Johane wa Bobedi 1:1-13

  • Ditumediso (1-3)

  • Tswelelang lo tsamaya mo boammaaruring (4-6)

  • Ikeleng tlhoko mo bathong ba ba tsietsang (7-11)

    • Lo se ka lwa mo dumedisa (10, 11)

  • Dithulaganyo tsa go eta le ditumediso (12, 13)

 Nna monna yo o godileng,* ke kwalela mohumagadi yo o tlhophilweng le bana ba gagwe ba ke ba ratang fela thata. Ga se nna fela ke ba ratang mme ba ratiwa le ke botlhe ba ba itseng boammaaruri.  Re a lo rata ka ntlha ya boammaaruri jo bo mo dipelong tsa rona le jo bo tla tswelelang bo le mo go rona ka bosakhutleng.  Modimo Rara le Morwawe e bong Jesu Keresete ba tla re ruta boammaaruri e bile ba tla re rata. Modimo o tla re bontsha bopelonomi jo bogolo,* o tla re utlwela botlhoko e bile o tla re thusa go nna le kagiso.  Ke itumela fela thata ka gonne ke fitlhetse bana ba gago ba bangwe ba tsamaya mo boammaaruring,+ fela jaaka Rara a re laetse.  Ka jalo mohumagadi, ga ke go kope gore o ikobele taelo e ntšha, mme ke kopa gore o ikobele taelo e re neng ra e newa go tloga kwa tshimologong. Taelo eo ya re re tshwanetse go ratana.+  Mme seno ke se lorato lo se kayang, gore re tswelele re tshela go ya ka ditaelo tsa gagwe.+ Eno ke taelo e lo neng lwa e utlwa go tloga kwa tshimologong, gore lo tshwanetse go tshela ka yone.  Gonne go na le batsietsi ba le bantsi mo lefatsheng,+ batho ba ba sa dumeleng gore Jesu Keresete o ne a tla mo lefatsheng e le motho.+ Ba ba dirang dilo tseno ba a tsietsa e bile ba ganetsa Keresete.*+  Nnang lo disitse, gore lo se ka lwa latlhegelwa ke dilo tse di molemo tse re di lo diretseng ka natla. Mme fa lo dira jalo, lo tla bona masego otlhe+ a Modimo a lo a baakanyeditseng.  Mongwe le mongwe yo o yang ka kwa ga dithuto tsa ga Keresete e bile a sa tswelele a le mo go tsone, ga a amogelwe ke Modimo.+ Mme yo o tswelelang a le mo thutong eno, o amogelwa ke Rara mmogo le Morwa.+ 10  Fa mongwe a tla mo go lona mme a sa tlise thuto eno, lo se ka lwa mo amogela mo magaeng a lona+ kgotsa lwa mo dumedisa. 11  Gonne motho yo o mo dumedisang o kopanela le ene mo ditirong tsa gagwe tse di bosula. 12  Le fa go na le dilo di le dintsi tse ke batlang go lo di bolelela, ga ke batle go lo kwalela tsone, mme ke solofela go tla kwa go lona le go bua le lona re lebane, gore lo tle lo itumele fela thata. 13  Bana ba ga mogoloo, yo o tlhophilweng, ba a go dumedisa.

Dintlha Tse di Kwa Tlase

Kgotsa “mogolwane.”
Seger., “e bile ke moganetsakeresete.”