Like nga á yó naan w’a ɲan Biblu’n nun like suanlɛ’n i su ye’n.
An dun mma fa amun ɲin sie i wafa nga be siesieli fluwa’n i nun ndɛ’n su, i sin’n an bo VIDEO’N.
I BUE KLIKLI’N
Kanngan ndɛ kpɔlɛ nga be o fluwa’n i bue klikli su’n be nun. Yɛ kosan nga be kulɛɛ’n ti i liɛ ngunmin’n (A) ɔ nin ndɛ mma nga be yiyi ndɛ cinnjin’m be nun’n (B), kanngan be nun wie. Asa ekun’n, ɔ fata kɛ a kanngan ndɛ mma nga be klɛli be wun lɛ kɛ ‘kanngan nun’n’ be nun.
I BUE NƝƆN SU’N
Ndɛ klikli ng’ɔ o ndɛ akpasua nga be flɛ i kɛ Si Ndɛ’n Nun Kpa Ekun i bo lɛ’n, ɔ bo ndɛ nga bé wá yíyí nun’n su (C). Ndɛ ce’m be bo ndɛ cinnjin’m be su (D). A nin sran ng’ɔ kle wɔ Biblu’n nun like’n an kanngan Biblu’n nun ndɛ mma’m be nun, tɛ kosan’m be su, yɛ an nian video mun.
VIDEO’M be suan ndɛ nga be yiyi nun’n be bo. Sa nga be kan be ndɛ video’m be nun’n be nun wie’m be juli sakpa. Wie’m be liɛ kusu’n sa wie mɔ be kwla ju’n i ndɛ yɛ be kan-ɔn.
An fa amun ɲin sie i foto nin be bo lɛ ndɛ mun be su (E). Kosan wie o ndɛ ng’ɔ suan Sran Wieʼm be Waan i bo lɛ. Bu wafa nga a kwla tɛ su’n i akunndan (F).
I BUE KASIƐN’N
Ndɛ’n i Kpɔlɛ Bolɛ nin Ndɛ’n i nun flanlɛ be gua like suanlɛ’n i bo (G). Klɛ cɛn nga like suanlɛ’n wieli’n. Ndɛ ng’ɔ suan Like ng’ɔ fata kɛ a yo’n i bo lɛ’n, be kle ɔ like kun mɔ a kwla yo-ɔ (H). Ndɛ Wie Mun Ekun i bo lɛ’n, video nin ndɛ uflɛ wie’m be o lɛ (I).
Like ng’ɔ o fluwa’n nun’n
|
|
|
|
Wafa nga a kwla wun Biblu’n nun ndɛ mma mun’n
Biblu’n nun fluwa’m be ti fluwa kanngan 66. Be buli nun akpasua nɲɔn. I klikli’n yɛle nga be klɛli i Ebre nin Aramun nun’n (I yɛ be flɛ i “Aenguɛ laa’n” niɔn). I nɲɔn su’n yɛle nga be klɛli i Glɛki nun’n (I yɛ be flɛ i “Aenguɛ uflɛ’n” niɔn).
Like klikli nga a wun i’n yɛle Biblu’n nun fluwa’n i dunman’n (A). Nimielo ng’ɔ mantan fluwa’n i dunman’n yɛle ndɛ tre’n (B). Kpɛkun nimielo kasiɛn’n yɛle ndɛ mma’n (C).
Sɛ a wun Zan 17:3 nn Zan fluwa’n i ndɛ tre 17, i mma 3 i ndɛ yɛ be kan-ɔn.
Ninnge wie mɔ be kwla yo ɔ fɛ ekun'n
KOSAN NGA SRAN’M BE TA BE USA’N
?Ngue yɛle Biblu’n nun like mɔ Zoova i Lalofuɛ’m be nin sran’m be suan’n?
A kwla fa Biblu’n nga a klo’n naan Zoova i Lalofuɛ kun w’a kle ɔ like. Ɔ osufuɛ mun nin ɔ janvuɛ’m be kwla tran like suanlɛ’n i bo wie. Be deman sika.
