Numeros 24:1-25
24 Idi nakita ni Balaam a naimbag kadagiti mata ni Jehova ti panangbendision iti Israel, saan a pimmanaw a kas kadagidi dadduma a gundaway+ tapno mangsarak iti aniaman a dakes a partaan,+ no di ket inturongna ti rupana iti let-ang.
2 Idi intannawag ni Balaam dagiti matana ket nakitana ti Israel nga agtabtabernakulo sigun kadagiti tribuna,+ idin immay kenkuana ti espiritu ti Dios.+
3 Ngarud sinaona ti proverbio nga ebkasna+ ket kinunana:
“Ti sao ni Balaam nga anak ni Beor,Ken ti sao ti nabaneg a lalaki a ti matana di narikpan,+
4 Ti sao daydiay dumdumngeg iti sasao ti Dios,+A nakakita iti sirmata ti Mannakabalin-amin+Bayat nga agluslusdoy a dagiti matana di naabbongan:+
5 Anian a nagpintas dagiti toldam, O Jacob, dagiti tabernakulom, O Israel!+
6 Kas kadagiti naapres a ginget dimmanonda iti nakaad-adayo,+Kas kadagiti minuyongan iti igid ti karayan.+Kas kadagiti mula nga aloe nga immula ni Jehova,Kas kadagiti sedro iti igid ti dandanum.+
7 Agar-aruyot ti danum manipud iti dua a lalat a timbana,Ket ti bin-ina adda iti igid ti adu a dandanum.+Ti met arina+ nangatngatonto ngem ni Agag,+Ken maipangatonto ti pagarianna.+
8 Isu iruruar ti Dios manipud Egipto;Kukuana ti nasiglat a panagtaray ti atap a toro.+Ibusennanto dagiti nasion, dagiti mangirurrurumen kenkuana,+Ket dagiti tulangda kibkibannanto,+ ket rumekrumekennanto ida babaen kadagiti panana.+
9 Isu nagrukob, isu agidda a kas iti leon,Ket, kas iti maysa a leon, siasino ti makaitured a mangriing kenkuana?+Dagidiay mangbembendision kenka isuda dagidiay bendito,+Ken dagidiay mangilunlunod kenka isuda dagidiay nailunod.”+
10 Iti kasta gimmil-ayab ti unget ni Balak maibusor ken Balaam ket pinagtipatna dagiti imana,+ ket ni Balak kinunana ken Balaam: “Inayabanka tapno ilunodmo+ dagiti kabusorko, ket, adtoy! binendisionam ida iti kasta unay kadagitoy namitlo.
11 Ket ita agtarayka a mapan iti lugarmo. Kinunak iti bagik a padayawanka a di bumurong,+ ngem, adtoy! ni Jehova linapdannaka a mapadayawan.”
12 Kalpasanna ni Balaam kinunana ken Balak: “Saan kadi a nagsaoak met kadagiti mensaherom nga imbaonmo kaniak, a kinunak,
13 ‘Uray no ited koma kaniak ni Balak ti balayna a napno iti pirak ken balitok, saanko a kabaelan ti lumbes iti bilin ni Jehova tapno aramidek ti maysa a banag a naimbag wenno dakes manipud bukodko a puso. Aniaman ti sawen ni Jehova isu ti sawekto’?+
14 Ket ita adtoy mapanak kadagiti kailiak. Umayka, bay-am a balakadanka+ no anianto ti aramiden daytoy nga ili iti ilim kalpasanna iti panungpalan dagiti aldaw.”+
15 Gapuna sinaona ti proverbio nga ebkasna+ ket kinunana:“Ti sao ni Balaam nga anak ni Beor,Ken ti sao ti nabaneg a lalaki a ti matana di narikpan,+
16 Ti sao daydiay dumdumngeg iti sasao ti Dios,+Ken daydiay makaammo iti pannakaammo ti Kangatuan—Maysa a sirmata ti Mannakabalin-amin ti nakitana+Bayat nga agluslusdoy a dagiti matana di naabbongan:+
17 Isu makitakto,+ ngem saan nga ita;Isu maimatangakto, ngem saan nga iti asideg.Sigurado a rummuarto ti maysa a bituen+ manipud ken Jacob,Ket tumaudto ti maysa a setro manipud Israel.+
Ket sigurado a burakburakennanto dagiti pispis ti ulo ti Moab+
Ken ti sabutsabut ti amin nga annak ti arimbangaw ti gubat.
18 Ket ti Edom agbalinto a sanikua,+Wen, ti Seir+ agbalinto a sanikua dagiti kabusorna,+Bayat nga iparparangarang ti Israel ti kinaturedna.
19 Ket manipud ken Jacob mapanto mangparukma ti maysa,+Ket dadaelennanto ti asinoman a makalasat iti siudad.”+
20 Idi nakitana ti Amalek, inaramatna nga ad-adda pay ti proverbio nga ebkasna ket kinunana:+“Ti Amalek isu idi daydiay umuna kadagiti nasion,+Ngem ti tungpalna kalpasanna isunto ti mismo a pannakadadaelna.”+
21 Idi nakitana dagiti Keneo,+ inaramatna nga ad-adda pay ti proverbio nga ebkasna ket kinunana:“Nalagda ti pagnaedam, ket ti pagyanam naisaad iti napasdok a bato.
22 Ngem addanto maysa a mangpuor iti Kain.+Kasanonto kabayag agingga a ti Asiria ipanawnaka a kautibo?”+
23 Ket inaramatna nga ad-adda pay ti proverbio nga ebkasna ket kinunana:“Asi pay! Siasinonto ti makalasat inton aramiden dayta ti Dios?+
24 Ket addanto barbarko manipud igid ti baybay ti Kittim,+Ket sigurado a parigatendanto ti Asiria,+Ket pudno a parigatendanto ti Eber.Ngem isu mapukawto met iti kamaudiananna.”
25 Kalpasan dayta timmakder ni Balaam ket napan ket nagsubli iti lugarna.+ Ket ni Balak napan met iti bukodna a dalan.
