Ìpàdé Ìjọ Àwa Ẹlẹ́rìí Jèhófà
Wàá mọ ohun tá a máa ń ṣe láwọn ìpàdé wa, wàá sì mọ ibi tá a ti ń ṣèpàdé tó sún mọ́ ẹ.
Kí La Máa Ń Ṣe Láwọn Ìpàdé Wa?
Àwọn Ẹlẹ́rìí Jèhófà máa ń ṣe ìpàdé ìjọsìn ní ìgbà méjì lọ́sẹ̀. (Hébérù 10:24, 25) Ní àwọn ìpàdé tó wà fún gbogbo èèyàn yìí, a máa ń ṣàyẹ̀wò àwọn ohun tí Bíbélì sọ àti bá a ṣe lè fi àwọn ẹ̀kọ́ Bíbélì sílò nígbèésí ayé wa.
Èyí tó pọ̀ jù lára àwọn ìpàdé náà ló máa ń fún àwọn tó wà níkàlẹ̀ láǹfààní láti sọ̀rọ̀, ńṣe ló máa ń dà bí ìgbà téèyàn wà ní kíláàsì. A kì í fipá mú ẹnikẹ́ni láti sọ̀rọ̀. A máa ń fi orin àti àdúrà bẹ̀rẹ̀ àwọn ìpàdé náà, a sì máa ń fi parí wọn.
Kò pọn dandan kó o jẹ́ Ẹlẹ́rìí Jèhófà kó o tó lè wá sí àwọn ìpàdé wa. Gbogbo èèyàn la pè láti wá síbẹ̀. Ọ̀fẹ́ làyè ìjókòó. A kì í sì í gba owó lọ́wọ́ àwọn èèyàn.
O Tún Lè Wo
ÌBÉÈRÈ TÁWỌN ÈÈYÀN MÁA Ń BÉÈRÈ
Báwo Ní Ẹ Ṣe Ń Ṣètò Ìjọ Àwọn Ẹlẹ́rìí Jèhófà?
Wádìí bá a ṣe ń rí ìtọ́ni àti ìtọ́sọ́nà gbà nípasẹ̀ ìṣètò yìí.
