Tinikeni pa kuti muye ku filimo

Tinikeni pa kuti mumone imitwe iilimo

Inte sha kwa Yehova

Saleni ululimi Cibemba

1 Imilandu 21:1-30

21  Kabili Satana aimiine abena Israele no kutunka+ Davidi ukuti apende abena Israele.  E ico Davidi aebele Yoabu+ ne ntungulushi sha bantu ati: “Kabiyeni, kapendeni+ abena Israele, mufume ku Beere-sheba+ mufike na ku Dani+ no kundetela impendwa pa kuti njishibe impendwa yabo.”+  Lelo Yoabu atile: “Yehova nafushe abantu bakwe imiku umwanda ukucila ifyo bali ino nshita.+ Mwe shikulu imfumu, bushe abantu bonse te babomfi benu mwe shikulu? Cinshi shikulu alefwaila ukucita ici cintu?+ Cinshi alelengela Israele ukuba no mulandu?”  Lelo amashiwi ya mfumu+ yasukile yanasha Yoabu, kabili Yoabu na o aliile+ no kupita muli Israele onse, e lyo pa numa abweleele ku Yerusalemu.+  E lyo Yoabu apeele Davidi impendwa ya bantu abalembelwe; kabili mu Israele yonse mwali abaume abengaya ku bulwi+ milioni umo na makana umwanda umo (1,100,000), kabili muli Yuda mwali abaume ba bulwi amakana imyanda ine na makana amakumi cinelubali (470,000).  Lelo Yoabu tapendeeleko+ abena Lebi+ na bena Benjamini, pantu tatemenwe amashiwi imfumu yalandile.  Nomba ici cintu calibipile mu menso ya kwa Lesa+ wa cine, na o akandile abena Israele.  E lyo Davidi asosele kuli Lesa wa cine ati: “Nimembuka+ nga nshi pa co ncitile. E ico nomba, mbeleleniko uluse+ ne mubomfi wenu pa membu shandi; pantu nincita ica bupumbu.”+  Kabili Yehova asosele kuli Gadi,+ uwalemwenako Davidi ifimonwa,+ ati: 10  “Kabiye, kasose kuli Davidi, auti, ‘Yehova atila: “Pali ifintu fitatu ifyo ndeleta pali iwe.+ Usalepo cimo, ico cine e co ndekucita.”’”+ 11  Awe Gadi aile kuli Davidi+ no kumweba ati: “E fyo Yehova asosa, ‘Salapo, 12  nampo nga kukabe icipowe+ imyaka itatu, nelyo imyeshi itatu iya kucimfiwa ku balwani+ bobe no lupanga lwa balwani bobe ukukusanga, nelyo inshiku shitatu kukabe ulupanga lwa kwa Yehova,+ icikuko+ mu calo, na malaika wa kwa Yehova ukuleta ubonaushi+ mu calo conse ica kwa Israele.’ E ico tontonkanyapo bwino no kunjeba ico ndi no kuyaeba uuntumine.” 13  E ico Davidi atile kuli Gadi: “Ici cintu cansakamika nga nshi. Leka ngwile mu minwe ya kwa Yehova,+ pantu alifulisha uluse;+ lelo niwila mu minwe ya bantu.”+ 14  Awe Yehova aletele icikuko+ mu Israele, ica kuti mu Israele mwafwile abantu amakana amakumi cinelubali (70,000).+ 15  Kabili, Lesa wa cine atumine malaika ku Yerusalemu pa kuti onaule uyu musumba;+ kabili cilya fye atendeka ukuonaula, Yehova aliumwene no kulanguluka pali ubu bubi;+ e ico aebele malaika uwaleipaya abantu ati: “Capwa!+ Nomba bwesha ukuboko kobe.” Awe malaika wa kwa Yehova aiminine mupepi na pa kupumina ingano apa kwa Ornani+ umwina Yebusi.