Nahume 3:1-19

  • “Ruri motse o o bolayang batho o tla tlelwa ke ditlamorago tse di botlhoko!” (1-19)

    • Mabaka a go bo Ninife e atlholwa (1-7)

    • Ninife e tla wa jaaka No-amone (8-12)

    • Ninife e a senngwa (13-19)

3  Ruri motse o o bolayang batho o tla tlelwa ke ditlamorago tse di botlhoko! Tsietso le bonokwane di aname mo go one. Ga a ke a tlhoka dilo tse a di tsomileng!   Go utlwala modumo wa go thwanya ga seme le modumo wa go tlharakana ga maotwana,Le dipitse tse di tabogang le dikara tse di kgokologang.   Masole a a tsamayang ka dipitse, ditšhaka tse di tsabakelang le marumo a a phatsimang,Batho ba bantsintsi ba ba bolailweng setlhogo le mokoa wa ditopo,Ditopo ga di fele. Ba nna ba kgopiwa ke ditopo.   Seno se tla direga ka ntlha ya ditiro tsa gagwe tsa boaka,Mosadi yo montle thata le yo o kgatlhang, ene yo o itsegeng thata ka boloi,Yo o raelang ditšhaba ka boaka jwa gagwe le malapa ka boloi jwa gagwe.   Jehofa wa masomosomo a re, “Jaanong ke fetogile mmaba wa gago,*+Ke tla tsholetsa karolo e e kwa tlase ya seaparo sa gago ke bo ke go khurumetsa ka yone mo sefatlhegong;Ke tla dira gore ditšhaba di bone gore ga o a apara,Le magosi a bone matlhabisaditlhong a gago.   Mme ke tla latlhela leswe mo go wenaKe bo ke dira gore o nyatsege;Ke tla dira gore o gakgamalelwe.+   Mongwe le mongwe yo o go bonang o tla go tshaba+ a bo a re,‘Ninife o sentswe! Ke mang yo o tla mo utlwelang botlhoko?’ Ke tla go batlela bagomotsi kae?   A wena o botoka go gaisa No-amone,*+ yo o neng a nna fa meseleng ya Nile?+ O ne a dikologilwe ke metsi;Dikhumo tsa gagwe e ne e le lewatle, le lobota lwa gagwe e ne e le lewatle.   Ethiopia le Egepeto ke tsone tse di neng di dira gore a nne le maatla a magolo. Bapute+ le Balibia ba ne ba mo* thusa.+ 10  Le fa go ntse jalo, le ene o ne a tlosiwa mo nageng ya gagwe. O ne a isiwa botshwarwa.+ Bana ba gagwe le bone ba ne ba phatlakanngwa mo khoneng ya mmila mongwe le mongwe.* Ba ne ba latlhelela banna ba gagwe ba ba tlotlegang bola,Mme banna botlhe ba gagwe ba bagolo ba ne ba bofiwa ka dikeetane. 11  Le wena o tla tagwa;+O tla ya go iphitlha. O tla batla botshabelo gore o tshabe mmaba. 12  Mafelo otlhe a gago a a sireletsegileng a tshwana le ditlhare tsa mofeige tse di nang le maungo a a buduleng pele;Fa di ka tshikinngwa, a tla wela mo molomong wa ba ba tla a kometsang. 13  Masole a gago a tshwana fela le basadi. Dikgoro tsa naga ya gago di tla bulegela baba ba gago. Molelo o tla laila mephakalego ya dikgoro tsa gago. 14  Ga metsi mme o ipaakanyetse nako ya fa mmaba a tla bo a go dikologile!+ Nonotsha dipota tsa mafelo a gago a a sireletsegileng. Tsena mo seretseng mme o gatake letsopa;Tshwara foromo ya setena. 15  Tota le gone koo molelo o tla go laila. Tšhaka e tla go kgemetha.+ E tla go kometsa jaaka ditsie tse dinnye di dira.+ Itireng bantsi jaaka ditsie tse dinnye;Itireng bantsi jaaka ditsie! 16  O dirile gore bagwebi ba gago ba nne bantsi go feta dinaledi tsa magodimo. Ditsie tse dinnye di apola letlalo la tsone di bo di fofa. 17  Balebeledi ba gago ba tshwana le tsie,E bile badiredibagolo ba gago ba tshwana le lesogodi la tsie. Ba nna mo masakeng a maje fa go le tsididi. Le fa go ntse jalo, fa letsatsi le phatsima, ba a tshaba. Mme ga go na ope yo o itseng kwa ba leng teng. 18  Badisa ba gago ba a otsela, wena kgosi ya Asiria;Batlotlegi ba gago ba nna fela mo mafelong a bone. Batho ba gago ba gasamisitswe mo dithabeng,Mme ga go na ope yo o ba phuthang.+ 19  Ga o ka ke wa gololwa mo matlhotlhapelong a gago a magolo. Ntho ya gago ga e kitla e fola. Botlhe ba ba utlwang pego ka ga gago ba tla opa diatla;+Gonne ke mang yo o neng a se ka a boga ka ntlha ya bosetlhogo jo o neng o bo dira ka metlha?”+

Dintlha Tse di Kwa Tlase

Go tewa Ninife.
Go tewa Thebesa.
Seheb., “go.”
Seheb., “kwa tlhogong ya mebila yotlhe.”