Numeros 26:1-65
26 Ket naaramid kalpasan ti pannaplit,+ a kinuna ni Jehova daytoy kada Moises ken Eleazar nga anak ni Aaron a padi:
2 “Alaenyo ti pakagupgopan ti intero a gimong ti annak ti Israel manipud duapulo a tawen ti edadna ken agpangato, mayannurot iti balay dagiti ammada, amin dagidiay mapan iti buyot ti Israel.”+
3 Ket da Moises ken Eleazar+ a padi nakisaoda kadakuada iti desierto a tantanap ti Moab+ iti igid ti Jordan idiay Jerico,+ a kunkunada:
4 “[Alaenyo ti pakagupgopanda] manipud edad a duapulo a tawen ken agpangato, kas iti imbilin ni Jehova ken Moises.”+
Ita ti annak ti Israel a rimmuar manipud daga ti Egipto isu da:
5 Ruben, inauna ti Israel;+ ti annak ni Ruben: Ken Hanoc+ ti pamilia dagiti Hanokita; ken Pallu+ ti pamilia dagiti Palluita;
6 ken Hezron+ ti pamilia dagiti Hezronita; ken Carmi+ ti pamilia dagiti Carmita.
7 Dagitoy ti pampamilia dagiti Rubenita, ket dagidiay naipasalista kadakuada nagdagup iti uppat a pulo ket tallo a ribu pito gasut ket tallopulo.+
8 Ket ti anak ni Pallu isu ni Eliab.
9 Ket ti annak ni Eliab: Nemuel ken Datan ken Abiram. Daytoy a Datan+ ken Abiram+ isuda dagidiay napaayaban ti gimong, a nakidangadang kada Moises ken Aaron iti gimong ni Kore,+ idi nakidangadangda ken Jehova.
10 Kalpasanna nginanga ti daga ti ngiwatna ket inalun-onna ida.+ No maipapan ken Kore, natay iti ipapatay ti gimong idi a ti apuy inibusna ti dua gasut ket limapulo a lallaki.+ Ket nagbalinda a simbolo.+
11 Nupay kasta, saan a natay ti annak ni Kore.+
12 Ti annak ni Simeon+ sigun iti pampamiliada: Ken Nemuel+ ti pamilia dagiti Nemuelita; ken Jamin+ ti pamilia dagiti Jaminita; ken Jaquin+ ti pamilia dagiti Jaquinita;
13 ken Zera ti pamilia dagiti Zeraita; ken Shaul+ ti pamilia dagiti Shaulita.
14 Dagitoy ti pampamilia dagiti Simeonita: duapulo ket dua a ribu dua gasut.+
15 Ti annak ni Gad+ sigun iti pampamiliada: Ken Zefon ti pamilia dagiti Zefonita; ken Haggi ti pamilia dagiti Haggita; ken Suni ti pamilia dagiti Sunita;
16 ken Ozni ti pamilia dagiti Oznita; ken Eri ti pamilia dagiti Erita;
17 ken Arod ti pamilia dagiti Arodita; ken Areli+ ti pamilia dagiti Arelita.
18 Dagitoy ti pampamilia ti annak ni Gad, kadagidiay naipasalista kadakuada: uppat a pulo a ribu lima gasut.+
19 Ti annak ni Juda+ isu da Er+ ken Onan.+ Nupay kasta, natay da Er ken Onan idiay daga ti Canaan.+
20 Ket ti annak ni Juda isu da, sigun iti pampamiliada: Ken Sela+ ti pamilia dagiti Selanita; ken Perez+ ti pamilia dagiti Perezita; ken Zera+ ti pamilia dagiti Zeraita.
21 Ket ti annak ni Perez isu da: Ken Hezron+ ti pamilia dagiti Hezronita; ken Hamul+ ti pamilia dagiti Hamulita.
22 Dagitoy ti pampamilia ni Juda,+ kadagidiay naipasalista kadakuada: pitopulo ket innem a ribu lima gasut.+
23 Ti annak ni Isacar+ sigun iti pampamiliada isu da: Ken Tola+ ti pamilia dagiti Tolaita; ken Puva ti pamilia dagiti Punita;
24 ken Jasub ti pamilia dagiti Jasubita; ken Simron+ ti pamilia dagiti Simronita.