+ 16  Ilyo Davidi ainwine amenso, amwene malaika wa kwa Yehova+ naiminina pa kati ke sonde ne myulu, ali no lupanga+ ulwasomonwa mu kuboko kwakwe lusontele ku Yerusalemu; kabili Davidi na bakalamba, ninshi nabaifimba insamu,*+ ilyo line fye bawile pa nshi ubukupeme.+ 17  Kabili Davidi asosele kuli Lesa wa cine ati: “Bushe te ine nasosele ukuti abantu bapendwe, kabili bushe te ine membwike no kucita icabipa?+ Lelo ishi impaanga+ cinshi shicitile? Mwe Yehova Lesa wandi, lekeni ukuboko kwenu kube pali ine na pa ng’anda ya kwa tata; lelo mwikanda abantu benu.”+ 18  E lyo malaika wa kwa Yehova, asosele kuli Gadi+ ukuti ebe Davidi ukuti ayekuulila Yehova iciipailo apa kupumina ingano apa kwa Ornani umwina Yebusi.+ 19  Awe Davidi alile ukulingana na mashiwi ya kwa Gadi ayo asoseele mwi shina lya kwa Yehova.+ 20  Nomba, Ornani+ alipilibwike no kumona malaika; kabili abana bakwe bane abo ali na bo balibeleme. Nomba Ornani alepuula ingano. 21  E ico Davidi aile kuli Ornani. Ilyo Ornani aloleshe no kumona Davidi,+ afumine apa kupumina ingano no kutoota kuli Davidi, ashiba ne cinso cakwe pa nshi. 22  E lyo Davidi atile kuli Ornani: “Mpeela icifulo apaba apa kupumina ingano, pa kuti nkuulilepo Yehova iciipailo. Ndekupeela indalama+ shonse na iwe umpeele apa kupumina ingano,+ pa kuti icikuko+ cifume pa bantu.” 23  Awe Ornani atile kuli Davidi: “Buuleni cibe cenu,+ kabili shikulu imfumu acite ico alefwaya. Moneni, ndemupeela ing’ombe+ isha kutuula amalambo ya koca ne fi fine ifimuti fya kupuulilako+ ukuba inkuni+ ne ngano sha kutuula umutuulo. Fyonse namupeela.”+ 24  Lelo, Imfumu Davidi yatile kuli Ornani: “Iyo, lelo ukushita ndeshita ne ndalama,+ pantu nshasende ifintu fyobe kuli Yehova ku kutuula amalambo ya koca ukwabula ukupoosapo icili conse.” 25  E ico Davidi apeele Ornani amashekele ya golde aya kushita cilya cifulo ayafinine imyanda mutanda (600).+ 26  Awe Davidi akuuliile Yehova iciipailo+ palya pene no kutuula amalambo ya koca na malambo ya mutende, kabili aliliile kuli Yehova,+ kabili na o pa kumwasuka aponeshe umulilo+ ukufuma mu muulu waoca ne lambo lya koca ilyali pa cipailo. 27  E lyo Yehova alandile amashiwi kuli malaika,+ na o abweseeshe ulupanga lwakwe mu cikwama ca luko. 28  Ilya ine nshita, ilyo Davidi amwene ukuti Yehova amwasukila apa kupumina ingano apa kwa Ornani umwina Yebusi, alitwalilile ukutuula amalambo palya pene.+ 29  Lelo ilya nshita, icikuulwa ca mushilo ica kwa Yehova ico Mose apangile mu matololo ne ciipailo ca kutuulilapo amalambo ya koca fyali pa ncende balepepela mu Gibeone.+ 30  Kabili Davidi taile pa ntanshi ya ciko ku kwipusha kuli Lesa, pantu aletiina+ pa mulandu wa lupanga lwa kwa malaika wa kwa Yehova.

Amafutunoti

Abantu balefwala “insamu” nga baleloosha nelyo nga bali no bulanda.