Ba Pamela batile: “Ilyo baleng’undapa, naleba sana no mwenso, lelo nga napepa kuli Yehova naleshipikisha kabili umwenso walecepako. Ncili ndomfwa ubukali, lelo ipepo lilangafwa ukukanaumfwa sana ububi. Abantu nga banjipusha ifyo ndeumfwa, mbeba ukuti, ‘nshileumfwa bwino, lelo ndi ne nsansa.’”

Kwena tatulingile ukulalolela ukuti ifyabipa fikatucitikile e lyo tukatendeke ukupepa. Bonse fye tulakwata amafya, ayakalamba na yanono, kabili tulakabila ukuti Lesa aletwafwa ukuyacimfya. Nomba bushe ipepo kuti lyatwafwa?

Baibolo itila: “Poosa icisendo cobe pali Yehova, na o akakukosha. Takaleke uwalungama ukutelententa.” (Amalumbo 55:22) Aya amashiwi yalatukoselesha icine cine. Nomba bushe ipepo kuti lyamwafwa shani? Nga mwapepa kuli Lesa mu nshila iyo afwaya ukuti mulepepelamo, akamupeela ifyo mulekabila pa kuti mucimfye amafya mukwete.—Belengeni akabokoshi akaleti “ Ifyo Ipepo Lingamwafwa.”