Amalango 33:1-29
33 Nomba ili e paalo+ ilyo Mose umuntu wa kwa Lesa+ wa cine apaalile abana ba kwa Israele ilyo ashilafwa.
2 Kabili atile:“Yehova afumine ku Sinai,+Kabili mu Seiri e mo abyashishe pali bena.+Mu calo ca mpili ica Parani e mo abalike,+Kabili ali pamo na ba mushilo abali iminshipendwa,+Ku kwa ku kulyo kwakwe kwali abashilika babo.+
3 Atemenwe abantu bakwe icine cine;+Aba mushilo babo bonse baba mu minwe yenu.+Na bo baikele ku makasa yenu;+Bapokelele ifyebo fyenu fimo.+
4 (Mose atupeele amafunde,+Aya lukuta lwa kwa Yakobo.)+
5 Kabili aishileba imfumu mu Yeshuruni,+Ilyo intungulushi sha bantu shalongene,+Imikowa yonse iya bena Israele.+
6 Lekeni Rubene abe no mweo, no kuloba iyo,+Kabili mwileka bacepe abaume bakwe.”+
7 Kabili ili e paalo+ asoseele Yuda, ilyo atile:“Mwe Yehova, umfweni ishiwi lya kwa Yuda,+Kabili muleteni ku bantu bakwe.Amaboko yakwe yalwila icakwe;Na imwe beni uwa kumwafwa ku balwani bakwe.”+
8 Na kuli Lebi atile:+“Tumimu obe na Urimu+ obe fya muntu uwaba ne cishinka kuli iwe,+Uo waeseshe pa Masa.+Walwile na bo pa menshi ya Meriba,+
9 Abantu abasosele pali bashibo na pali banyinabo ati, ‘Nshatalabamona.’Na bamunyina tababeshibe,+Kabili tabaishibe na bana babo.Pantu basungile amashiwi yenu,+Kabili balesunga ne cipangano cenu.+
10 Lekeni basambilishe Yakobo ubupingushi bwenu+Na Israele bamusambilishe amafunde yenu.+Lekeni bafutumune ifyanunkila fifike mu myona yenu+Batuule no mutuulo uutuntulu pa ciipailo cenu.+
11 Mwe Yehova, paaleni amaka yabo,+Kabili sekeleleni mu milimo yabo.+Cenauleni imisana ya babemina,+Na babapata icine cine, pa kuti bekema.”+
12 Kuli Benjamini atile:+“Lekeni uo Yehova atemwa+ ekale nankwe umutelelwe,+Ilyo alemucingilila akasuba konse,+Kabili ekale pa kati ka mabeya yakwe.”+
13 Kabili kuli Yosefe atile:+“Yehova alepaala lyonse icalo cakwe +Ku fisuma ifya mu muulu, ku mume,+Na ku menshi ayengi ayaba mwi samba,+
14 Na ku fisuma, ifya cibwesha ca mu kasuba,+Na ku fisuma, ifya cibwesha ca mu myeshi,+
15 Na ku fisuma ifya mu mpili sha ku kabanga,+Na ku fisuma ifya mu tupili twa muyayaya,
16 Na ku fisuma ifya pe sonde na kuli fyonse ifyabapo,+Lekeni Uwali mu cimpusa asuminishe.+Lekeni fiise pa mutwe wa kwa Yosefe+Na pa cilongwe ca ku mutwe wa wapaatwilwe kuli bamunyina.+
17 Ubucindami bwakwe bwaba nge beli lya ng’ombe,+Kabili insengo shakwe ni nsengo sha mboo.+Kuli isho e ko akatamfisha abantu na bantu+Bonse pamo ku mpela she sonde,Kabili e minshipendwa ya kwa Efraimu,+Kabili e makana ya kwa Manase.”
18 Na kuli Sebuluni atile:+“Sekelela, we Sebuluni, mu kufuma kobe,+Nobe, we Isakari, sekelela mu matenti yobe.+
19 Abantu na bantu bakaya ku lupili.E ko bakatuulila amalambo ya bulungami.+Pantu bakoonka ifyuma ifingi nga nshi ifya muli babemba+Ne fyuma ifyashiikwa ifya mu mucanga.”
20 Na kuli Gadi atile:+“Abe uwapaalwa uulekusha imipaka ya kwa Gadi.+Akekala nge nkalamo,+Kabili akalepaula ukuboko no mutwe wine.+
21 Kabili akabuulapo ica ntanshi,+Pantu e kwasungwa icipande ca kwa kapeela wa fipope.+Kabili intungulushi sha bantu shikalongana pamo.Akalacita ifyo Yehova alanda ukuti e fyalungamaKabili akalakonka ubupingushi bwakwe kuli Israele.”
22 Na kuli Dani atile:+
“Dani mwana wa nkalamo.+Akaciluka ukufuma mu Bashani.”+
23 Na kuli Naftali atile:+“Naftali nabamutemwa nga nshi kuli YehovaKabili namupaala nga nshi.Ikala ku masamba na ku kapinda ka ku kulyo.”+
24 Na kuli Ashere atile:+“Ashere abe uwapaalwa na bana abengi.+Lekeni bamunyina bamutemwe,+Akalanyanta ulukasa lwakwe mu mafuta.+
25 Icela no mukuba e fya kupindililako impongolo shobe,+Kabili inshiku shobe shonse ukalaenda fye umutende.
26 Takwaba uwaba nga Lesa+ wa cine uwa kwa Yeshuruni,+Uupita mu muulu pa kwisa mu kukwafwa+Kabili uwendela pa makumbi mu bucindami bwakwe.+
27 Umwa kufisama mobe ni muli Lesa wa kale,+Na mwi samba lyobe muli amaboko ya muyayaya.+Kabili akatamfya umulwani obe ku cinso cobe,+No kutila, ‘Balofye!’+
28 Kabili Israele akekala umutelelwe,+
Akamfukumfuku ka kwa Yakobo kakaba keka,+Mu calo ca ngano no mwangashi.+Cine cine, imyulu yakwe ikaleka umume ukutona.+
29 Walipaalwa, we Israele!+Nani uwaba nga iwe,+Uluko lwa bantu uluipakisha ipusukilo muli Yehova,+Inkwela ya ku kwafwa,+Kabili ulupanga lwa bucindami bobe?+E ico abalwani bobe bakakunkula ku cinso cobe,+Na iwe ukanyanta pa fifulo fyabo ifya kupepelapo.”+
