Amalango 33:1-29
33 Nomba ili e paalo ilyo Mose umuntu wa kwa Lesa wa cine apaalile abena Israele ilyo ashilafwa.+
2 Atile:
“Yehova afumine+ ku Sinai,Kabili abyashishe pali bena mu Seiri.
Amoneke mu bukata bwakwe mu calo ca mpili ica Parani,+Kabili ali pamo ne minshipendwa+ ya ba mushilo,Ku kwa ku kulyo kwakwe kwali abashilika bakwe.+
3 Alitemenwe abantu bakwe;+Abantu babo bonse aba mushilo baba mu minwe yenu.+
Baleikala pa makasa yenu;+Batendeka ukukutika ifyo mulebeba.+
4 (Mose atupeele amafunde,+Aya lukuta lwa kwa Yakobo.)+
5 Kabili Lesa aishileba imfumu mu Yeshuruni,*+Ilyo intungulushi sha bantu shalongene,+Pamo ne mikowa yonse iya bena Israele.+
6 Lekeni Rubene abe no mweo kabili eloba,+Kabili mwileka abaume bakwe bacepe.”+
7 E lyo apaalile Yuda+ ati:
“Mwe Yehova, umfweni ishiwi lya kwa Yuda,+Kabili mubwesesheni ku bantu bakwe.
Nacingilila ifintu fyakwe ku maka yakwe,Kabili mwafweni ilyo alelwa na balwani bakwe.”+
8 Lebi amwebele ati:+
“Tumimu yobe* na Urimu+ yobe fya muntu uwaba ne cishinka kuli iwe,+Uo waeseshe pa Masa.+
Watendeke ukulwa nankwe pa menshi ya Meriba,+
9 Abantu abaebele bashibo na banyinabo abati, ‘Nshabacindamika.’
Nangu fye ni bamunyinabo tababeshibe,+Kabili tabaishibe na bana abo baifyalile.
Pantu basungile amashiwi yenu,Kabili basungile icipangano cenu.+
10 Lekeni basambilishe Yakobo ubupingushi+ bwenuKabili basambilishe Israele Amafunde+ yenu.
Lekeni boce ububani pa kuti bumuletele akacena akasuma*+Batuule no mutuulo uutuntulu pa ciipailo+ cenu.
11 Mwe Yehova, bapeeleni amaka,Kabili sekeleleni mu milimo yabo.
Shonauleni amolu ya bantu ababemina,Pa kuti ababapata bekatala ababeminapo.”
12 Benjamini amwebele ati:+
“Lekeni uo Yehova atemwa ekale nankwe umutende;Ilyo alemucingilila akasuba konse,Akekala pa kati ka mabeya yakwe.”
13 Yosefe amwebele ati:+
“Yehova+ engalapaala icalo cakweMuleba ifisuma ifya mu muulu,Umume na menshi ayengi aya mu tumfukumfuku,+
14 Ifisuma ififuma ku kasubaNe fisabo ifingi cila mweshi,+
15 Ifyawamisha ifya mu mpili+ sha kale,*Ne fisuma ifya mu tupili twa muyayaya,
16 Ifisuma ifya pe sonde ne fyabapo,+Lekeni Uwali mu cimpusa ca myunga+ asuminishe.
Lekeni fiise pa mutwe wa kwa Yosefe,Pa cilongwe* ca ku mutwe wa muntu basalile pali bamunyina.+
17 Ubucindami bwakwe bwaba ngo bwe beli lya ng’ombe iilume,Kabili insengo shakwe shaba nge nsengo sha mboo.
Esho akatamfishako* abantu abengiBonse pamo ku mpela she sonde.
E minshipendwa ya kwa Efraimu,+Kabili e makana ya kwa Manase.”
18 Sebuluni amwebele ati:+
“Sekelela, we Sebuluni, mu makwebo* yobe,Na iwe Isakari, sekelela mu matenti yobe.+
19 Baketa abantu abengi ku lupili.
E ko bakatuulila amalambo ya bulungami.
Pantu bakakwata* ifyuma ifingi nga nshi ifya muli babembaNe fyuma ifyashiikama mu mucanga.”
20 Gadi amwebele ati:+
“Abe uwapaalwa uulekusha imipaka ya kwa Gadi.+
Ekala kulya nge nkalamo,Naipekanya ukulepaula ukuboko ne cilongwe ca ku mutwe.
21 Akasalapo icipande ca kubalilapo,+Pantu e kwasungilwa+ icipande ca kwa kapeela wa mafunde.
Intungulushi sha bantu shikalongana pamo.
Akalacita ifyo Yehova alanda ukuti e fyalungama,Kabili akalakonka ubupingushi bwakwe pamo na Israele.”
22 Dani amwebele ati:+
“Dani mwana wa nkalamo.+
Akaciluka ukufuma mu Bashani.”+
23 Naftali amwebele ati:+
“Yehova namutemwa nga nshiKabili namupaala nga nshi.
Ikala ku masamba na ku kapinda ka ku kulyo.”
24 Ashere amwebele ati:+
“Lesa alipaala Ashere na bana abengi.
Lekeni bamunyina bamutemwe,Kabili nalenyanta* amakasa yakwe mu mafuta.
25 Icela no mukuba e fya kupindililako impongolo shobe,+Kabili ukekala umutende inshiku shonse.*
26 Takwaba uwaba nga Lesa wa cine+ uwa kwa Yeshuruni,+Uupita mu muulu pa kwisa mu kukwafwaKabili uwendela pa makumbi mu bucindami bwakwe.+
27 Lesa e cubo ukutula fye na kale,+Amaboko yakwe aya muyayaya yaba mwi samba lyobe.+
Kabili akakutamfishako abalwani,+Kabili akatila, ‘Balofye!’+
28 Israele akekala umutende,Kabili akamfukumfuku ka kwa Yakobo kakacingililwaMu calo ca ngano no mwangashi,+Imyulu ya ciko ikalatonya umume.+
29 Walipaalwa, we Israele!+
Nani uwaba nga iwe,+Abantu abo Yehova apususha,+Inkwela yobe iya kukucingilila,+Kabili ulupanga lobe ulwa bukata?
Abalwani bobe bakalakukunkwila,+Kabili ukalabanyantaula pa numa.”*
Amafutunoti
^ Ilyalola mu kuti “Uwalungama,” e lumbo bapeele abena Israele.
^ Ishiwi lya kuti “yobe” muli ici icikomo lipilibula Lesa.
^ Mu ciHebere, “mu mona wenu.”
^ Nelyo kuti yapilibula no kuti, “impili sha ku kabanga.”
^ Nelyo “icisote ca bufumu.”
^ Nelyo “ukucenenako.”
^ Mu ciHebere, “mu kufuma kobe.”
^ Mu ciHebere, “bakoonka.”
^ Nelyo “alesamba.”
^ Mu ciHebere, “Kabili amaka yobe yakaba nge nshiku shobe.”
^ Nelyo kuti yapilibula no kuti, “pa fifulo fya pa muulu.”
