Ìrántí Ikú Jésù
Monday, March 22, 2027
Lẹ́ẹ̀kan lọ́dún, àwa Ẹlẹ́rìí Jèhófà máa ń ṣe Ìrántí Ikú Jésù bó ṣe pa á láṣẹ nígbà tó sọ pé: “Ẹ máa ṣe èyí ní ìrántí mi.”—Lúùkù 22:19.
A pe ìwọ àti ìdílé ẹ pé kẹ́ ẹ wá síbẹ̀.
Ìbéèrè Táwọn Èèyàn Máa Ń Béèrè
Àwọn wo ló lè wá síbẹ̀?
Gbogbo èèyàn la pè. O lè máwọn ọ̀rẹ́ ẹ àtàwọn ará ilé ẹ wá.
Báwo ni ètò náà ṣe máa pẹ́ tó?
Ó máa tó wákàtí kan.
Ibo lẹ ti máa ṣe é?
Béèrè lọ́wọ́ àwọn Ẹlẹ́rìí Jèhófà tó wà ládùúgbò rẹ kí wọ́n lè sọ ibi tí wọ́n á ti ṣe é.
Ṣé màá san owó ìwọlé?
Rárá.
Ṣé ẹ máa gbé igbá ọrẹ?
Rárá. A kì í gbégbá ọrẹ láwọn ìpàdé wa.—Mátíù 10:8.
Ṣé ó nírú aṣọ tí mo gbọ́dọ̀ wọ̀?
Rárá. Àmọ́, àwa Ẹlẹ́rìí Jèhófà máa ń múra lọ́nà tó fi hàn pé a bọ̀wọ̀ fún ìṣẹ̀lẹ̀ tó ṣe pàtàkì yìí.
Báwo lẹ ṣe máa ń ṣe Ìrántí Ikú Jésù?
A máa gbọ́ àsọyé kan tó máa jẹ́ ká mọ ìdí pàtàkì tí Jésù fi kú àti bá a ṣe lè jàǹfààní látinú nǹkan tí Jèhófà àti Jésù ṣe fún wa. Orin àti àdúrà la máa fi bẹ̀rẹ̀ ìtòlésẹẹsẹ náà, òun náà la sì máa fi parí ẹ̀.
Kó o lè mọ̀ sí i, wo àpilẹ̀kọ tá a pe àkòrí ẹ̀ ní “Kí Nìdí Tí Ọ̀nà Tí Àwa Ẹlẹ́rìí Jèhófà Gbà Ń Ṣe Oúnjẹ Alẹ́ Olúwa Fi Yàtọ̀ sí Ti Àwọn Ẹlẹ́sìn Tó Kù?”
Ìgbà wo lẹ máa ṣe Ìrántí Ikú Jésù lọ́jọ́ iwájú?
2027: Monday, March 22
2028: Sunday, April 9
2029: Thursday, March 29
O Tún Lè Wo
ÌRÁNTÍ
Ìrántí Ikú Jésù
Inú wa dùn láti pè ọ́ pé kó o wá ká jọ ṣe ohun pàtàkì tí Jésù dá sílẹ̀ yìí. Wàá kọ́ nípa bí ìgbésí ayé Jésù àti ikú rẹ̀ ṣe lè ṣe ọ́ láǹfààní.
ÀWỌN Ẹ̀KỌ́ PÀTÀKÌ INÚ BÍBÉLÌ
Kí Nìdí Tí Jésù Fi Kú?
Bíbélì jẹ́ ká mọ̀ pé ikú Jésù ṣe pàtàkì gan-an. Ṣé àǹfààní kankan wà nínú ikú Jésù?
ÀKÓJỌ ÀPILẸ̀KỌ ÀTI FÍDÍÒ
Àǹfààní Tí Ikú Jésù Ṣe Wá
Kí ni ohun méjì tí Jésù jẹ́ ká mọ̀ pé ó ṣe pàtàkì tá a gbọ́dọ̀ ṣe ká tó lè jàǹfààní nínú ikú rẹ̀?
Nípa Àwa Ẹlẹ́rìí Jèhófà
Lọ sí ìpàdé ìjọ àwa Ẹlẹ́rìí Jèhófà
Wàá mọ ohun tá a máa ń ṣe láwọn ìpàdé wa, wàá sì mọ ibi tá a ti ń ṣèpàdé tó sún mọ́ ẹ.