Wà á Jáde:

• Èyí Tó Lámì Orin

1. 1. Kílẹ̀ tó mọ́

   Ló ti dìde,

   Ó máa ń gbàdúrà fún

   Àwọn ọmọ rẹ̀

   Àtàwọn ará:

   “Bàbá, jẹ́ ká jólóòótọ́”

   Nígbà tíṣòro bá dé.

   Kò jẹ́ sọ ìrètí nù láé,

   Ó sì tún máa ń ṣoore,

   Ó sì máa ń rántí orin kan:

   (ÈGBÈ)

   ‘Mo wà pẹ̀lú rẹ.

   Má bẹ̀rù rárá.

   Wàá dalágbára.

   Màá tọ́ ẹ sọ́nà.’

   Má fòyà, má ṣojo.

   Ṣáà fọkàn ẹ balẹ̀.

   Yóò “fẹsẹ̀ rẹ múlẹ̀,

   Yóò fún ọ lágbára.”

   (ÀSOPỌ̀)

   Ó máa ń ṣiṣẹ́ kára

   Ní ojoojúmọ́

   Kó lè wá jíjẹ-mímu

   Àwọn ọ̀rẹ́ rẹ

   Tòótọ́ nífẹ̀ẹ́ rẹ̀ gan-an,

   Ọkàn rẹ̀ máa ń balẹ̀ gan-an.

2. 2. Bíi ti ẹyẹ idì

   Ló ń ṣe,

   Tó máa ń na ìyẹ́ rẹ̀.

   Táá fò sókè gan-an.

   Ọwọ́ rẹ̀ máa ń dí gan-an.

   Tó bá di pó fẹ́ rẹ̀wẹ̀sì

   Ó máa ń fọkàn gbàdúrà,

   Ó máa ń sa gbogbo ipá rẹ̀.

   Ohun kan wà tó máa ń

   Fún un lókun. Ṣe ló máa ń kọrin pé:

   (ÈGBÈ)

   ‘Mo wà pẹ̀lú rẹ.

   Má bẹ̀rù rárá.

   Wàá dalágbára.

   Màá tọ́ ẹ sọ́nà.’

   Má fòyà, má ṣojo.

   Ṣáà fọkàn ẹ balẹ̀.

   Yóò “fẹsẹ̀ rẹ múlẹ̀,

   Yóò fún ọ lágbára.”

   Yóò “fẹsẹ̀ rẹ múlẹ̀,

   Yóò fún ọ lágbára.”