LIKE SUANLƐ 25
?Ngue yɛ Zoova kunndɛ kɛ ɔ́ yó mán e-ɔ?
Biblu’n se kɛ klɔ sran’n “i nguan’n ti tika, yɛ ɔ wun i ɲrun sa trilili.” (Zɔbu 14:1) ?Sa nga ti yɛ Ɲanmiɛn yili e’n yɛ ɔ o lɛ-ɔ? ?Ngue ti yɛ Zoova yili klɔ sran mun-ɔn? ?Ɲanmiɛn i klun sa’n ɔ́ kpɛ́n su? Maan e nian wafa nga Biblu’n tɛ kosan sɔ’m be su’n.
1. ?Kɛ Zoova yí e’n akunndan benin yɛ ɔ buli-ɔ?
Zoova kunndɛ kɛ e liɛ yo ye asiɛ’n su. I sɔ’n ti’n, kɛ ɔ yili Adan nin Ɛvu’n ɔ fali be sieli i lika klanman kpa kun nun. Lika sɔ’n yɛle Edɛnin fie’n. I sin’n “Ɲanmiɛn yrali be su, ɔ seli be kɛ: ‘Amun wu ba kpanngban, amun sɔn kpa, amun yi asiɛ’n yɛ amun sie i.’” (Bo Bolɛ 1:28) Zoova sunnzunnin kɛ be wu ba, be yo naan asiɛ’n kaci lika klanman yɛ be nian nnɛn’m be lika. Zoova yili klɔ sran mun naan be wun fa be feke naan be tran asiɛ’n su tititi.
Kannzɛ ninnge’m b’a yoman kɛ nga Ɲanmiɛn sunnzunnin’n sa’n, a sanngɛ like nga i waan ɔ́ yó mán klɔ sran mun’n w’a kaciman. (Ezai 46:10, 11) Ɔ kunndɛ kɛ sran kpa mun be tran asiɛ’n su tititi naan be di aklunjɔɛ.—Kanngan Sa Nglo Yilɛ 21:3, 4 nun.
2. ?Wafa sɛ yɛ dɔ nga su bɔbɔ’n e kwla di aklunjɔɛ?
Wafa nga Zoova yili e’n ti’n e miɛn i wun. I sɔ’n ti yɛ e kunndɛ kɛ é sí i naan e su i’n niɔn. (Kanngan Matie 5:3-6 nun.) Zoova kunndɛ kɛ e nin i e afiɛn mantan kpa, ‘e fɛ i atin’m be kwlaa be su, naan e klo i.’ Asa’n, ɔ kunndɛ kɛ e fa e “awlɛn’n kwlaa” e su i. (Mmla’n 10:12; Jue Mun 25:14) Kɛ e mian e ɲin e yo sɔ’n kannzɛ sa’m be o e su’n, sanngɛ e kwla di aklunjɔɛ. Kɛ e su Zoova mɔ e yo i klun sa’n yɛ e di aklunjɔɛ-ɔ.
SI NDƐ’N NUN KPA EKUN
É wá fá e ɲin é síe i wafa nga Zoova kleli kɛ ɔ klo e’n, i su. Kpɛkun é kán like nga i waan ɔ́ yó mán klɔ sran mun’n i ndɛ.
3. Zoova kunndɛ kɛ klɔ sran’m be liɛ yo ye
An bo VIDEO’N, i sin’n an koko kosan yɛ’n i su yalɛ.
-
?Ngue ti yɛ Ɲanmiɛn yili asiɛ’n niɔn?
An kanngan Akunndanfuɛ’n 3:11 nun, i sin’n an koko kosan yɛ’n i su yalɛ:
-
?Ngue yɛ ndɛ nga kle wɔ Zoova su-ɔ?
4. Like nga Zoova kunndɛ kɛ ɔ́ yó’n w’a kaciman
An kanngan Jue Mun 37:11, 29 nin Ezai 55:11 nun, i sin’n an koko kosan yɛ’n i su yalɛ:
-
?Wafa sɛ yɛ Biblu’n nun ndɛ mma nga’m be kle e kɛ, like nga Zoova waan ɔ́ yó mán e’n w’a kaciman-ɔn?
Sɛ sua kun saci’n be kwla siesie i ye. I wafa kunngba’n, Zoova wá síesíe asiɛ mɔ w’a saci yɛ’n i ye ɔ́ mán be nga be klo i’n.
5. Kɛ e su Zoova’n yɛ e di aklunjɔɛ-ɔ
Kɛ e si sa nga ti yɛ maan Ɲanmiɛn yili e’n, i sɔ’n yo maan e di aklunjɔɛ. An bo VIDEO’N, i sin’n an koko kosan yɛ’n i su yalɛ.
-
?Kɛ Turemin sili sa nga ti yɛ Ɲanmiɛn yili klɔ sran mun’n, i su ye benin yɛ ɔ ɲɛnnin i-ɔ?
An kanngan Akunndanfuɛ’n 12:13 nun, i sin’n an koko kosan yɛ’n i su yalɛ:
-
Zoova yoli ninnge kpanngban mannin e. ?Wafa sɛ yɛ e kusu e kwla kle kɛ e si i ye-ɔ?
SRAN KUN KWLA USA Ɔ KƐ: “?Ngue ti yɛ Ɲanmiɛn yili klɔ sran mun-ɔn?”
-
?Wafa sɛ yɛ á tɛ́ i su-ɔ?
NDƐ’N I KPƆLƐ BOLƐ
Zoova kunndɛ kɛ e di aklunjɔɛ titi asiɛ’n su. Sɛ e fa e awlɛn’n kwlaa e su i’n, dɔ nga su bɔbɔ’n e kwla di aklunjɔɛ.
Ndɛ’n i nun flanlɛ
-
?Kɛ Zoova yili Adan nin Ɛvu’n ngue yɛ ɔ sunnzunnin i be lika-ɔ?
-
?Ngue ti yɛ e kwla se kɛ like nga Ɲanmiɛn waan ɔ́ yó mán klɔ sran mun’n w’a kaciman-ɔn?
-
?Ngue yɛ é yó naan y’a di aklunjɔɛ-ɔ?
NDƐ WIE MUN EKUN
Like nga ti yɛ e kwla se kɛ laa’n, Edɛnin fie’n o lɛ sakpa’n.
“Edɛnin fie’n: ?I yɛ ɔ ti sran’m be tranwlɛ klikli’n niɔn?”(Sasafuɛ Tranwlɛ’n, afuɛ 2011, Zanvie 1)
Like nga ti yɛ e lafi su kɛ asiɛ’n ká lɛ tititi’n.
Sa nga ti yɛ e o asiɛ’n su’n, i su ndɛ nga Biblu’n kan’n.
Laa’n, bian kun bu i kɛ ɔ mianman like fi wun, sanngɛ ɔ wa wunnin i wlɛ kɛ ɔ mian Ɲanmiɛn wun.
a Like suanlɛ nga i sin liɛ’n nun’n, é wá wún like nga ti yɛ ninnge’m b’a kpɛnman su kɛ nga Zoova fa sunnzunnin’n sa’n.
Ninnge wie mɔ be kwla yo ɔ fɛ ekun'n
KOSAN NGA SRAN’M BE TA BE USA’N
?Ngue yɛle Biblu’n nun like mɔ Zoova i Lalofuɛ’m be nin sran’m be suan’n?
A kwla fa Biblu’n nga a klo’n naan Zoova i Lalofuɛ kun w’a kle ɔ like. Ɔ osufuɛ mun nin ɔ janvuɛ’m be kwla tran like suanlɛ’n i bo wie. Be deman sika.
