LIKE SUANLƐ 28
?Wafa sɛ a kwla kle kɛ a si like nga Zoova nin Zezi be yoli’n i su ye-ɔ?
?Kɛ ɔ janvuɛ kun cɛ wɔ like’n wafa sɛ yɛ i sɔ’n yo wɔ-ɔ? Kɛ ɔ yo sɔ’n ɔ klun jɔ kpa, kpɛkun a kunndɛ kɛ á klé ɔ janvuɛ sɔ’n kɛ a si ye. Zoova nin Zezi be cɛli e like cinnjin kpa kun m’ɔ leman wunsu-ɔ. ?Ngue yɛle like sɔ’n? ?Yɛ wafa sɛ yɛ e kwla kle kɛ e si like sɔ mɔ be fa mannin e’n i su ye-ɔ?
1. ?Ngue yɛ e kwla yo naan y’a kle kɛ e si like nga Ɲanmiɛn nin Zezi be yo mannin e’n i su ye-ɔ?
Biblu’n se e kɛ ‘sran kwlaa ng’ɔ lafi Zezi su’n,’ ɔ́ ɲán nguan m’ɔ leman awieliɛ’n. (Zan 3:16) ?Wafa sɛ yɛ e kwla kle kɛ e lafi Zezi su-ɔ? Yɛle kɛ maan e yi i sɔ liɛ’n i nglo ninnge nga e yo be’n be nun. (Zaki 2:17) Kɛ e yo sɔ’n e nin Zezi e afiɛn mantan, kpɛkun e nin i Si Zoova e afiɛn mantan wie.—Kanngan Zan 14:21 nun.
2. ?Blɛ benin nun yɛ e kwla kle kɛ e si like nga Zoova nin Zezi be yo mannin e’n i su ye kpa-ɔ?
Kɔnguɛ kasiɛn nga Zezi dili i asiɛ’n su wa’n, ɔ kleli i sɔnnzɔnfuɛ mun like kun ekun mɔ be kwla yo naan b’a kle kɛ be si tɛ m’ɔ fɛli i wun yili’n i su ye’n. Cɛn sɔ’n nun’n ɔ kpɛli aɲia kun ba. Biblu’n flɛli i kɛ “e Min’n i Nnɔsua nun Aliɛ’n,” be flɛ i ekun kɛ e Wla Kpɛnlɛ aɲia’n. (1 Korɛntifuɛ Mun 11:20) Zezi yoli sɔ naan i akoto mun, ɔ nin Klisifuɛ kpa’m be kwlaa be wla kpɛn su kɛ ɔ fɛli i nguan’n kpɔli e ti. Kɛ Zezi nin i sɔnnzɔnfuɛ’m bé yó aɲia sɔ’n, ɔ seli be kɛ: “An yo i kɛ nga sa titi naan amun wla kpɛn min su.” (Liki 22:19) Kɛ e tran aɲia sɔ’n i bo’n e kle kɛ e si klolɛ mɔ Zoova nin Zezi be kloli e’n i su ye.
SI NDƐ’N NUN KPA EKUN
Maan e nian ninnge wie mɔ a kwla yo fa kle kɛ a si klolɛ dan mɔ Zoova nin Zezi be kloli e’n i su ye’n. Asa’n é wá kán sa nga ti yɛ e Wla Kpɛnlɛ aɲia’n ti cinnjin’n i ndɛ.
3. ?Ngue yɛ e kwla yo e kle kɛ e si ye-ɔ?
Maan e se kɛ w’a wɔ nzue wuɛlɛ, kpɛkun a su mlɔn. Kpɛkun sran kun wa de wɔ. Nanwlɛ, ɔ wla su fiman delɛ mɔ sran sɔ’n deli wɔ’n su. I kpa bɔbɔ’n, á yó like kwlaa nga a kwla yo naan w’a kle sran sɔ’n kɛ a si i ye’n.
Zoova deli e. An kanngan 1 Zan 4:8-10 nun, i sin’n an koko kosan yɛ’m be su yalɛ:
-
?Ngue ti yɛ e kwla se kɛ tɛ mɔ Zezi fɛli i wun yili’n ɔ ti like cinnjin kun mɔ be fa cɛli e-ɔ?
-
?Kɛ a bu like nga Zoova nin Zezi be yo mannin e’n i akunndan’n, wafa sɛ yɛ i sɔ’n yo wɔ-ɔ?
?Wafa sɛ yɛ e kwla kle kɛ e si like nga Zoova nin Zezi be yo mannin e’n i su ye-ɔ? An kanngan 2 Korɛntifuɛ Mun 5:15 nin 1 Zan 4:11; 5:3 nun. Kɛ amun ko wie Biblu’n nun ndɛ mma kun nun kanngan’n an koko kosan yɛ’n i su yalɛ:
-
?Kɛ nga ndɛ mma sɔ’m be fa kan’n sa’n ngue yɛ e kwla yo e kle kɛ e si ye-ɔ?
