Yayandikwaga na Matayo 1:1-25
1 Echitabu ch’engani* ya Yesu Kristu,* mugala wa Daudi, mugala wa Abrahamu:
2 Abrahamu aburha Isaka,Isaka aburha Yakobo,Yakobo aburha Yuda na bene-babo.
3 Yuda aburha Perezi na Zera ku Tamari,Perezi aburha Hezroni,Hezroni aburha Ramu,
4 Ramu aburha Aminadabu,Aminadabu aburha Nashoni,Nashoni aburha Salmoni,
5 Salmoni aburha Bowazi ku Rahabu.
Bowazi aburha Obedi ku Rutu,Obedi aburha Yese,
6 Yese aburha mwami Daudi.
Daudi aburha Sulemani ku muka Uriya,
7 Sulemani aburha Rehobowamu,Rehobowamu aburha Abiya,Abiya aburha Asa,
8 Asa aburha Yozafati,Yozafati aburha Yehoramu,Yehoramu aburha Uziya,
9 Uziya aburha Yotamu,Yotamu aburha Ahazi,Ahazi aburha Hezekiya,
10 Hezekiya aburha Manase,Manase aburha Amoni,Amoni aburha Yosiya,
11 Yosiya aburha Yekoniya na bene-babo amango m’okuhekwa lubungo e Babiloni.
12 Enyuma y’okuhekwa buhungiro e Babiloni, Yekoniya aburha Sheyaltiyeli,Sheyaltiyeli aburha Zerubabeli,
13 Zerubabeli aburha Abiyudi,Abiyudi aburha Eliyakimu,Eliyakimu aburha Azori,
14 Azori aburha Sadoki,Sadoki aburha Akimu,Akimu aburha Eliyudi
15 Eliyudi aburha Eliyazari,Eliyazari aburha Matani,Matani aburha Yakobo,
16 Yakobo aburha Yusufu eba wa Mariya waburhaga Yesu onayirikwa Kristu.
17 Bobola ebizazi byoshi kurhonderera ku Abrahamu kugera ku Daudi byaliri 14; kurhonderera ku Daudi kugera amango m’okuhekwa lubungo e Babiloni, bizazi 14; kurhonderera amango m’okuhekwa lubungo kugera ku Yesu Kristu, bizazi 14.
18 Intya ku Yesu aburhwaga: Yusufu aliri ashambaza* Mariya nyina wa Yesu. Oku barhanaza kushabana, Mariya ava aheka obukule kugerera eroho lichesibwa.
19 Aliko bulala eba Yusufu aliri munyakunali arhanalilonzeze kumukoza eshoni embere z’abantu,* alonza balekane naye omu bwibisho.
20 Aliko enyuma y’okubiwazako bwenene, malayika wa Yehova amurhengerera omu bilorho, amubwira ntya: “Yusufu mugala wa Daudi, orhayubahaga kurhola mukawe Mariya n’okumuheka eka, bulala obukule ahekere abupatire kugerera eroho lichesibwa.
21 Aburha omwana w’oburhabana, wanamuyirika Yesu bulala ayokola abantu bage kurhenga omu byaha byabo.”
22 Ebyola byoshi byarhengereraga yi biyeneza ebi Yehova abaga aderhere kugerera omulebi wage waderhaga ntya:
23 “Tala, omubikira nj’aba bukule, anaburha omwana w’oburhabana, banamuha ezino lya Emanuweli, k’okuderha Mungu ali haguma nerhu.”
24 Yusufu ava azuka n’okujira nk’oku malayika wa Yehova amubwirire, arhola Mariya n’okumuheka emwage.
25 Aliko arhajiraga naye echijiro ch’obuhya kugera amango Mariya aburhaga omwana w’oburhabana, na Yusufu amuyirika Yesu.
