuen ti kalub+ nga adda iti rabaw ti lakasa ti pammaneknek, manipud nagbaetan ti dua a kerubin;+ ket makisao kenkuana.
