Habakuke 1:1-17

  • Moporofeti o kopa thuso (1-4)

    • ‘Ao tlhe Jehofa, ka lobaka lo lo kae?’ (2)

    • “Ke ka ntlha yang fa o letlelela batho ba gatelela ba bangwe?” (3)

  • Bakaladia ba tla diragatsa katlholo ya Modimo (5-11)

  • Moporofeti o bua le Jehofa (12-17)

    • ‘Modimo wa me, ga o swe’ (12)

    • ‘O boitshepo thata gore o ka leba se se sa siamang’ (13)

1  Molaetsa o moporofeti Habakuke* a neng a o amogela ka ponatshegelo:   Ao tlhe Jehofa, ke tla goa ke kopa thuso ka lobaka lo lo kae, mme o sa utlwe?+ Ke tla go kopa ka lobaka lo lo kae gore o re golole mo thubakanyong, mme o sa dire sepe?*+   Ke ka ntlha yang fa o dira gore ke bone se se sa siamang? E bile ke ka ntlha yang fa o letlelela batho ba gatelela ba bangwe? Ke ka ntlha yang fa tshenyo le thubakanyo di le fa pele ga me? E bile ke ka ntlha yang fa go tletse dikomano le dikgotlhang?   Ga go na ope yo o ikobelang molao,E bile ga go ke go diragadiwa tshiamiso. Gonne batho ba ba bosula ba dikologile ba ba siameng;Ke gone ka moo tshiamiso e sokamisiwang.+   “Lebang kwa ditšhabeng mme lo ele tlhoko! Gakgamalang e bile lo gamarege;Gonne go tla direga sengwe mo motlheng wa lona,Se lo se kitlang lo se dumela le fa lo ka se bolelelwa.+   Gonne jaanong ke tlhotlheletsa Bakaladia,+Setšhaba se se setlhogo e bile se le mafega. Se ralala karolo e kgolo ya lefatsheGore se ye go gapa metse e e seng ya sone.+   Batho ba setšhaba seno ba a tshosa e bile ba a boitshega. Ba itlhomela tshiamiso le taolo* ya bone.+   Dipitse tsa bone di bofefo go gaisa mangau,E bile di bogale go gaisa diphiri go le bosigo.+ Dipitse tsa bone tsa ntwa di tiba ka tlhako di ya kwa pele;Dipitse tsa bone di tswa kgakala. Di fofela kwa tlase jaaka ntsu e e itlhaganelelang go ja sengwe.+   Botlhe fela ba batla go lwa.+ Difatlhego tsa bone di lebile kwa pele jaaka phefo ya botlhaba,+E bile ba gogola batshwarwa fela jaaka motlhaba. 10  Ba sotla dikgosi,E bile ba tshega badiredibagolo.+ Ba tshega lefelo lengwe le lengwe le le sireletsegileng;+Ba kokoanya mmu ba dira legora ba bo ba gapa lefelo leo. 11  Go tswa foo, ba fetela pele jaaka phefo ba bo ba ralala naga,Le fa go ntse jalo, ba tla nna molato.+ Ka gonne ba re modimo wa bone ke ene a ba neileng maatla.”*+ 12  Jehofa, a ga se wena yo o ntseng o le teng go tswa bosasimologeng?+ O Modimo wa me yo o Boitshepo e bile ga o swe.*+ Jehofa, o ne wa ba tlhopha gore ba diragatse katlholo;Wena lefika la me,+ o ne wa ba tlhoma gore ba tlise kotlhao.*+ 13  Matlho a gago a boitshepo thata gore a ka leba se se sa siamang,E bile ga o ka ke wa letlelela bosula.+ Jaanong ke ka ntlha yang fa o letlelela maferefere+E bile o didimala fela fa motho yo o bosula a kometsa mongwe yo o siameng go mo feta?+ 14  Ke ka ntlha yang fa o dira gore motho a tshwane le ditlhapi tsa lewatle,A tshwane le digagabi tse di se nang mmusi? 15  Tseno tsotlhe o* di goga ka huku ya ditlhapi. O di tshwara ka letlowa la gagwe le le gogwang,E bile o di phuthela mo letloweng la gagwe la go tshwara ditlhapi. Ke gone ka moo a itumelang thata.+ 16  Ke gone ka moo a ntshetsang letlowa la gagwe le le gogwang ditlhabeloA bo a ntshetsa letlowa la gagwe la go tshwara ditlhapi ditlhabelo;*Ka gonne karolo ya gagwe e nonne* ka ntlha ya tsone,E bile dijo tsa gagwe ke tsa maemo. 17  A mme gone o tla tswelela a ntsha ditlhapi tse di mo letloweng la gagwe le le gogwang?* A o tla tswelela a bolaya ditšhaba a sa di tlhomogele pelo?+

Dintlha Tse di Kwa Tlase

Gongwe go kaya “Go Tlamparela ka Lorato.”
Kgotsa “o sa boloke.”
Kgotsa “seriti.”
Kgotsa gongwe “maatla a bone ke modimo wa bone.”
Kgotsa gongwe “ga re kitla re swa.”
Kgotsa “gore ba kgaleme.”
Go tewa mmaba wa Mokaladia.
Kgotsa “mosi wa setlhabelo.”
Seheb., “e na le leokwane le lentsi.”
Kgotsa gongwe “o tla tswelela a somola tšhaka ya gagwe?”