Numeros 29:1-40
29 “‘Ket iti maikapito a bulan, iti umuna ti bulan, rebbeng a mangangaykayo iti nasantuan a kombension.+ Dikay agaramid iti aniaman a kita ti napagel a trabaho.+ Rebbeng nga agbalin kadakayo nga aldaw ti panaguni ti trumpeta.+
2 Ket masapul a mangidatagkayo kas daton a mapuoran a maipaay a makabang-ar a sayamusom ken Jehova iti maysa nga urbon a toro, maysa a kalakian a karnero, pito a kalakian a kordero a saggaysa ti tawenda, dagidiay nasalun-at;+
3 ken ti datonda a bukbukel a nasayaat nga arina a nababasa iti lana, tallo nga apagkapullo a sukat maipaay iti toro, dua nga apagkapullo a sukat maipaay iti kalakian a karnero,+
4 ken maysa nga apagkapullo a sukat maipaay iti tunggal kalakian a kordero iti pito a kalakian a kordero;+
5 ken maysa a kalakian nga urbon dagiti kalding kas daton gapu iti basol tapno mangaramid iti panangabbong maipaay kadakayo;+
6 malaksid iti binulan a daton a mapuoran+ ken ti datonna a bukbukel+ ken ti kankanayon a daton a mapuoran+ ken ti datonna a bukbukel,+ agraman kadagiti datonda nga inumen,+ sigun iti kadawyan a pamay-an kadakuada, kas makabang-ar a sayamusom, maysa a naipuor a daton ken Jehova.+
7 “‘Ket iti maikasangapulo daytoy maikapito a bulan rebbeng a mangangaykayo iti nasantuan a kombension,+ ket masapul a parigatenyo dagiti kararuayo.+ Dikay agaramid iti aniaman a kita ti trabaho.+
8 Ket masapul a mangidatagkayo kas mapuoran a daton ken Jehova, kas makabang-ar a sayamusom, iti maysa nga urbon a toro, maysa a kalakian a karnero, pito a kalakian a kordero a saggaysa ti tawenda.+ Rebbeng a nasalun-atda maipaay kadakayo.+
9 Ket kas datonda a bukbukel a nasayaat nga arina a nababasa iti lana tallo nga apagkapullo a sukat maipaay iti toro, dua nga apagkapullo a sukat maipaay iti maysa a kalakian a karnero,+
10 apagkapullo a sukat maipaay iti tumunggal maysa a kalakian a kordero iti pito a kalakian a kordero;+
11 maysa nga urbon dagiti kalding kas daton gapu iti basol, malaksid iti daton gapu iti basol ti panangabbong+ ken ti kankanayon a daton a mapuoran ken ti datonna a bukbukel, agraman kadagiti datonda nga inumen.+
12 “‘Ket iti maikasangapulo ket lima nga aldaw ti maikapito a bulan+ rebbeng a mangangaykayo iti nasantuan a kombension.+ Dikay agaramid iti aniaman a kita ti napagel a trabaho,+ ket masapul a mangrambakkayo iti piesta ken Jehova iti pito nga aldaw.+
13 Ket masapul a mangidatagkayo kas daton a mapuoran,+ maysa a naipuor a daton, ti makabang-ar a sayamusom ken Jehova, iti sangapulo ket tallo nga urbon a toro, dua a kalakian a karnero, sangapulo ket uppat a kalakian a kordero a saggaysa ti tawenda. Rebbeng a nasalun-atda.+
14 Ket kas datonda a bukbukel a nasayaat nga arina a nababasa iti lana tallo nga apagkapullo a sukat maipaay iti tunggal toro iti sangapulo ket tallo a toro, dua nga apagkapullo a sukat maipaay iti tunggal kalakian a karnero iti dua a kalakian a karnero,+
15 ken maysa nga apagkapullo a sukat maipaay iti tunggal kalakian a kordero iti sangapulo ket uppat a kalakian a kordero;+
16 ken maysa nga urbon dagiti kalding kas daton gapu iti basol, malaksid iti kankanayon a daton a mapuoran, ti datonna a bukbukel ken ti datonna nga inumen.+
17 “‘Ket iti maikadua nga aldaw sangapulo ket dua nga urbon a toro, dua a kalakian a karnero, sangapulo ket uppat a kalakian a kordero a saggaysa ti tawenda, dagidiay nasalun-at;+
18 ken ti datonda a bukbukel+ ken dagiti datonda nga inumen+ maipaay kadagiti toro, kadagiti kalakian a karnero ken kadagiti kalakian a kordero sigun iti bilangda maitunos iti kadawyan a pamay-an;+
19 ken maysa nga urbon dagiti kalding kas daton gapu iti basol,+ malaksid iti kankanayon a daton a mapuoran ken ti datonna a bukbukel, agraman ti datonda nga inumen.+
20 “‘Ket iti maikatlo nga aldaw sangapulo ket maysa a toro, dua a kalakian a karnero, sangapulo ket uppat a kalakian a kordero a saggaysa ti tawenda, dagidiay nasalun-at;+
21 ken ti datonda a bukbukel+ ken dagiti datonda nga inumen+ maipaay kadagiti toro, kadagiti kalakian a karnero ken kadagiti kalakian a kordero sigun iti bilangda maitunos iti kadawyan a pamay-an;
22 ken maysa a kalding kas daton gapu iti basol,+ malaksid iti kankanayon a daton a mapuoran ken ti datonna a bukbukel ken ti datonna nga inumen.
