Lesa alomfwa amapepo. Baibolo itila: “Yehova aba mupepi na bonse abalilila kuli ena, kuli bonse abalilila kuli ena mu cishinka. . . . Akomfwa ne nkuuta yabo, kabili akabapususha.”—Amalumbo 145:18, 19.

Lesa afwaya mulepepa kuli ena. Baibolo itila: “Muli fyonse lekeni ifyo mulelomba fishibikwe kuli Lesa mu kupepa no kupapaata pamo no kutootela.”—Abena Filipi 4:6.

Lesa alimubikako amano. Lesa alishiba amafya tukwata ne fitusakamika kabili alafwaisha ukutwafwa. Baibolo itila: “Mulepoosa amasakamika yenu yonse pali ena, pantu asakamana imwe.”—1 Petro 5:7.