25 Dagitoy ti pampamilia ni Isacar, kadagidiay naipasalista kadakuada: innem a pulo ket uppat a ribu tallo gasut.+
26 Ti annak ni Zabulon+ sigun iti pampamiliada isu da: Ken Sered ti pamilia dagiti Seredita; ken Elon ti pamilia dagiti Elonita; ken Jaleel+ ti pamilia dagiti Jaleelita.
27 Dagitoy ti pampamilia dagiti Zabulonita, kadagidiay naipasalista kadakuada: innem a pulo a ribu lima gasut.+
28 Ti annak ni Jose+ sigun iti pampamiliada isu da Manases ken Efraim.+
29 Ti annak ni Manases+ isu da: Ken Maquir+ ti pamilia dagiti Maquirita. Ket ni Maquir isu ti ama ni Galaad.+ Ken Galaad ti pamilia dagiti Galaadita.
30 Dagitoy ti annak ni Galaad: Ken Yezer+ ti pamilia dagiti Yezerita; ken Helek ti pamilia dagiti Helekita;
31 ken Asriel ti pamilia dagiti Asrielita; ken Siquem ti pamilia dagiti Siquemita;
32 ken Semida+ ti pamilia dagiti Semidaita; ken Hefer+ ti pamilia dagiti Heferita.
33 Ita ni Zelofehad nga anak ni Hefer awanan idi iti annak a lallaki, no di ket annak a babbai,+ ket ti nagnagan ti annak a babbai ni Zelofehad isu da Mala ken Noe, Hogla, Milca ken Tirza.+
34 Dagitoy ti pampamilia ni Manases, ket dagidiay naipasalista kadakuada limapulo ket dua a ribu pito gasut.+
35 Dagitoy ti annak ni Efraim+ sigun iti pampamiliada: Ken Sutela+ ti pamilia dagiti Sutelaita; ken Bequer ti pamilia dagiti Bequerita; ken Tahan+ ti pamilia dagiti Tahanita.
36 Ket dagitoy ti annak ni Sutela: Ken Eran ti pamilia dagiti Eranita.
37 Dagitoy ti pampamilia ti annak ni Efraim,+ kadagidiay naipasalista kadakuada: tallopulo ket dua a ribu lima gasut. Dagitoy ti annak ni Jose sigun iti pampamiliada.+
38 Ti annak ni Benjamin+ sigun iti pampamiliada isu da: Ken Bela+ ti pamilia dagiti Belaita; ken Asbel+ ti pamilia dagiti Asbelita; ken Ahiram ti pamilia dagiti Ahiramita;
39 ken Sefufam ti pamilia dagiti Sufamita; ken Hufam+ ti pamilia dagiti Hufamita.
40 Ti annak ni Bela isu da Ard ken Naaman:+ Ken Ard ti pamilia dagiti Ardita; ken Naaman ti pamilia dagiti Naamita.
41 Dagitoy ti annak ni Benjamin+ sigun iti pampamiliada, ket dagidiay naipasalista kadakuada uppat a pulo ket lima a ribu innem a gasut.+
42 Dagitoy ti annak ni Dan+ sigun iti pampamiliada: Ken Suham ti pamilia dagiti Suhamita. Dagitoy ti pampamilia ni Dan+ sigun iti pampamiliada.
43 Amin a pampamilia dagiti Suhamita, kadagidiay naipasalista kadakuada, innem a pulo ket uppat a ribu uppat a gasut.+
44 Ti annak ni Aser+ sigun iti pampamiliada isu da: Ken Imnah+ ti pamilia dagiti Imnita; ken Isvi+ ti pamilia dagiti Isvita; ken Berias ti pamilia dagiti Beriaita;
45 iti annak ni Berias: Ken Heber ti pamilia dagiti Heberita; ken Malkiel+ ti pamilia dagiti Malkielita.
