1 Imilandu 15:1-29
15 Kabili alitwalilile ukuikuulila amayanda+ yakwe mu Musumba wa kwa Davidi; kabili alepekanya ne cifulo+ apa kwikala icipao ca kwa Lesa wa cine no kucipangila itenti.
2 E lyo Davidi atile: “Takuli uufwile ukusenda icipao ca kwa Lesa wa cine kano abena Lebi, pantu e bo Yehova asala ukulasenda icipao ca kwa Yehova+ no kulamubombela+ umuyayaya.”
3 E lyo Davidi alonganike abena Israele bonse mu Yerusalemu+ pa kuti kube ukutwala icipao+ ca kwa Yehova ku cifulo ca ciko ico acipekanishishe.
4 Kabili Davidi alonganike abana ba kwa Aarone+ na bena Lebi;
5 mu bana ba kwa Kohati, Uriele+ intungulushi na bamunyina, bali umwanda umo na makumi yabili (120);
6 mu bana ba kwa Merari,+ ni Asaya+ intungulushi na bamunyina, imyanda ibili na makumi yabili (220);
7 mu bana ba kwa Gershomu,+ Yoele+ intungulushi na bamunyina, umwanda umo na makumi yatatu (130);
8 mu bana ba kwa Elisafani,+ Shemaya+ intungulushi na bamunyina, imyanda ibili (200);
9 mu bana ba kwa Hebrone, Eliele intungulushi na bamunyina, amakumi cinekonsekonse (80);
10 mu bana ba kwa Usiele,+ Aminadabu intungulushi na bamunyina, umwanda umo ne kumi na babili (112).
11 Kabili, Davidi aitile bashimapepo, Sadoke+ na Abiatari,+ na bena Lebi, Uriele,+ Asaya+ na Yoele,+ Shemaya+ na Eliele+ na Aminadabu,
12 kabili abebele ati: “Imwe muli bakalamba+ ba mikowa ya bena Lebi. Isangululeni,+ imwe na bamunyinenwe, kabili mulete icipao ca kwa Yehova Lesa wa kwa Israele ku cifulo ico ncipekanishishe.
13 Pa mulandu wa kuti tamwacitile+ ifi pa kubala, Yehova Lesa wesu alitukalipile,+ pantu tatwamufwaile ukulingana no lutambi.”+
14 E ico bashimapepo na bena Lebi bali-isangulwile+ pa kuti balete icipao ca kwa Yehova Lesa wa kwa Israele.
15 Kabili abana ba bena Lebi basendele+ icipao ca kwa Lesa wa cine pa mabeya yabo ku mitembo, nge fyo Mose alandile ukulingana na mashiwi ya kwa Yehova.+
16 Davidi nomba aebele intungulushi sha bena Lebi ukusala bamunyinabo aba kwimba+ ne filimba fya nyimbo,+ ifilimba fya nsale+ na bansango+ na malimba,+ baleimbisha pa kulenga ukusekelela ukumfwika sana.
17 Awe abena Lebi basalile Hemani+ mwana Yoele, kabili pali bamunyina, basalilepo Asafi+ mwana Berekia; kabili mu bana ba kwa Merari, bamunyinabo, Etani+ mwana Kushaya;
18 kabili pamo na bo bamunyinabo aba mwi bumba lya bubili,+ Sekaria,+ Beni na Yaasiele na Shemiramote na Yehiele na Uni, Eliabu na Benaya na Maaseya na Matitia na Elifelehu na Mikneya, na Obedi-edomu+ na Yeiele abalelinda impongolo,
19 kabili abaleimba ni Hemani,+ Asafi+ na Etani, abakwete amalimba ya mukuba ayo balelisha nga nshi;+
20 kabili Sekaria na Asiele+ na Shemiramote na Yehiele na Uni na Eliabu na Maaseya na Benaya bena bakwete ifilimba fya nsale ifya pali Alamote,+
21 kabili Matitia+ na Elifelehu na Mikneya na Obedi-edomu na Yeiele na Asasia bakwete bansango+ aba pali Sheminiti,+ e bali ing’omba nkalamba;
22 kabili Kenania+ uwaleangalila abena Lebi mu kusenda icipao, e walesambilisha ifya kusenda icipao, pantu ali uwacenjela;+
23 na Berekia na Elkana abalelinda+ Icipao;
24 na Shebania na Yoshafati na Netanele na Amasai na Sekaria na Benaya na Eliesere bashimapepo balelisha nga nshi amapenga+ ku ntanshi ya cipao ca kwa Lesa wa cine, kabili Obedi-edomu na Yehia e balelinda Icipao.
25 Kabili Davidi+ na bakalamba ba mu Israele+ ne ntungulushi+ sha bantu amakana e bale-enda ku mbali ya cipao ca cipangano ica kwa Yehova ilyo balecisenda ukufuma ku ng’anda ya kwa Obedi-edomu+ ninshi balesekelela.+
26 Nomba ilyo Lesa wa cine ayafwile+ abena Lebi abasendele icipao ca cipangano ica kwa Yehova, batuulile ilambo lya ng’ombe cinelubali (7) na basukusuku cinelubali.+
27 Kabili Davidi afwele ica kufwala cabula amaboko icapangwa ne nsalu iisuma, na bena Lebi bonse abasendele Icipao na baleimba na Kenania+ uwaleangalila bakemba+ abalebomba umulimo wa kusenda ifipe; kabili Davidi afwele efode+ wapangilwa ku nsalu ya kolokondwe.
28 Kabili abena Israele bonse baletwala icipao ca cipangano ica kwa Yehova ninshi baleaula+ no kulisha intandala+ na mapenga+ na malimba,+ balelisha nga nshi pa filimba fya nsale na pali bansango.+
29 Nomba ilyo icipao ca cipangano+ ica kwa Yehova cafikile ku Musumba wa kwa Davidi, Mikali,+ umwana mwanakashi wa kwa Shauli, alengeele pe windo no kumona Imfumu Davidi iletolauka no kusefya;+ ali-isuulile+ mu mutima wakwe.