4. Maan e nian Zezi i ajalɛ’n su
Like uflɛ ekun mɔ e kwla yo fa kle kɛ e si ye’n, yɛle kɛ maan e nian Zezi i ajalɛ’n su. An kanngan 1 Piɛli 2:21 nun, i sin’n an koko kosan yɛ’n i su yalɛ:
-
?Wafa sɛ yɛ e kwla nian like nga Zezi yoli’n su seiin e nanti-ɔ?
Zezi kloli Ɲanmiɛn Ndɛ’n, ɔ boli jasin fɛ’n, yɛ ɔ ukɛli i wiengu mun.
5. Maan e tran e Wla Kpɛnlɛ aɲia’n i bo
Kpɛ klikli nga be kpɛli e Min’n i Nnɔsua nun Aliɛ’n i ba’n, sɛ ɔ waan á sí sa ng’ɔ juli’n, an kanngan Liki 22:14, 19, 20 nun, i sin’n an koko kosan yɛ’m be su yalɛ:
-
?E Min’n i Nnɔsua nun Aliɛ’n i aɲia’n i bo’n ngue yɛ be yoli-ɔ?
-
?Ngue yɛ kpanwun nin duvɛn’n be ti i nzɔliɛ-ɔ? —Nian ndɛ mma 19 nin 20 nun.
Zezi kunndɛ kɛ afuɛ nuan kwlaa nun’n kɛ i wie cɛn’n i afuɛ nuan ko yia’n, i sɔnnzɔnfuɛ’m be yo e Wla Kpɛnlɛ aɲia’n. I sɔ’n ti’n, afuɛ nuan kwlaa’n Zoova i Lalofuɛ’m be yia be yo e Wla Kpɛnlɛ aɲia’n kɛ nga Zezi bɔbɔ fa kleli’n sa. Sɛ a kunndɛ kɛ á sí aɲia sɔ’n i su ndɛ wie mun ekun’n an bo VIDEO’N. I sin’n an koko kosan yɛ’n i su yalɛ.
-
?Ngue yɛ e yo i e Wla Kpɛnlɛ aɲia’n i bo-ɔ?
Kpanwun nin duvɛn’n be ti nzɔliɛ like. Kpanwun’n ti Zezi i wunnɛn mɔ fɔ nunman nun’n i nzɔliɛ. Yɛ duvɛn’n ti i mmoja’n i nzɔliɛ.
SRAN WIE’M BE WAAN: “Kɛ a ko lafi Zezi su’n nn w’a ɲan ɔ ti.”
-
?Wafa sɛ yɛ a kwla fa Zan 3:16 nin Zaki 2:17 naan w’a kle sran’n i kɛ like uflɛ o lɛ m’ɔ fata kɛ ɔ yo-ɔ?
NDƐ’N I KPƆLƐ BOLƐ
Kɛ e lafi Zezi su mɔ e tran e Wla Kpɛnlɛ aɲia’n i bo’n, e kle kɛ e si like nga Zezi yo mannin e’n i su.
Ndɛ’n i nun flanlɛ
-
?Kɛ be se kɛ be lafi Zezi su’n i bo’n yɛle benin?
-
?Wafa sɛ yɛ a kwla kle kɛ a si like nga Zoova nin Zezi be yo mannin wɔ’n i su ye-ɔ?
-
?Ngue ti yɛ ɔ ti cinnjin kɛ a tran e Wla Kpɛnlɛ aɲia’n i bo-ɔ?
NDƐ WIE MUN EKUN
?Ngue yɛ Zezi i wie’n ti’n ɔ fata kɛ e yo-ɔ?
Like nga e kwla yo e kle kɛ e lafi Ɲanmiɛn su kpa’n.
“Maan e lafi ninnge nga Zoova seli kɛ ɔ́ yó be’n be su” (Sasafuɛ Tranwlɛ’n, afuɛ 2016, Ɔktɔblu)
Kɛ bla kun wa buli e ti kpɔlɛ tɛ’n i su akunndan kpa’n, ɔ kacili akunndan ng’ɔ bu i i bɔbɔ i wun’n.
E aɲia’n i bo’n nán sran ngba yɛ ɔ di kpanwun’n yɛ ɔ nɔn duvɛn’n niɔn.
Ninnge wie mɔ be kwla yo ɔ fɛ ekun'n
KOSAN NGA SRAN’M BE TA BE USA’N
?Ngue yɛle Biblu’n nun like mɔ Zoova i Lalofuɛ’m be nin sran’m be suan’n?
A kwla fa Biblu’n nga a klo’n naan Zoova i Lalofuɛ kun w’a kle ɔ like. Ɔ osufuɛ mun nin ɔ janvuɛ’m be kwla tran like suanlɛ’n i bo wie. Be deman sika.
