Isaías 64:1-12

  • Nutajkháan má xúʼko̱ rí natanga̱a̱ a̱jkiu̱ún (1-12)

    • Jeobá, “bi̱ Naʼni daan” (8)

64  ¡Ra̱ʼkhá tháán májánʼ niʼni á mu ikháán nitaxkuʼtu mekhu ga̱jma̱a̱ nirajtaa,mu matani̱ dí kúbá maʼbajngaa* náa inaaʼ,  2  xóo índo̱ aguʼ natsiká ñawúunʼ ixi̱ nijndooʼga̱jma̱a̱ naʼni dí magaʼájxi̱ iyaʼ!¡Xa̱bu̱ sia̱nʼ ndrígáaʼ muniʼnuuʼ mbiʼyaaʼga̱jma̱a̱ xa̱bu̱ xuajin maguíʼiin náa inaaʼ!  3  Índo̱ nitani̱ xúgíʼ enii rí mitsaanʼ,* dí ikháanʼxu̱ na̱nguá niguáʼthi̱i̱n matani̱,+ikháán nirajtaa ga̱jma̱a̱ nitani̱ rí kúbá maʼbajngaa náa inaaʼ.+  4  Asndu nákha wajyúuʼ nimbáa na̱nguá niʼdxawuun,nimbáa na̱nguá ndiʼyoo mbáa Dios, bi̱ raʼkháa ikháán,nataniu̱u̱n rí májánʼ bi̱ nuguáʼthi̱i̱n má xúʼko̱ náa ikháán.+  5  Nidxu̱ʼ gátani̱ káwíin bi̱ nuni̱ ga̱jma̱a̱ gagi rí májánʼ,+bi̱ narmáʼáan a̱jkiu̱ún kuyaaʼ ga̱jma̱a̱ bi̱ najngrui̱gu̱u̱n má xúʼko̱ náa kamba̱a̱ʼ. Ra̱ʼkhá tháán nikiʼnán xtayuxuʼ dí ni̱ni̱xu má xúʼko̱ aʼkhá,+ga̱jma̱a̱ mba̱yu̱u̱ʼ tsiguʼ nikúwáanʼxu ru̱ni̱ xúʼko̱. Dí xúgi̱, lá gíʼmaa maguma káwáanʼxu ráʼ.  6  Xúgiáanʼxu ni̱jkuánú ninindxu̱xuʼ xóo mbáa bi̱ tsagaa,ga̱jma̱a̱ mbá xúgíʼ dí májánʼ rí nu̱nixu ni̱jkha̱nú ninindxu̱u̱ xóo xtíin dí najmuu mbáa a̱ʼgu̱ índo̱ nagajtaa eʼdiuu.+ Xúgiáanʼ mani̱ndxu̱xuʼ xóo mbá iná dí nujnduxtá,ga̱jma̱a̱ xúgíʼ rí nakiéʼkuxu mani̱ndxu̱u̱ xóo giñánʼ dí maʼga kaguáanʼxu̱.  7  Ndawa̱a̱ nimbáa bi̱ maʼthí mbiʼyaaʼ,ga̱jma̱a̱ ndawa̱a̱ nimbáa bi̱ ndañáanʼ mu matambáyíí,numuu dí nitarkaʼwu inaaʼ náa ikháanʼxu̱+ga̱jma̱a̱ natani̱ rí makáguabáanʼxu ga̱jma̱a̱ numuu rí nikiéʼkuxu.*  8  Mú dí xúgi̱, Jeobá, ikháán nindxa̱a̱ʼ Anu̱xu̱.+ Ikháanʼ nindxu̱xu̱ xóo ku̱ba̱ʼ ga̱jma̱a̱ ikháán nindxa̱a̱ʼ bi̱ Naʼni daan,+xúgiáanʼ ikháanʼxu̱ nitaniáanʼxu ga̱jma̱a̱ ñawáanʼ.  9  Jeobá, xákiʼnáá wéñuuʼ xtayuxu,+ga̱jma̱a̱ xármáʼáan a̱jkia̱a̱nʼ nángi eʼni rí nikiéʼkuxuʼ. Mbá péñu,* atayuxu̱ xúgiáanʼ ikháanʼ nindxu̱xu̱ xa̱bu̱ xuajñaanʼ. 10  Xuajñaanʼ rí kaʼwu ni̱jkha̱nú ninindxu̱u̱ xóo ku̱ba̱ʼ mijxooʼ.* Ma̱ngaa Sion ni̱jkha̱nú ninindxu̱u̱ xóo ku̱ba̱ʼ mijxooʼ,ga̱jma̱a̱ Jerusalén ni̱jkha̱nú ninindxu̱u̱ xóo mbaaʼ rí niguanáa.+ 11  Guʼwúxu rí nindxu̱u̱ kaʼwu ga̱jma̱a̱ mitsaanʼ,náa dí wajin xiʼñúxu ndiyamajkuaaʼ, nikha̱a̱+ga̱jma̱a̱ mbá xúgíʼ dí ra̱ʼkhá tháán ninduxu̱ʼ kuya̱a̱,niguma gámbáa. 12  Ga̱jma̱a̱ numuu xúgíʼ rúʼko̱, Jeobá, lá xátani̱ nimbá mu matambáyuxuʼ ráʼ. Lá maguanáa wíí ga̱jma̱a̱ matatsiʼñáánʼ dí mumíniiʼxu̱ wéñuuʼ ráʼ.+

Mbaʼa nota

^ O “maguáʼaan”.
^ O “nagui̱i̱”.
^ Náa ajngáa hebreo naʼthí, “ga̱jma̱a̱ numuu ñawúnxu”.
^ O “Atani̱ mbá rí májánʼ”.
^ O “desierto”.

Copyrights ndrígóo i̱yi̱i̱ʼ rígi̱