23 “‘Ket iti maikapat nga aldaw sangapulo a toro, dua a kalakian a karnero, sangapulo ket uppat a kalakian a kordero a saggaysa ti tawenda, dagidiay nasalun-at;+
24 ti datonda a bukbukel+ ken dagiti datonda nga inumen+ maipaay kadagiti toro, kadagiti kalakian a karnero ken kadagiti kalakian a kordero sigun iti bilangda maitunos iti kadawyan a pamay-an;+
25 ken maysa nga urbon dagiti kalding kas daton gapu iti basol,+ malaksid iti kankanayon a daton a mapuoran,+ ti datonna a bukbukel ken ti datonna nga inumen.+
26 “‘Ket iti maikalima nga aldaw siam a toro, dua a kalakian a karnero, sangapulo ket uppat a kalakian a kordero a saggaysa ti tawenda, dagidiay nasalun-at;+
27 ken ti datonda a bukbukel+ ken dagiti datonda nga inumen+ maipaay kadagiti toro, kadagiti kalakian a karnero ken kadagiti kalakian a kordero sigun iti bilangda maitunos iti kadawyan a pamay-an;+
28 ken maysa a kalding kas daton gapu iti basol,+ malaksid iti kankanayon a daton a mapuoran ken ti datonna a bukbukel ken ti datonna nga inumen.+
29 “‘Ket iti maikanem nga aldaw walo a toro, dua a kalakian a karnero, sangapulo ket uppat a kalakian a kordero a saggaysa ti tawenda, dagidiay nasalun-at;+
30 ken ti datonda a bukbukel+ ken dagiti datonda nga inumen+ maipaay kadagiti toro, kadagiti kalakian a karnero ken kadagiti kalakian a kordero sigun iti bilangda maitunos iti kadawyan a pamay-an;+
31 ken maysa a kalding kas daton gapu iti basol,+ malaksid iti kankanayon a daton a mapuoran, ti datonna a bukbukel ken dagiti datonna nga inumen.+
32 “‘Ket iti maikapito nga aldaw pito a toro, dua a kalakian a karnero, sangapulo ket uppat a kalakian a kordero a saggaysa ti tawenda, dagidiay nasalun-at;+
33 ken ti datonda a bukbukel+ ken dagiti datonda nga inumen+ maipaay kadagiti toro, kadagiti kalakian a karnero ken kadagiti kalakian a kordero sigun iti bilangda maitunos iti kadawyan a pamay-an kadakuada;+
34 ken maysa a kalding kas daton gapu iti basol,+ malaksid iti kankanayon a daton a mapuoran, ti datonna a bukbukel ken ti datonna nga inumen.+
35 “‘Ket iti maikawalo nga aldaw rebbeng a mangangaykayo iti nadaeg nga asamblea.+ Dikay agaramid iti aniaman a kita ti napagel a trabaho.+
36 Ket masapul a mangidatagkayo kas daton a mapuoran, maysa a naipuor a daton, ti makabang-ar a sayamusom ken Jehova, iti maysa a toro, maysa a kalakian a karnero, pito a kalakian a kordero a saggaysa ti tawenda, dagidiay nasalun-at;+
37 ken ti datonda a bukbukel+ ken dagiti datonda nga inumen+ maipaay iti toro, iti kalakian a karnero ken kadagiti kalakian a kordero sigun iti bilangda maitunos iti kadawyan a pamay-an;+
38 ken maysa a kalding kas daton gapu iti basol,+ malaksid iti kankanayon a daton a mapuoran ken ti datonna a bukbukel ken ti datonna nga inumen.+
39 “‘Idatagyonto dagitoy ken Jehova iti naipanapanawen a pipiestayo,+ malaksid iti kari a datdatonyo+ ken iti boluntario a datdatonyo+ kas datdatonyo a mapuoran+ ken datdatonyo a bukbukel+ ken datdatonyo nga inumen+ ken saksakripisioyo a pakikaykaysa.’”+
40 Ket nagsao ni Moises iti annak ti Israel maitunos iti isuamin nga imbilin ni Jehova ken Moises.+