46 Ket ti nagan ti anak a babai ni Aser ket Sera.+
47 Dagitoy ti pampamilia ti annak ni Aser,+ kadagidiay naipasalista kadakuada: limapulo ket tallo a ribu uppat a gasut.+
48 Ti annak ni Neftali+ sigun iti pampamiliada isu da: Ken Jazeel+ ti pamilia dagiti Jazeelita; ken Guni+ ti pamilia dagiti Gunita;
49 ken Jezer+ ti pamilia dagiti Jezerita; ken Sillem+ ti pamilia dagiti Sillemita.
50 Dagitoy ti pampamilia ni Neftali+ sigun iti pampamiliada, ket dagidiay naipasalista kadakuada uppat a pulo ket lima a ribu uppat a gasut.+
51 Dagitoy ti naipasalista iti annak ti Israel: innem a gasut ket maysa a ribu pito gasut ket tallopulo.+
52 Kalpasan dayta ni Jehova nagsao ken Moises, a kunkunana:
53 “Rebbeng a mabingaybingay kadagitoy ti daga a maipaay a tawid sigun iti bilang ti nagnagan.+
54 Mayannurot iti dakkel a bilang rebbeng nga iyad-adum ti tawid ti maysa, ket mayannurot iti kinabassit rebbeng nga ibasbassitmo ti tawid ti maysa.+ Rebbeng a maited ti tawid ti tunggal maysa a mairukod kadagidiay naipasalista kenkuana.
55 Rebbeng a mabingaybingay ti daga babaen laeng iti binnunot.+ Mayannurot iti nagnagan dagiti tribu ti ammada rebbeng a makagun-odda iti tawid.
56 Babaen ti pannakaikeddeng ti bingay rebbeng a mabingaybingay ti tawid ti maysa iti nagbaetan ti adu ken ti bassit.”
57 Ita dagitoy ti naipasalista kadagiti Levita+ sigun iti pampamiliada: Ken Gerson+ ti pamilia dagiti Gersonita; ken Cohat+ ti pamilia dagiti Cohatita; ken Merari+ ti pamilia dagiti Merarita.
58 Dagitoy ti pampamilia dagiti Levita: ti pamilia dagiti Libnita,+ ti pamilia dagiti Hebronita,+ ti pamilia dagiti Malita,+ ti pamilia dagiti Musita,+ ti pamilia dagiti Korita.+
Ket ni Cohat+ isu ti ama ni Amram.+
59 Ket ti nagan ti asawa ni Amram ket Jocabed,+ anak a babai ni Levi, nga impasngay ti asawana ken Levi idiay Egipto. Idi agangay impasngayna ken Amram da Aaron ken Moises ken ni Miriam a kabsatda a babai.+
60 Kalpasanna nayanak ken Aaron da Nadab ken Abihu,+ da Eleazar ken Itamar.+
61 Ngem natay da Nadab ken Abihu gapu iti panangidiayada iti di mayalubog nga apuy iti sanguanan ni Jehova.+
62 Ket dagidiay naipasalista kadakuada nagdagup iti duapulo ket tallo a ribu, lallaki amin manipud maysa a bulanna ken agpangato.+ Ta saanda a naipasalista a nairaman iti annak ti Israel,+ agsipud ta awan ti tawid a maited idi kadakuada iti tengnga dagiti annak ti Israel.+
63 Dagitoy ti impasalista da Moises ken Eleazar a padi idi impasalistada ti annak ti Israel idiay desierto a tantanap ti Moab iti igid ti Jordan idiay Jerico.+
64 Ngem awan idi kadagitoy ti maysa a lalaki manipud kadagidiay impasalista da Moises ken Aaron a padi idi impasalistada ti annak ti Israel idiay let-ang ti Sinai.+
65 Ta kinuna ni Jehova maipapan kadakuada: “Di bumurong a mataydanto iti let-ang.”+ Gapuna awan ti nabati kadakuada a maysa a lalaki malaksid ken Caleb nga anak ni Jefune ken ni Josue nga anak ni Nun.+
