Tito 3:1-15

  • Ikobeleng balaodi (1-3)

  • Ipaakanyetseng go dira ditiro tse di molemo ka tlhoafalo (4-8)

  • Tlogelang go ngangisana ka dilo tsa boeleele le go baka makoko (9-11)

  • Ditaelo le ditumediso (12-15)

3  Tswelela o gakolola bakaulengwe gore ba ikobele dipuso le balaodi ba bo ba ba utlwe,+ ba ikemisetse go dira tiro nngwe le nngwe e e molemo,  ba sa bue bosula ka motho ope, ba sa rate manganga, ba se tlhogoethata,+ ba le bonolo mo bathong botlhe.+  Gonne le rona re kile ra bo re se na tlhaloganyo, re sa utlwe, re fapositswe mo tseleng ya boammaaruri, re le makgoba a menate le dikeletso tse di farologaneng, re dira bosula gape re le lefufa, re ilwa e bile re tlhoane.  Le fa go ntse jalo, Mmoloki wa rona e bong Modimo+ o ne a bontsha batho gore o pelonomi le gore o a ba rata  (e se ka ntlha ya ditiro dipe tse di siameng tse re neng ra di dira,+ mme e le ka gonne a re utlwetse botlhoko).+ O ne a re boloka ka go re tlhatswa mo go neng ga dira gore re tshele+ le ka go re ntšhafatsa a dirisa moya o o boitshepo.+  O ne a re tshololela moya ono o le montsi a dirisa Jesu Keresete Mmoloki wa rona,+  gore fa re sena go bolelwa re le ba ba siameng ka ntlha ya bopelonomi jwa gagwe jo bogolo,*+ re nne baruaboswa+ ba ba nang le tsholofelo ya botshelo jo bo sa khutleng.+  Mafoko ano a a ikanyega, mme ke batla gore o nne o gatelela dintlha tseno, gore ba ba dumetseng mo Modimong ba nne ba dira ditiro tse di molemo ka tlhoafalo. Dilo tseno di molemo e bile di tswela batho mosola.  Mme wena, o se ka wa ngangisana le ope ka dilo tsa boeleele e bile o se ka wa nnela go batlisisa gore masika a latelana jang le go baka dikgogakgogano le dintwa ka ntlha ya molao wa ga Moshe, ka gonne dilo tseo ga di na mosola e bile ga di thuse ka sepe.+ 10  O tlhagise motho yo o bakang makoko,+ mme fa a sa go reetse fa o sena go mo tlhagisa lekgetlo la bobedi,+ o tlogele go ikopanya le ene,+ 11  ka o itse gore motho yoo o fapogile mo tseleng, o a leofa e bile o setse a atlhotswe ka ntlha ya dilo tse a di dirang. 12  Fa ke roma Aretemase kgotsa Tikiko+ kwa go wena, leka ka natla gore o tle kwa go nna kwa Nikopolisa, ka gonne ke dirile tshwetso ya gore ke nne teng ka paka ya mariga. 13  Dira sotlhe se o ka se kgonang go thusa Senase, yo o itseng molao wa ga Moshe fela thata le Apolose gore ba se ka ba tlhaela sepe mo loetong lwa bone.+ 14  Mme a bakaulengwe ba rona le bone ba ithute go nna ba dira ditiro tse di molemo gore ba thuse fa go na le sengwe se se tlhokegang ka bonako;+ fa ba dira jalo, ba tla nna ba na le sengwe se se molemo se ba se dirang.+ 15  Botlhe ba ba nang le nna ba a go dumedisa. Ntumedisetse badumedimmogo le rona ba ba re ratang. A bopelonomi jo bogolo jwa Modimo bo nne le lona.

Dintlha Tse di Kwa Tlase